وليده

وليده @olydh

كبيرة محررات

موضوع روووعه لايفوتكم والله تحتاجونه كلكم

الأسرة والمجتمع

السلام عليكم ورحمة الله وبركاته










تبي ولدك يطلع { رجال } ؟



وصلي هذا الموضوع الرائع و حبيت تستفيدون منه مثلي
موضوع قمه في الروعه اقريه كله اصلا بيجذبك وبتقرينه كله غصب وابشوف ردودكم على الموضوع
من جد يبيلنا صيانه شوي لمخوخنا :42: هذولا:arb:<<ماخلو باقي الا مخيخ
:
:

تبي ولدك يطلع { رجال } مب خكيري ودلوع و جنس ثالث وموب قد المرجله ؟!!



هلا خواتي.

طبعا كل واحد او كل وحده فيكم تحلم انها تتزوج الزوج الصالح ويعيش الحياه السعيده ويجلبون البنين والبنات
والاولاد تسميهم باسامي حلوه ويطلعون حلوين كل يوم انه طالع شبه مين .. ويبونه يطلع رجل فيه كل معاني الرجوله والشهامه والدين !!

لكن في النهايه
وفي هالعصر
يطلع خداي

راعي صرف .. لا شهاده .. هياته .. ويمكن زقاير وزنا ومحرمات بعيد عنكم وعنا !!
هاي اذا ما لبس لبس حريم وحط مكياج بعد !!

بتسإلون ليش ؟؟؟ احنا ما قصرنا ؟؟

لان احنا ننتقد ابائنا على شغلات اهم ما سوها لنا .. وبصوره غير مباشره نقصر في عيالنا واحنا في نظرنا ما قصرنا

.

انا ما راح استلم البنات

انا همي الاكبر .. الذكور
الرجال
الي صاروا عمله نادره جدا جدا جدا !!
لان مب كل من ربى شارب وطول ولبس ثوب وغتره رجال !!
الرجال اخلاق وطباع وشخصيه !!!
..

قريت مواضيع وايد في هالمجال .. وان شاء الله استفيد منها لما يجوني عيال
مثل ما انا قاعد افيدكم الحين !!!
وما ابي منكم الا الدعاء الصالح !!!
.

في شغلات لازم نطبقها... لانه ولد مب بنت !!!!!
وهالشغلات تبتدي من قبل ما يتعلم الكلام حتى احسن !!!
لان اول خمس سنوات من عمر الطفل اهي الي تحكم شخصيته بعدين واطباعه !!!
فحاسبوا على كل شئ !!
............ ......... ......... .......

""التكنيه

يعني .. بدال ما تنادونه "دودو" ولا "بوبو" ولا "حمادي" ولا " صلوحي "ولا "ميمو" ...الخ
نادوهم باساميهم وتنكياتهم "ابو محمد " , " ابو اليزيد" ,"ابو شهاب" ..الخ
لا تقولون ياهل وما ادري وشو ... لان بكره مع الكبر ما يحب اسمه قد ما يحب ينادونه "ميمو"
.
حتى سالفه "عبود","حمود","سلوم" هاذي شيلوها .. احترموه علشان يتعود على الاحترام ويتعلم يحترم نفسه اهو بعد !!

............ ...

"اخذه للمساجد والمجالس مع الكبار "

بتقولون لا بيلعوزنا وبيلعوز عمامه ولا خواله خليه يلعب بلي ستيشن ... لأأأأأأأأأ!!!!!!!!!
والمسجد ... لازم يروح مع ابوه كل يوم .. حتى لو على الاقل صلاه الجمعه لحد ما يتعلم الصلاه وياهم ولو نص نص !!!
خل يروح يتعلم ان في شئ اسمه عباده ومسجد ويتعلم احترام المساجد والصوات ويسمع الخطبه!!!
ولازم يعلمه ابوه الادب والقعده شلون اهناك !! هاي مسؤوليته !!!!

............ ...


"نحكي لهم القصص عن بطولات السابقين في المعارك الاسلاميه وغبرها "

بدال ما نقص عليهم عروس البحر والجميله والوحش !!!!

ما في احسن من قصص الانبياء والمجاهدين في سبيل الله والغزوات ..
ممكن تقصونها عليه باسلوب يناسب عمره .. وتبتعدون عن المصطلحات الصعبه !!
علشان يتعلم منها ويعيش جو الرجال والشجاعه وقوة الايمان !!
إذا كنت مب حافظ القصص اهي متعه وافاده اقروا قصص وثقفوا اعماركم في دينكم وحياتكم بالمره !!!!


............ ....

"تعليمه احترام الكبار والادب معهم"انه يحب راس الكبار في السن وشلون يسلم على امه وابوه ويحب يده وراسه ودق خشم
وان لو في حد كبير دخل المجلس يقوم من مكانه ويوسع له ويسنع له ويخدمه ويقهويه من واهو صغير ويصير سنااافي!!

وان طاف على حد يسلم .. وان دخل على مجلس يسلم ..الخ

............ ....

"اعطاء الابناء قدرهم في المجلس"

يعني في ناس يستهينون به كونه ياهل
بدال ما يعاملونه ككبير علشان يصير كبير فعلا ورجال يفهم !!
فيطردونه او يسخرون منه وكذا .. وهاي غلط !!!
خل كل ابو يحترم ولده ويقدره ولا يرضى عليه انه ينهان في المجلس حتى من قبل جده او عمامه !!!
ولا بيظل طول عمره منهااان !!!!

............ .....

"تعليمهم الرياضات الرجوليه"

مب كمبيوتر و خرابيط << وين المرجله في الموضوع ؟؟
القصد فيها الرمايه .. ركوب الخيل .. السباحه... القتال ..

