عزيزتي..زهرة قمر
ليه الحيرة يالغاليه..الموضوع بسيط جدا ً((راح أخبرك ليه أنا أعده بسيط :) ))
شوفي أنا إحدى خريجات العلمي..والحمد لله طلعت وبنسبة 96% والعلمي عكس مايتكلم عنه الكل وربي انه ممتع صحيح تخللت وقت الدراسة فترات كثيرة من البكاء والقهر بس مع ذلك أرجع أقول مافي شيء يجينا وإحنا بمكاننا..
يعني إذا أنتي تحبي المواد العلميه وبشرط أنك تكوني تفهميهــا لأنها بسنه ثانيه وثالثه ترجع تنعاد نفس الدروس لكن بتوسع أكبر فتوكلي على الله وأدخلي علمي..
وإذا أنتي يالغاليه ماتطيقي كل يوم تدرسي 7 حصص فلاتدخلي العلمي لأنك بتتمللين معلمات الرياضيات لازم يآخذوا حصص إضافيه ==> وأنا أشوف هالشيء لمصلحة الطالبات فقط
وإذا أنتي ماتحبي التاريخ والبلاغه ياعمري نصيحه لاتورطين نفسك لأن هذه المواد دسمه ويبيلها تعب مثل الرياضيات والكيمياء تمااااام ==> هذا مو كلامي هذا كلام معظم طالبات الأدبي اللي درست معهم..
وإذا أنتي بتدخلي العلمي لأنك تفهمي فنصيحه من أخت محبة لك كلا القسمين يحتاجون فهم ومن ثم حفظ
شوفي أنتي مستقبلك إيش ودك تصيري وحدديه من هالحين وعلى أساسه أختاري القسم اللي يخولك لدخول التخصص اللي أخترتيه ويخليك ناجحه بمستقبلك..
ربي يوفقك عزيزتي..
حنين

الأدبي موت والعلمي سهل من تجربة أذا أنتي تحبين الفهم وتكرهين تحفضين أدخلي علمي بدون تردد

هلااااااااا عيوني000
والله ان العلمي مو ذاك الصعوبه الل يقولون عنها انا دخلت علمي وتخرجت بنسبه92 وهذا وانا ماكنت مهتمه بالمذاكره00
ومادام انك تحبين الرياضيات خلاص وين المشكله لان الفيزياء تعتمد بشكل كبير على العمليات الرياضيه وهذولا المادتين اصعب شي بالعلمي واذا مشيتي فيهم ابشري باحلى نسبه دخلك طب0000 :27:
وعقبااااال البكالوريوس0000 :39:

شوفى حبيبتى انا عمرى فى حياتى ماجبت الممتاز لكن جبتها فى ثالث ثانوى يعنى دليل انها مهى صعبه واهم شى انت واصرارك لانه مستقبلك محد يحد اش تبين الاانت

ماعليك من فلانه وعلانه
انت شكلك تحبي العلمي
اذا تحبي الكيميا وتكرهي التاريخ
خشي علمي
ما يبيلها تفكير