الفزعه @alfzaah

عضوة جديدة

موضوع جدي تفريج كربة مسلم ؟

السلام عليكم ورحمة الله وبركاته ....(( ارجووا قراءته بتمعن بعدين احكموا الله يجزاكم الخير))؟؟

لان هذا اخـــــــــــر باب راح اطرقه انا عشان احاول اساعد فيه انسان لوجه الله تعالى

ارجوا منكم جميعا قراءة الموضوع بتمهل فوالله ثم والله انه طلب مســــــاعده

في هذا النطاق بعدما ضاق النطاق خارج عالم الانترنت

وخيرها سيعم على صاحبها بالجزاء الحسن من الله تعالي والدعااااااء الصادق .....

وفيما معناه من فرج على مسلم كربه من كرب الدنيا فرج الله عليه كربه يوم القيامه << لاتنسون هالشيء

اخواتي العزيزات .. اطلب منكن بعد الله أنه من تجد لديها القدره

أو من معارفها وهي واثقه في المثـــابره في هذا الطلب اتمنى

أن تساعد وتساهم في هذه المساعده وصدقوني مالها الا الخير والدعاء

وهي ...

رجل ابتلاه الله بعد شهر من زواجه بتلف في الاعصاب جزئيا

بمعنى انه كان لايستطيع المشي نهائيا ولكن بعد التأهيل توقفت حالته الى انه يستطيع المشي

لكن خطوه ثقيله جدا جدا اي بطيء الحركه غير الانسان الطبيعي ولايستطيع الكتابه

ولايستطيع الركض ولا يستطيع ان يرى مابجانبه فقط ما امامه واقسم بالله

اني انقل لكم واقعه كما هو

ولديه هو وزوجته بفضل الله طفلان صغيران ولديه سائق

يعاونه في ما ألم به لانه لا يستطيع القياده فجسمه كله ضعيف جدا

له الان تقريبا 6 سنوات عالج وراجع وجرب ولكنه على حاله

طبعا كان مدرس وله راتب جيد ولكن بعد مرضه احالوه الى التقاعد براتب 2000 ريال فقط ؟؟؟!! بالرغم من حالته

وهو رب اسره وليس له حتى منزل يملكه والان اصابه الاحباط (من قلة الحيله)

وارجوا منكن الفزعه والنخوه لمساعدة هذا الانسان

لا يريد مال من احد ولا صدقه ولا شيء من هذا القبيل

فقط يريد ان يصل الى احدالامراء حتى يتسنى له شرح حالته لهم

ويرون فيها بإذن الله .............. فمن لديها تلك الروح التي لم يجدها خارج نطاق الاانترنت ..؟

..................

تصوروا يا بنات ورب الكعبه ماكذبت عليكم الرجال على تعبه وضعفه

وخطر عليه انه يجهد نفسه لكنه حاول وراح وكلم المشايخ وراح للوزاره

عشان ينظرون بحالته ويرجعونه للعمل او يدبرون له عمل لانه محتاج له وطلب من ناس كثير انهم

يساعدونه ويوصلونه لمسؤل لكن اللي يحاولون يساعدونه يوقفون ويتخلون عنه بنص الطريق عشانه بس مايهمهم

حتى المشايخ والمعروفين والمشهورين لحب الخير للاسف !!!!!!

هو والله مايبي فلوس من احد ولا يحب كذا لكن يبي احد يوصله لأحد الامراء عشان يقدر يدبر

امور علاجه وامور بيته وحياته وعياله صراحه عايله بحالها عايشه على 2000 ريال بس؟!! معاش التقاعد

وانتم اعرف مني بهالحياه وغلاوتها؟؟

غير ان علاجه لحاله يكلفه 1000 ريال ويمكن يزيد لانه علاج خاص بالاعصاب فقط عشان ماتنتكس حالته الى الاسوء والا ماهو علاج بعد لتحسين من حالته

والعلاج هذا شهري !!

والله انه يرفض الصدقه وهوانسان مستقيم وعفيف والحمدلله وعزيزه نفسه عليه ومايقبل الصدقه ولا حتى يدرون اني كاتبه لهم هالطلب لكن

من القهر اللي فيني على حالته والله بيتحطم ماخلى احد على قدر استطاعته الا راح له ولا احد عبره

اخر مره بيوم المواطنين للامير عبدالله دخل على نفس المكان عشان بس ياخذ اذن من اللي برى عشان يدخلونه على الامير

اخرتها انصدم حتى الدخول على الامير بواااااااااااااااااسطه ؟؟؟؟؟؟؟!!!!!

