موضوع حوسه , بس أبي رايكم يَ قلبيني انتم :$

السلام عليكم بنات ..

والله مدري شلون ابتدي كلامي ..
بس انا كل يوم اقراء مواضيعكم .. حيل تأثر فيني
طبعاا ادري ان الرجال مو بعض وادري ان كل شيء قسمه ونصيب
وحاطه ببالي هالعباره ( الرجال على حسب ماتعودينه )
يعني من بداية زواجكم اذا عودتيه على اشياء رح يصير يسويها : يعني زي الطفل

المهم :
بنآت انا دايما اذا تقدم لي معرس ( يقولون لي فكري وشوفي اذا مناسبك ولا لا )
طبعا تعرفون مجتمعاتنا , مانعرف شيء عن الولد الا اسمه ووظيفته وشهادته
وشخصيته واخلاقه مانعرفها
لاتقولون بالسؤال : لا كل هالاشياء ماتنعرف الا بعد العشره
ودايما الزوج شخصيته مع زوجته غير عن شخصيته مع اصحابه ولا اهله .. مره فيه اختلاف كبير
صح كلامي ولا لا !؟

ف اصير افكر : براتبه ؟
كيف بعيش معه كيف رح افتح بيت طبعا اغلبهم ماعندهم بيوت ملك
وافكر بمستواه التعليمي
اقول اذا معه بس ثانوي لازم احاول اخليه يكمل دراسه : يعني من هالاشياء

صح تفكيري ؟ ولا المفروض ما افكر بالفلوس والراتب !؟
انا كل همي مابغا اتعب بحياتي بالمستقبل , لااني اذا وافقت وهو بهالراتب
بالمستقبل رح يقول ظروفي كذا وانتي وافقتي علي وانا كذا تحملي هذي مشكلتك مو مشكلتي

.....
المهم انا قد كتبت مشكله لي هنا
وبرجع اعيد كلامي : انا قد انخطبت كم مره وفي كل مره ماتتم ,
يعني اقعد مخطوبه سنه بعدين نترك , خطوبه بس مو ملكه
مره ولد عمي ومره ولد خالتي يعني من الأهل
بس يقولون نبي فلانه ويخطبوني الين يستعدون للزواج ونملك ( احنل بالعايله كذا نظامنا )
المشكله انه يتقدمون واوافق وهم يتقدمون لاانهم يبوني بس بعد فتره اكتشف اشياء ماتناسبني وارفض
او تصير مشكله
وهيييييييييك
من كثر ما ارفض امي تقول لي ( لاتصكين بنصيبك ) معتقدات عند الحريم انه اللي ترفض الخطابه ماعاد يجيها احد
صدق هالكلام ولا لا !؟؟

.......

واكثر موضوع ينرفزني اذا قريت كلام انو ( الرجال يبي وحده بيضاء )
انا لوني اسمر .. بس مو سمراء مره مره
يعني مايل للحنطي ..
بس انا الاحظ انه الامهات هم اذا جو يدورون عروسهم لولدهم يدورون على البيضاء
ولا الرجال بمجتمعنا وش دراهم ان فلانه بنت فلان بيضاء ولا سمراء !؟
مايدروون
لاتقولون بيشوف ابوها ولا اخوانها
انا ابوي واخواني بيضضضضضضضض
يمكن الوحده تطلع ع امها ولا جدها ولا ولا ولا الخ

جد هالموضوع بعد يحطمني واللي يحطمني الحرييييييم بمجتمعناااا
تدور لولدها وحده بيضاء حتى لو ملامحها عاديه

قبل فتره .. كان فيه عزيمه عند جماعتنا كبييييييره .. وكل البنات موجودات
بعضهم ماعرفهم وبيوم العزيمه اول مره اشوفهم
وكل الحريم يمدحونهم مثلا مريم مره حلوه وتجنن بيضاء وشعرها حلوو
ولا فلانه جميله جمال لو تشوفينها تنجنين عليها
المهم شفتهم بالعزيمه :biggrin:
واطالع ادور الزين فيهم ماشفت شيء ..:biggrin:
بس بياض ووحده شعرها كثير وطويل مشاء الله ..
طيب وين اللبس وين الرزه وين الكشخه وين النظافه !؟
ولا بس بيضاء !!! هذا المهم يعني
طيب يمكن ذوقهم خايس يمكن ماعندهم مويه يتروشون
اذا جت عيني بعينهم ابتسم :biggrin:
وهم متنحآت لا ابتسامه ولا اخلاق حلوه .. مو شايفين انفسهم بس كذا مو بشوشات
ولاتقولون بيني وبينهم مشاكل لا اصلا هم مايعرفوني وانا ماعرفهم بس اسمع عنهم ..:biggrin:

يعني الغرض من هالسالفه بعد مهم ان الوحده تكون بشوشه فرفوشه
ولا بعد غلطآنه !؟

يمكن كلامي متلخبط وحوسه , بس عطوني رايكم بالنقاط اللي ذكرتها ..!

بقولكم سسسسسر :$

ترى قبل فتره صار عندي عدم ثقه بنفسي والسبب سماري ..
ملامحي جداا مقبوله وجسمي حلو ماشاء الله
وبشرتي موحده بعد ماجلست اعالجها
بس لااني اسمع الناس يمدحون فلانه وعلانه وهم مو حلوات
صرت اقول بنفسي اكيد اني اشين منهم :biggrin:
بس الحين صرت احاول اطنش . وارجع ثقتي بنفسي
وترى ما اغاااااااار .. بالعكس دايما ادعي لهم واذكر الله عشان مايصير بهم شيء مني :biggrin:

ي حبي لكم .. قرقرواا وعلموني رايكم انتوو بعد :biggrin:
الله يجزاكم الجنه قولوا امين .....