تطبيقات عليها ملاحظات

ما زلت للعلم صغيرة ..
لا تنسي يا قمر عندك درس التحريك غلط
بانتظارك
--

النور البعيد
تسلمي يا قمر بس الخاطف عندك خطأ
ظاهر في نفس الحركة أو الفريم لير النص مع لير الفلتر
يعني الكلام والتشويش ظاهرين في نفس الوقت
خلي كل واحد في فريم
موفقة يا قمر
--

همس2010
ما فيه تعب يا قمر عادي
بالنسبة للدرس الماضي اللمعان على الصورة مية مية
بس الخاطف لسه غلط عندك نفس المشكلة الأولى
تخلي لير النص ولير الفلتر في نفس الفريم
خلي النص في فريم والفلتر في فريم وسرعي توقيت الفريم اللي فيه الفلتر وبطئي حق النص
والدرس الأخير التشويش تمام
والشموع حلوة بس ما كملت سويت شمعتين ..
مو مشكلة لو وحدة .. الفلاش غلط في التوقيت
الدائرة الأولى الصغيرة خليها سريعة توقيتها 0.0
بس دامك طبقت حق الشموع خلاص مو لازم الفلاش
ناقصك في الدرس الأخير تعديل التحريك لأنه غلط .. انت محركة صورة صورة ومحركة الكلام .. لازم التصورة ككل تتحرك دفعة وحدة
أدمجي كل الليرات حتى الكلام بعدين انتقلي للايميج وحركي
بانتظارك يا قمر
--

إكرام ..
الشريط والاضاءة على النص مية مية
ناقصك النص الخاطف
بانتظارك يا قمر
--

عبير المسك ..
اللمعان على الصورة كويس ولو إني أفضل لو كان بالفرشاة الضبابية ..
لكن إظهار النص من العدم خطأ لأن اللير حق الفرشاة مو نفس لون لير الخلفية ..واضح لون الفرشاة رمادي والخلفية بيضا
والنص الخاطف خطأ برضو ..
موفقة يا قمر
--

غزلان
حياك يا قمر مو مشكلة ..
الفلاشين كلها خطأ لأنك ما استخدمت الفرشاة الضبابية استخدمت الثانية اللي بحواف محددة ..
حتى الشموع رسمتها غلط
اختاري الفرشاة الضبابية وانقري مرة وحدة على الشعلة نفسها
هذا تطبيقك وتحته تطبيقي



عدلي الفلاش أو الشموع .. مو لازم الاثنين واحد كفاية
التشويش صحيح ..
أما التحريك طريقتك صحيحة بس حركت الصورة بزيادة برا الحدود .. لو الحركة في داخل اطار الصورة أحلى ..
المهم باقي لك الفلاش او الشمعة
موفقة يا قمر

تطبيقات عليها ملاحظات ..
العادلة ..

يا قمر .. الخاطف حطيت كل الليرات في فريمين بس .. مع إن عندك 4 ليرات المفروض 4 فريمات
كل لير في فريم

هذا شرح مفصل مرة ..

إذا كتبت النص وكررتيه وسويت عليه الفلتر موشن انتقلي للايميج

أضيفي فريمات بعدد الليرات .. لا تحسبي لير الصورة .. هنا أضفت 4 فريمات عشان فيه 4 ليرات

خلي الفريم 2 و4 للنص و3 و5 للفلتر
واللي فيها النص خلي توقيتها أطول عشان تلحقي تقرأي الكلمة .. وحق الفلتر سريعة زي كذا



وفي الفريم الأول المحدد بالأزرق فوق أظهري العين حق اللير الأولى بس وأخفي البقية

وفي الفريم الثاني أخفي كل العيون وأظهري اللير الثاني .. (اللي هو فلتر)




وضحت لك في الصورة .. إنه فريم نص وفريم فلتر فريم نص وفريم فلتر .. بالتناوب
وكل فريم فيه عين وحدة بسسسس

