متكحله بدم خاينها@ :

الكادي ياهلا ومرحبا يالغاليه انا معاج بكلامج وعن تجربه شخصيه اول الزواج لما كان يجيب الجاكليت والعصاير والمشروبات الغازيه كنت اخذهم منه ولا اقول شي لاني استحي وهو يسكت عادي بس لي قعد يقول بدون نفس جيبيلي ماي او عصير ومره جاب الاغراض ولا ارادي ابتسمت بادلني الابتسامه وقال لاتطولين علي انا ناطرج عند التلفزيون وجيبي لزوم القعده استغربت وتذكرت الابتسامه وقلت بنفسي دام الابتسامه فرحته وتغير 180 درجه بطلب الاشياء انا شنو خسرانه لاكثرت من هالحكي وفعلا صرت اقوله تسلم ياقلبي ياعلني مافقد دخلتك علي ياعل عمرك طويل وتجيب تسلم ادينك حتى اذا طلعنا وردينا اقوله تسلم يالغالي ونستنا الله يونسك دنيا واخره ياعل عيني ماتبكيك والله استانسنا والحمدلله صارت طلباتنا اوامر والسبب كلمه حلوه تدغدغ المشاعر وهذا اكبر دليل ان الرجل قلبه قلب طفل كلمه ترفعه وكلمه تنزله

الكادي ياهلا ومرحبا يالغاليه انا معاج بكلامج وعن تجربه شخصيه اول الزواج لما كان يجيب الجاكليت...

غرشوبة أبوظبي :

الرسيميه كلامج درر وصدق الكلمه الطيبه والابتسامه الصادقه مفتاح القلوب حتى مرات لما نطلع يقول شو خاطركم فيه اقوله ايس كريم<<<<<<<<احب الايسكريم وايد اتم اشكره يقول ويقول كاني شاريلج طقم ذهب اقوله انت ذهب واغلى منه بعد واشكره حتى على الطلعه يقول شو ما سوينا شي المهم مختصر الحديث ان الكلام الطيب والشكر والثناء له دور في الحياه والحديث يقول لا يشكر الله من لا يشكر الناس اللهم اجعلنا من الشاكرين

الرسيميه كلامج درر وصدق الكلمه الطيبه والابتسامه الصادقه مفتاح القلوب حتى مرات لما نطلع...

متكحله بدم خاينها@ :

حبيبتي فراوله 2008 انا من رايي تجيبين صندوق خشبي شكله مقبول وممكن تحطين لمساتك عليه جيبي خامه تور وحطيها بداخله بشكل عشوائي يعني مو مصفطته او مرتب وانثري عليه ورد مجفف اذا كان لون التور احمر جيبي ورد اصفر او اف وايت او ابيض وانا افضل التور ابيض والورد احمر صفطي الهديه وحطيها بالداخل وحطي على الصندوق من برا ورده طبيعيه ومعاها ظرف بداخله كرت مكتوب فيها كلمات حلوه تحرك الحجر فاهمه قصدي وجيبي برواز وحطي بداخله ورقه مطبوعه كاتبه فيها انها شهادة تقدير على المثابره والدراسه وتباركين له على النجاح مع توقيعك واكتبي اللي تبين واذا ودك اكتب لك الكلام وانتي بس اطبعيه انا حاضره بس برسلها على الخاص بالضافه للجاتوه والعصير واذا ممكن تحطين من النت اغنية احلام نجحنا والله وفقنا اول مايدخل هذا اللي في بالي واذا ماعجبتك ممكن نشوف لج غيرها حاضرين لطيبين

حبيبتي فراوله 2008 انا من رايي تجيبين صندوق خشبي شكله مقبول وممكن تحطين لمساتك عليه جيبي...