موضوع خطير كل وحده زوجها عسكري بالذات تدخل

السلام عليكم

راح ادخل فالموضوع بدون مقدمات

زوجي وزملاه فالعمل مختبصين لهم اسبوع وبداية القصه ان واحد من زملاهم دقو عليه المطار يقولون تعال استلم شغالتك وهو ماعمره قدم اصلا وطنش يحسب احد يلعب عليه الا تكرر الاتصال بس هالمره من حرمه تقول تعال خذها ولا راح تحسب عليك يوميه بس مادري وش هي جهة الاتصال هذي ماعرف بامور الاستقدام الرجال حقق فالموضوع لقى انه برضو قد جت شغاله على كفالته وراحت وهو ياغافلين لكم الله

المهم بعد هالسالفه اخوياه قامو يدورون اذا فيه احد على كفالتهم وفعلا لقى كم واحد على كفالتهم عمال وهم برضو ماعمرهم قدمو استقدام

نجي لطامه الكبرى

بما انا زوجي عسكري وكلكم تعرفون النظام العسكري انه اذا كنت تشتغل فالعسكريه ممنوع تشتغل شغله ثانيه وفي حال اكتشاف انك تعمل شغله ثانيه راح تفصل من العسكريه

طيب وين المشكله

المشكله ان الكتيبه الي فيها زوجي بعد مابحثو هو وزملاه في نظام التامينات لقو اكثر من 400 واحد توظفو وفيه الي مازالو يعملون وفيه الي انفصلو ومنهم زوجي عمل وانفصل وهو في حياته مااشتغل غير عسكري

الحين هم قايمين اول خطوه راح يوكلون محامي ثاني شي حملات على الفيس بوك وتويتر ثالث شي راح يحاولون يوصلون المشكله لداوود الشريان

من الي قدر يوصل لهوياتهم واستخدامها بهالطريقه الموضوع صار يخوف استقدام وتوظيف باسمك وانت ماتدري عن شي ؟ :humm:

في بنات بيقولون وش مستفيدين اقولكم طبعا يوظفونهم اسم بس.. عشان السعوده او توظيف وبعدها يطلع باسم هذا الموظف عماله واذا جت ينقلها باسمه
او يكون مايقدر يجيب شغاله لوجود ثانيه على كفالته فا يطلع باسمك وانت ماتدري !

طبعا انا لو احد قالي هالحكي من فتره ماكنت بصدق بس لين صار هالموضوع لنا صدقت


كل وحده تدخل موقع التامينات وموقع الجوازات وتسوي بحث برقم الهويه الوطنيه لزوجها


وهذا رابط التامينات كل الي عليك حطي رقم الهويه الوطنيه لزوجك وابحثي

http://www.gosi.gov.sa/portal/web/guest/212

واذا تبين تشوفين فيه احد على كفالتكم روحي موقع وزارة الداخليه

إستعلام عن وصول عمالة وزائرين





ومانقول الا حسبي الله ونعم الوكيل