أظهرنا في الصورة الأولى نص والثانية فلتر والثالثة الحين نص

انتقلي للفريم الثالث وأخفي كل العيون وأظهري بس حق اللير الثالث





والحين في الصورة هذي راح نظهر الفلتر.. في الفريم الرابع والأخير نظهر عين آخر لير الرابع وأخفي الباقية





وهذي النتيجة

قصدي يالعادلة 1و3 مو 5

وبالنسبة لهذا التطبيق




هذا حق الدرس السادس إضافة لون على النص .. ليه عدتيه؟ انت سويت الاضاءة على الصورة بنفس الطريقة وعدلتيه وكان صحيح تطبيقك .. ليه تعيديه؟
عموما .. كان يهمني تعديل الخاطف .. تسلم يمينك على التعديل ..


غزلان
تسلمي يا قمر على التعديل ..
سريع حبتين ..
يعطيك العاافية


عبير المسك ..
تسلمي يا قمر على تعديل الخاطف ..
لو بطأتيه أفضل مرة سريع.. وهذا تقييم الدرسين الأخيرة
يعافيك ربي

--

نويره ..
الحمد لله على سلامة التطبيقات ^^
تسلم يدك يا قمر كلها مية مية
وحلوة فكرة الفلاش على ساهر لو ضبطتيها زي الكاميرا
تسلم يمينك


بحر الود ..
تطبيقات قمة .. خاصة حركة الشموع
تسلم يدك يا قمر

السلام عليكم ورحمة الله

كان بودي ما أبدأ تقييم التصاميم إلا وإحنا خالصين من الدروس القديمة وتعديلها .. أتمنى اللي عندها أخطاء تعدلها بسرعة ..

وهالمرة ما فيها تقديرات .. لأنها راح تكون بعدين في موضوع خآص


قبل التقييم .. لو فيه تعديل على تصميم متحرك افتحي الايميج ريدي ودخلي التصميم بعدين انتقلي من الايميج للفوتو .. لأنك لو دخلت التصميم المتحرك للفوتو مباشرة راح يتوقف عن الحركة ,, إذا خلصت تعديل من الفوتو ارجعي للايميج وتأكدي من الحركة بعدين أحفظي ..



نبدأ مع أول تصميم


دونا




صراحة لما قلت ركزت على الايميج أكثر من التصميم جاني إحباط .. بس لما شفت شغلك وفكرتك غيرت رأيي
كل شيء حلوو ما شاالله ..
الألون .. الدمج .. الحركة والتأثيرات ..
صح التصميم بسيط وأغلب وقتك كان أكيد على الايميج مو التصميم
لكن النتيجة حلوة .. والصور مناسبة للفكرة ..
العناصر اللي استخدمتيها ممتازة .. وطريقة إخراجك للفكرة
كل شيء تمااام إلا ستوك الساعة هذا .. أشوف كثير يحبوه ..
لو حطيت صور أماكن وكراسي فاضية مثلا .. لأنها راح تعبر عن المكان بدل الساعة
بس مو مشكلة ممكن تفهمي من الساعة إنه مقارنة كمان بين زمان والحين ..
لو أنا اللي عملت التصميم كنت عكست الصور ..
يعني حطيت صورة الشايب تحت والاثنين اللي تحت فوق
كأن الشايب هو اللي يستذكر زمان لما كانت زوجته معاه
حتى راح تناسب ألوان الصورة اللي فوق لما تبهت الاثنين اللي تحت .. وكأنها صورة قديمة لهم ايام شبابهم
هذا بس مجرد رأي .. والا ما يأثر على جمال التصميم أبداً .. وبعدما اعتمدت الرد في الخلفية الغامقة ظهرت زوائد بيضا ورا التصميم .. أختاري اداة التحديد المربعة وحدديها وأمسحي بديليت أسهل لك

تسلم يمينك يا قمر وجزاك ربي كل خير على الدعوات الحلوة
--


قمة الوفى



الله يعافيك يا قمر ..
الخسارة لي أنا ..
الله يعين ..