يعني من جد وين يروح بعد الله الاخوان لبعضهم وهم شافوا حالته ولا دخلوه ولاسمحوا له عشان مامعه واسطه

ليش طيب هو وش ذنبه اذا كان انسان بسيط على قد حاله بهالحياه

وش ذنبه يمنعونه من انه يشوف ولي الامر ويشرح له حالته ؟؟ وش هالقسوووووه

لا هو ولا عايلته ولا اخوانه ولا اقاربه عندهم هالواسطه وبعد كلن لاهي بنفسه

وهو مالقى احد بعد الله يساعده !! وش يسوي طيب ؟؟

وهو كل اللي محتاجه عمل يسنده ويساعده بهالحياه ويحسن معنوياته لان المعنويات لها دور

كبير بالشفاء بإذن الله .....

والله اطالب قلوبكم ونخوتكم يابنات يمكن انتم احسن من الرجال بمليون مره انكم تساعدونه بس انه يدخل على أمير يشرح له حالته بس

والله لو بيدي شي سويته له ماطلبت من احد لكن اناشد نخوتكن يابنات وترى والله مالكن الا الدعاوي الصادقه من هالفقير الى الله

اللي تقدر تفرج عن هالانسان كربته وتساعده في الي ماقدروا عليها طويلين الاشناب والله وربي اني انا نفسي راح ادعي لها من كل قلبي مع ان مالي علاقه فيهم

لكن الخير يفرح القلب والاخوان اذا وقفوا مع بعضهم ربي بيوفقهم

وبعد بيتضاعف الاجر للي بتساعد بقرب دخول هالشهر الكريم الله يشرفه

واللي تحب تساعد تراسلني على الخاص ......... والله يجزاكم اجمعين كل الخير ويوفقكم حتى لو ماساعدتوه

وكل عام وانتم بخير ورمضان كريم اعاده الله علينا وعليكم بالخير والبركه

وخير الختام السلام عليكم ورحمة الله وبركاته

اختكم ............. الفزعه

يلزم عليك تسجيل الدخول أولًا لكتابة تعليق.

تسجيل دخول

يا حبني لي • 20 سنة

وعليكم السلام ورحمة الله وبركاته ..
اهلين اختي ..
صراحه انا ودي اساعدك .. بس ما نعرف امراء بصراحه ..
لكن اعرف وحده تجمع للمحتاجين وتروح لبيوتهم ..
انتي بس ارسلي لي رقمه عالخاص وانا بوصله لها ان شاء الله :27:

الفزعه • 20 سنة

السلام عليكم

اختي (يا حبني لي) الله يسلمك ياوخيتي ويوفقك على مساعدتك

بس لو هو يقبل الحاجات من اي احد كان هانت ياقليبي

بعدين الصدقات وش تسوي بحالته تدفع له ثمن علاجه ؟ راتب سواقه اللي له مده ماعطاه شي من قلة الحيله ؟

تصرف على عياله تعالجهم ؟ توفر احتياجاتهم ؟اجار البيت ؟ واشياء كثيره انتي اعرف فيها

بعدين هو يبي العمل فيه دعم نفسي له بالشفاء ان شاء الله

لانه الان لا يشتغل ولا يروح ولا يجي فحالته باقيه على ماهي عليه مع الهم والضغط النفسي

الله يسلمك يالطيبه سويتي اللي عليك والله يجزاك كل الخير يارب ويوفقك ويفرج لك

وانتي رديتي وعطيتيني أمل ان فيه ناس تحس

ننتظر باقي الاخوات يمكن يجي الفرج على يد وحده منهم

تخيلي ياعزيزتي لقيت الموضوع بالصفحه الثالثه!!!

الف شكر لك والله يجزاك كل الخير

**بقــــ جروووح ـــايا** • 20 سنة

كنت اتمنى اساعدك والله بس
انا نفسي احتاج من يساعدني

ام الرمسي • 20 سنة

الله يشفيه ويفرج كربه ويجزاك خير يا اختي
والله ودي اساعد لاكن للاسف
الله يسخر له من يساعده

الفزعه • 20 سنة

السلام عليكم

اوخيتي بقايا جروح .. يارب اسئله من واسع فضله ورحمته انه يفرج لك كل كربه صغيره والا كبيره وانه يوسع لك ويفتح لك ابواب رزقه ورحمته .. اللهم امين ومشكوره ياوخيتي وجزاك الله خير

أم الرمسي .. والله يجزاك كل الخير ويفرج لك بعد انتي ماقصرتي ياوخيتي والف شكر لك

وانا بانتظار الفزعه والعون من اخواتي الكريمات .... والسلام عليكم