هذي الشغلات الي تبني الرجال !!!

مب واحد داشلي المجلس يفتخر ان ولده شاطر في الكمبيوتر
شنو بكره ان احتاجوه في الشده بيقعد يقل مثل المخدين اقراص على اعدائه ؟

الرسول صلى اله عليه وسلم وصى بهالشئ بعد!!

وكانوا قبل الامرا ء والملوك وساده القبيله
اول شئ يتعلمه الولد : القرآن .. بعده الرمايه والسباحه وركوب الخيل والقتال !!!

مب الحين .. بالدز يادوب كوره ومدرسه !!

............ ....

" تجنيب الابناء اسباب المياعه "

الحياه مب مدرسه وجامعه وبعدها يدور على الوزارات يالله بالواسطه وظيفه حكومه !!

لأ

خل من اهو صغير يجرب الحياه يروح مكتب ابوه يشتغل في الصيف ووقت الفراغ ..
ينتج شئ مب سفرات ومولات !!

في امهات واباء يضحكون لما يشوفون اولادهم يرقصون او يتمايلون حتى من اهم صغار
هاي غلط
ما في شئ اسمه "لا صغير ياحليله ما يفتهم"

وبعض الامهات اذا الصبي حلو شوي يلبسونه شباصات ويحطون له مكياج وثياب بنات بلفيت مزحه !!
وهذا حرام .. لاتقولون ما يفتهم !!!!!!!!!!

............ ......... ....

" تجنب تهينه قدام حد ثاني .. حتى قدام خواله او عمامه "

قوا شخصيته قدامهم.. تفاهم وياه بعيدن بينك وبينه والاب لا يتولاه بس مب جدام حد
وايد امهات واباء اشوفهم اذا فشلوه قدام حد يعني بيتعلم .. وهذا ممكن يتجنب فيها الفعل الي هاوشتيه عليه لكن انتوا ا تدمرون شئ ثاني انتوا مب شايفيه !!!

............ ......... ...

"عدم احتقار افكاره .. وتشجيعه على المشاركه وتحسسيه بقدره واهميته"

هذا ما يحتاج افصل فيها .. مفهومه ..
انا شفت هالشئ من اباء وامهات ومن خوات واخوان بعد .. وهذا غلط كبير كبير!!!!!!

لازم تحسسونه بقدره واهميته في المجلس وفي البيت !!!

علشان يحس انه مسؤول ويتعلم المسؤوليه ويدير باله على نفسه وعلى الي حواليه ويفكر بعقل اكبر .. بدال ما يتكل على غيره ولا مبالي بشئ في حياته!!

ممكن كبدايه تسلمونه مسؤوليات بسيطه تناسب سنه !!

ولازم تحترمونه .. بانكم تسلمون عليه وتستشيرونه فيما يخصه وفي بعض الشغلات المنزليه

ممكن تعلمونه كتمان الاسرار بانك تكتمه على سر بسيط معين علشان يحس بقدره وانه مهم لان امنته على هالسر!!

............ ......... ......... .

" تعليمه الجرائه في الشغلات الصح "
لان في فرق بين الجرائه والوقاحه
والله بالخير ياكثر الوقحين في الشارع .. صاير الذرب مثل الفقع في الصيف !!
ممكن تعلمونه فن الخطابه وشلون يتكلم نيابه عن ربعه او عن مشكله او في المدرسه
بدال ما يستحي ويضحك على ربعه الي يتكلمون واهو منخش ورى الكرسي !!

............ ......... .......

"الاهتمام بالحشمه في ملابسه وتجنبه الميوعه في الازياء وقصات الشعر والحركات والمشي وتجنبه لبس الحرير الذي هو من طبائع النساء"

............ ......... ......

"تجنيبه الدلع وحياه الكسل "

اشغليه بالمسؤوليات .. اعطيه مهمات .. ولازم الاب يتولاه ويعلمه شغلات جديده في الحياه !!!

............ ......... .......

" تجنيبه القعدات البطاليه والغنائيه لانها ما تزيد للرجوله ذره.. الا تنقص منها "

............ ......... ....

" استقصوا عن اصحاب واصدقاء ابنائكم "

اعرفوا من يرافق بتعرفون شلون بيصير !!!!!!!!
وهاي مسؤوليه الاب 100 %

............ ......... .......
............ .....
.

وفي النهايه
اتمنى اني افدتكم


واقولكم مع احترامي

التربيه مسؤوليه
والرسول عليه الصلاه والسلام يقول
كلكم راع وكلكم مسؤول عن رعيته
اتقوا الله في اولادكم وبناتكم واخوانكم وخواتكم

لان فعلا البلد مب ناقصه متخلفين وعاهات





والدعاء لصاحبه الموضوع وعاد لاتنسوني معها اختكم وليدووووو:42:
17
1K

يلزم عليك تسجيل الدخول أولًا لكتابة تعليق.

تسجيل دخول

وليده
وليده
ماشاء الله تبارك الله ماني لاحقه على ردودكم واللي دخلو الموضوع ياكثرهم
مشكورين قلت اشكركم مره وحده عشان ماقدر ارد على كل وحده لضيق وقتي هع

شكلكم ماتبون يصيرون عيالكم سنعين
صمت وخجل
صمت وخجل
جزاك الله الف خير .................................
روح محبوبه
روح محبوبه
بارك الله فيك
وليده
وليده
الله مير يكبر حضكم زين احد انتبه للموضوع تصدقون لو اني حاطه مشكلي تخصني كان كلن رد عشان كذا ما افكر اكتب مشكله زوجيه عارفه كلن بيقراها هع هع

يالله اشوف من يزيد على السومه >>>>تحرج على الموضوع
نور نور الدنيا
باااااااااااارك الله فيك