الدمج عندك بالنسبة للستوكين حق المناظر تمام .. الألوان رغم إنها كثيرة بس حلوة ومتناسقة
بالنسبة لدمج البنت .. مو واضحة تمام .. أطرافها ممسوحة خاصة جهة الساقين والراس
الوجه معبر ومناسب للكلام .. لكن الخلفية أحس مو مناسبة
شكل الباب كأنها بانتظار أحد .. وفكرة تصميمك عن الشوق .. خاصة إنك قلت مشتاقة لأخواتك
لو حطيت خيال أو ظل شخص .. وقللت الألوان ..أتوقع يكون أفضل ..
الخط والكلام والتأثير عليه تمااام
بس اسمك فيه بقعة حوله .. واضحة مرة ,, في الخلفية السودا مبينة بيضا والعكس

تسلم يدك يا قمر
--

الزين شوشو




الله يسعدك إذا تم التقييم ما فيه إلا رجعة وحدة ^^

ألوان التصميم حلوة .. والتصميم ككل ناعم ..
الدمج ممتاز .. والعناصر مناسبة تماما للتصميم والفكرة ..الكلام والصور ..
إطار الشمس فوق .. لو دمجت صورة الشمس والبحر بالخلفية بدل ما تحطيها في إطار على جنب راح تكون أحلى
أتوقع حتى راح تناسب ألوان الخلفية مع الصورة
الخامات حلوة ,, وتأثير المربعات حلووو .. بس بدون فكرة تجميع العناصر زي كذا .. حتى إطار الصورة أخذت جزء منه مو كامل..
ممكن بدل هالصور لو حطيت صورة الوردة الحمرا مجزأة بنفس الطريقة .. يعني تكون صورة حاجة وحدة مو مجمعة كل اللي في التصميم في جهة وحدة .. إن شاالله فهمت علي :icon30:
ونفس حكاية دونا مع الخلفية الغامقة بينت الإضاءة طالعة عن التصميم .. استخدمي العصا السحرية وأنقري مرة وحدة في وحدة من اركان الصورة على اللون البيض وراح يتحدد وأمسحي بديليت .. وعشان تكون الإضاءة بحدود الصورة خليك ضاغطة على كنترول وأنقري مرة وحدة على لير التصميم نفسه ,, أضيفي لير جديد وعبيه باللون .. راح يبقى التحديد ما راح يتلغي ,, وراح يتلون على نفس التصميم بدون زوايد

تسلم يدك يا قمر
--

أسرار مكنونة




الله يسلمك ويعافيك يا قمر
من ينسى ايام حلوة زي هذي ):
الله يجمعنا في الفردوس يا رب ,,

التصميم ألوانه قمممة .. تأثيرات الفلتر رووعة ..
الكلام حلو ومرتب .. حتى وضعه في إطار طالع شكله حلوو
خامة الاضاءة والمربعات رووعة بالذات المربعات ,, ولقطة البنت أحلى ..
الخامة الانجليزية الكتابية بس هي اللي زايدة .. ونسيت تمسحي الاسم اللي تحت في ستوك الورود

تسلم يمينك يا قمر
--

أم يوسف الجميل



اللهم آآمين .. وإياك يالغلا

الفكرة وصورة البنتين والكلام كلهم لايقين على بعض مرة ..
لكن كثرت صور والتصميم صاير مزحوم .. حتى غطيت على أهم شيء في التصميم لازم يبرز وهو صورة البنتين
اللقطة حلوة بس الخامات مغطية عليها ..
القلوب كثيرة .. لو اكتفيت بواحد هو المتحرك في النص .. وخليتيه على جنب عشان ما يغطي صورة البنات
حتى الخطوط اللي في خامة الورود او الشرايط مو مبين إيش هي بالضبط لو مسحتيها عن صورة البنتين أفضل
وعلى اليسار فيه مربع مدري تابع لأي صورة جنب القلب الزهري .. ذكرني بالشماغ ..
بالنسبة للحركة حلوة ,, ولو كان القلب اللي ينبض راح يكون أحلى ,, طريقة النبض كرري لير القلب وخلي واحد صغير والثاني أكبر بشوية .. وانتقلي للايميج وأضيفي فريمين .. واحد أظهري فيه القلب الصغير والفريم الثاني أظهري عين القلب الكبير وزبطي التوقيت .. هذا لو حابة الفكرة مو شرط ..
أهم شيء بس تخففي الزحمة من التصميم وتقللي الخامات والقلوب

تسلم يدك يا قمر
--


أم رهف




مسا النور والسرور ..
اللهم آآمين يسلمك ربي
والله كانت حلوة وممتعة بتواجدكم ..
الله يسعدك ..

