أشكرك يالهندية على هالموضوع الحلو والمفيد.... انشاالله نطلع منه بنتيجه...
كل ما حاولنا نوفر من المعاش ... سبحان الله ... يا الكهرباء او الماء يغلونهم... او شركة التأمين ترفع السعر... (شكلهم دارين اننا نوفر!!) الله يعوضنا خير انشاالله..
بس الحمدالله... والله اني لما اشوف اللي يدرس على حسابه احمد ربي واشكره... يعني احنا الحمدالله بنعمه... واحسن من غيرنا بكثير...

طرق التوفير عندي..
- من ناحية لما اروح السوق وانا ما اكون محتاجه شي... خلاص احط براسي اني مو محتاجه شي.. وعندي اللي يكفيني... ومن فتره لفتره اشتري لي اللي يعجبني اذا كان السعر مناسب او السعر مخفض... (طبعا اخلي مشترياتي الزينه قبل العوده للوطن.. عشان تنزل موديلات احلى وذاك الوقت اكون محتاجه لملابس اكثر) الزبده.. انك لا تقعدين تحوسين وتدققين بالملابس والمكياج... مري فقط مرور الكرام...
- طبعا اشياء البيت من لوحات وتحف وادوات كهربائيه وهالخرابيط... ماله داعي اشتريها... لاننا هنا فتره مؤقته ومو لازم نشتري اشياء ثانويه... ياالله الاشياء الاوليه المهمه (طبعا هنا ما اقصد خلاط ، تلفزيون ، كراسي...... الخ) بعد لا تولون هذي بخيله :(
- بعض الاشياء تقدرون توفرون اذا شريتوها من الانترنت... مثل الكتب.... زوجي دايما يشتري الكتب من الانترنت عشان ارخص بكثييييير... يعني اغتنام الفرص
-انتبهي للكوبونات... ساعات الواحد يلقى شيئين بسعر واحد....( انا سبحان الله مالي حظ بالكوبونات) بس اشوف الناس اللي بالبقاله معاهم هالاوراق وشكلهم يوفرون كثير...
- المطاعم... طبعا مانروح الا بالاسبوع مره تقريبا... وهنا اقول لكم حنا كيف نطلب... المطاعم الامريكيه معروفه بالاكل الثقيل وانهم يكثرون بالصحن... فانتوا قللوا من الطلب... وتشاركوا بطبق واطلبوا طلب اخر سلطه مثلا... تره هم الامريكان نفسهم يسوون كذا...
طبعا هذي الاشياء لو بنوفر فيها نوفر شي بسيط جدا... بس يعني الواحد يحاول... ومثل ما قالت الاخت هنديه... اذا كنا نبي نشتري شي زين او نروح سفره حلوه نحاول نوفر الكم شهر اللي قبله...
وانهي حديثي بمقولتك المشهوره اللي عجبتني للأسف :44: ( أدفع تنبسط)
والله يعينا وياكم على طاعته....

واذا تذكرت شي برجع اقول لكم

غدو
صدقه جبتيها احنا سويناها مره و لما صرفنا الهلل طلعت حوالي 250 بس كانت توفير سنين .. و بعدها صار ما فينا صبر كا ما يتجمع شوي نصرفهم .. انتم سمعتو عن الشايب و العجوز الي راحو للبنك و معهم خياش هلل و صرفوهم و راحو يتمشون فيهم في اوروبا ...
التوت الزاكي
مشكوره على مرورك مره ثانيه اختي

sugar
صادقه الله يكون بالعون بس هذه الغربه وش نسوي ,.,,,
مشكوره على مرورك اختي

ما شاء الله ماشاء الله
صرت اسنع منا ..... ههههههه بس عفوا السؤال .. ال 400 الي عطالك زوجك من وين جابها ؟ يعني ما دام فيه الامكانيه انه يستغني عن ال 400 من دون ما يتوهق فهذا شي ممتاز ... بس الراتب كله كم علشان نوفر 400 شهريا ...
بس تصدقون المدن تلعب دور في هذا الموضوع ...
يعني الي عايشين في مدن صغيره تكون اجارات البيوت بسيطه و ما يكون فيه حولهم اسواق و مطاعم كثير فا ما تضيع فلوسهم .. اما الي ساكنين في مدن كبيره فا يادوب يلحقون ... لان اجارات البيوت غاليه
تصدقون عاد اننا نصرف ثلاث رواتب غير الفلوس الي مو من الراتب و يا دوب يكفي .. ما ادري احنا مبذرين او فعلا مدينتا غاليه .. و بعدين موضوع الدراسه لها دور انا ادرس و بنتي تروح لروضه و الروضات غاليه .. يا الله الله يعين بس

مشكوره اختي جروح على المشاركه .. بس اقول عندكم عزايم و لا تنادينا .. :27:

غدوووووو..
تسلمي يا قلبي..ما عليك زود..:26:

الهنديه...حلللوة قصة العجوز والشايب...


جروح...ماشاءالله عليكم بتأثثون تاثيث كامل.....بس انتبهي اعرف وحدة شرت بعض اغراضها من امريكا شرت فرن كهرب 220 مسكييينه كل ماجت تشتغل عليه ..ينفضها....حتى مرة زوجها جاءبيشغله ونفضة....وحرم يستخدمه...لأنه قوي

وسمعت اللي يجيبون اثاث بعضة يتكسر وبعضة يضيع....فانتبهي.....

الله معكم