عزيزتي maisaa123
كلامك مزبوط ، أنا إلي صار يزعجني أكثر إني صرت أحس أنه بالنسبة إله هذا صار حق مكتسب ، وإنه كل النساء هيك بعملوا يعني أنا ما بعمل شي مميز ، يعني هذا الوضع الطبيعي ، وإلي مو طبيعي عكس ذلك ، عشان هيك بلشت أتعب وأحس بالممل من الوضع ، يعني أهله بحبوني حب ما بتتخيليه والحمد لله أنا بتقي الله فيهم وبعاملهم معاملة كثير كويسة وقصدي رضا ربنا عني ورضا زوجي عني ، مع أنه للأسف ما بعمل نفس ما أنا بعمل مع أهله ، وهذا إلي بحز بنفسي ....
كلامك ما أزعجني بس إنتي حطيتي إيدك على الوجع ....
يسلموا يا ألبي الله يسعدك يارب ويفرح ألبك بلي بتتمنيه...

وش قصدك في تبخير البيت ارجوا الافادة لانك تقولين اذا بخرت البيت وشغلت فيه قرأن اتحسن الوضع النفسي شوي ولكن بس أجلس فترة ما أشغل قرأن بالبيت أو أبخر بترجع الأمورارجوا الايضاح

عزيزتي أسأل الله أن يعينك .. و أنصحك بقراءة سورة البقرة و تشغيلها في البيت و الدعاء لله بأن يفرج همك و هم زوجك ... أسأل الله العظيم أن يحفظك و يحفظ زوجك من كل شر و مكروه و أن يجعل بينكم مودة و ألفة و رحمة و أن يجعلك سكنا له و يجعله سكانا لك و أن يفرج همكم يا رب العالمين ..

أختي Umahmad
شكرا جزيلا على الدعاء ، وهوي ما بعارض بتوقع غنه يروح على شيخ لأنه كان إحب كثير أقرأ قرأن وأبخره لأنه كان إحس إنو مرتاح فما بتوقع إنو يرفض يروح على شيخ ما جربت أسأله بي المشكلة من وين أجيب شيخ ..... عنا صعب ألاقي حد وهوي ما بتوقع يروح ويسأل بالمسجد عن شيخ يقرأ عليه ... المشكلة إنو إحنا البيت إلي سكانين فيه متضايقين فيه ، هوي بحكي بدل كويس لحد ما أدخل البيت، وبنكد، أنا مو راضية أستسلم لهذا الموضوع ولو على البيت بتهون بنغير البيت ، بس حاسة إنها مجموعة مشاكل مع بعض ...
أختي مشتاقة للقاء الله
قصدي مو في بخور مخصوص للعين والحسد إلي هي الفاسوخ والشبة هذا إلي بعرفوا ، ببخر البيت فيهم وأنا بقرأ قرأن ، وإجت فترة كنت أشغل السي دي على قرأن وأطلع على الشغل ويختم القرأن بالبيت ، أحس نفسيته صارت أحسن شوي ، ولما أكسل ترجع الأمور بتسوء أكثر وأكثر ... كنت قبل ما أعمل هاي الشغلات الوضع أصعب من هلا يعني ما كان يصير شي بينا بالمرة وهوي يحاول بس ما تزبط معه ... رغم إنا روحنا للدكتور وعملنا فحص وما طلعنا فينا أي شي الحمد لله ... والدليل إني حملت بعدين والله يرحمني من أسألت الناس وأهله عشان صارلنا أكثر من سنة وما حملت والمشكلة ما بعرفوا السبب وبعدين خبرت إمه إهتمت بالموضوع وبعدين نسيت الموضوع وما وصلت لحل وخصوصاً لأني حامل هلا .. بالنسبة لهم هذا المهم .... وأكثر من هيك ما حد بيهمو ...
أختي حياة الأمومة
مشكورة على الدعاء والله يستجيب يا رب ، ويعطيكي ما تمنتيه لي وأكثر .... وإن شاء الله بداوم على قراءة سورة البقرة والدعاء .... والله ينولك كل ما تتمنيه دنيا وأخرة إن شاء الله..

عزيزتي ممكن انتي تقرين عليه مو لازم شيخ قراءه الشخص على نفسه او لأهل بيته افضل
هذا مو كلامي كلام شيخ كان يقرا عندنا ودهني انتي وياه بزيت مقري فيه
وشغلي القرأن دائما سورة البقرة والاعراف
وان شالله يصلح حالكم ومايشوف غيرك بها الدنيا