الفكرة حلوة والتصميم أحلى ..
والألوان رووعة عجبتني .. حتى العناصر اللي استعملتيها خدمت الفكرة كثييير وناسبت ,,
وحلوة حركة إضافة الوجوه داخل القلب ..
بساطة التصميم أعطته جمال ..
وحلوة حركة الفتح والإغلاق على الصورة ,, بس سريعة حبتين .. لو خليتيه يبقى مفتوح 3 أو 4 ثواني حتى يمديك تشوفي التصميم ... وستووك الساعة ما يعبر عن شيء في التصميم زايد
غير كذا ما فيه كله تماااام ..
تسلم يدك يا قمر .. ليتك بس تواجدت يوم التصميم اللي راح حق الفوتو دامك راح تبدعي كذا ..

يعطيك العااافية ..
--

الشذا الفواح




اللهم آآآمين وإياك يا قمرهم ..
إيوالله صادقة كسبنا شوفة بعض وأحلى وقت والله ..
وألف سلامة على اصابعك ما تشوفي شر يا رب

التصميم رايق .. الدمج قمة ما شاالله
اللوان حلوة ومتناسقة ..
البنت جدا جدا معبرة .. وحلوة فكرة إطلالتها على النافذة
حتى نفس الخامة معطية تأثير كأنه فلتر ..
الكلام والخط حلوين .. بس لو كان النص ثابت وكلمة الاشتياق مثلا متحركة لحالها ممكن يكون أحلى
بس هذا ما يقلل شيء من جمال التصميم

تسلم يدك يا قمر
--


هايدي حواء




والله أثرت فيني عبارة آخر تطبيق

التصميم والفكرة ككل حلوووين ..
الدمج عندك ممتاز .. الصورة اللي على اليسار عجبتني اللقطة معبرة كثير ..
هي والعين أكثر من الصورة اللي على اليمين .. اللي على اليمين حتى لو شلتيها يكون أفضل ..
لأنهم يبتسموا عكس اللي على اليسار ..

الكلام جميل جدا .. والخط حلو .. لكن كبير شوية ولو خليتيه ثابت أو شفت حركة ثانية غير تحريك النص بالكامل يكون أحسن .. وخليت لون الستروك غير الأحمر ..أقصد التحديد الأحمر اللي حول النص
والتأثير اللي كأنه خامة على الصورة حلووو ..

الخامة الكتابية باينة الحافة المستقيمة حقتها بوضوح.. وثقيلة على الصورة لو اندمجت بنفس شكلها على اليمين بشكل خفيف راح تكون أحلى ,, أنا ما أحب فكرة الخامة الانجليزية على كتابة عربية .. لكن إذا عاجبتك انت عادي خليها بس عدلي الحافة لا تخليها تبان وخففي من الشفافية أو غيري المود حقها

ولا تنسي الإطار الأسود أو أي لون تشوفيه مناسب يعطي شكل للتصميم

تسلم يمينك يا قمر

التعديلات في الدرس قبل التصميم ..

إكرام
تسلمي يا قمر على تعديل الخاطف منتاز
والشموع مية مية
يعطيك العافية



النور البعيد
يااا لبى النجمات بس :biggrinlo
تسلمي يا قمر على التعديل


عهود أم عبودي ..
عليكم السلام والرحمة ,, حياك يا قمر
موو مشكلة عاادي يالغلا كلنا بظروفنا وانت دايم متواجدة ما شاالله عليك
المهم عدت أشغالك على خير
تسلم يمينك على التطبيقات منتاااازة