موضوع خاص ..خاص بالمتزوجات...ولا يمنع دخول البنات..

بسم الله الرحمن الرحيم

(يا متزوجات عندي لكم خللللللللللللللللللللطة..تخلي ريحتك ......انما ايه)

( عندي شيء يخلي ريحة الفم تجنن((للمتزوجات فقط))

(مكياج خاص بالمتزوجات فقط)

(مشكلتي مشكلة...والحل عندكم يا متزوجات ...(البنات ..لا ))

(عندي....اشرايكم...شيء خاص....الخ الخ ((للمتزوجات فقط)

(المتزوجات نعم.......................البنات لا وعيب)

اكيد كل من قرات الموضوع استغربت..واللي قرات العنوان استغربت اكثر

طيب لمتى على هذا الحال؟؟


ملاحظة: (انا بنت مو متزوجة..وعلى فكرة الكلام اللي كتبته مو غيرة لا سمح الله ..لا من الحرة اللي فيني ...بصراحة وما فيه احلى من الصراحة)

نجي للعنوان الاول:
طيب ..اتمنى من كاتبة الموضوع تفكر فيه قبل لا تكتب العنوان يعني هل فيه وحدة بالعالم ما تتمنى تكون ريحتها تجنن ...اكيد لا لان هذا ان دل على شيء فهو يدل على النظافة والنظافة من الايمان..واذا فيه خلطة تخلي ريحتك حلوة فهذا احسن واحسن..يعني ليش دائما تحسسون البنت انها ولا شيء ولا كانها مخلوق يحب يتزين ويكون افضل وافضل ..طيب انتِ تبي الريحة لزوجك ..طيب احنا بعد لنا صديقات ..لنا معارف وزميلات وما فيها شيء لو كانت ريحتك حلوة وين ما كنتِ(باستثناء الريحة القوية جدا واللي تلفت انتباه الرجال في الشارع طبعا)

العنوان الثاني والثالث التعليق نفس تعليق النقطة السابقة


طيب نجي للعناوين اللي بعدها:
انا من زمان ما كنت احب ادخل هذا القسم لاني كنت اخاف اني اقرا شيء..ما يصلح بس لفت انتباهي ان بعض العناوين كانت تحمل لفظ متزوجة وبنت..دخلت الموضوع كان عادي..انا كذا تطمنت..وقلت انه لا يمكن في عالم حواء بالتحديد ينكتب موضوع فيه جراة واشياء كذا ..لكن الحين بديت انصدم اكثر واكثر ..عناوين ..ما ادري الواحد كيف يكتبها..طيب عندك مشكلة خاصة..الله يخليكِ ما له داعي الالفاظ الجريئة والعبارات الصريحة مرة..او بامكانك انك تراسلي المشرفة يمكن تقدر تساعدك بانها تدلك على احدى العضوات اللي ممكن تساعدك...

طيب بالنسبة الى اللي تبي تدل البنات على شيء..او منتج تحبين الخير لك وللبنات ما عندنا اختلاف على هذي النقطة..((لكن)) انك تذيلين العناون ..بفقط..او ممنوع او غيرها من العبارات ..ما اعتقد انه له داعي ..طيب اي وحدة تقرا الموضوع وحست ان لها حاجة في هذا الشيء راكيد راح تنقل لك رغبتها في هذا الشيء واللي ما تحتاجه فلا واذا كان شيء يخص المتزوجات على قولتك اكيد البنت راح تستحي على دمها وتطلع بكرامتها..ولا تقولي لي راح افتح عقل البنت على اشياء واشياء ..لا انا اجزم لك ان اغلب البنات ما يدخلون النت الا وهم باصمين كل شيء..لان هذا الزمن مو زمن جدتي وجدتك..لا الزمن تغير والناس تغيرت والبنات بعد تغيروا
يعني بصريح العبارة انا وغيري وغيري من البنات اللي صارت هذي العبارة تضايقهم وتجرحهم..يعني انتِ تزوجت وصار لك بيت واولاد وزوج تشوفين معهم الاستقرار ..غيرك لا ..وللاسف وانا اقولها وان متاسفة على حالي ان اقل كلمة ممكن تفتح جروح وجروح .وتخلي الوحدة فينا ما تشتهي تدخل اي موضوع ولا تشارك باي مشاركة ولو كان عندها الحل..ليش ..من التحطيم ..يعني انا ادخل المنتدى حتى انسى همومي ..ادخل اي قسم ولازم الاقي هذي العبارة ..يعني ما يكفينا اللي نسمعه ونشوفه باللي حوالينا ..الهم لاحقنا حتى لهنا..
ادري انه ما راح يحس فيني الا اللي بمثل حالي اما المتزوجات ما راح يهمهم الموضوع ابدا..لان اللي يده في النار مو مثل اللي يده في الماء..وياليت يحطون نفسهم مكاننا ويتخيلو الوضع..

الله يخليكم ...بلا هالاساليب...
لاننا في النهاية


بشر

ملاحظة : ممكن تذيلون الموضوع بمذكرات وحدة عانس..لكن انا اللي يهمني اني قلت اللي كنت ابي اقوله من زمان واللي متاكدة ان الكثيرات مثلي...وسلامتكم