موضوع شـــــــــــــــــــــامل عن الغسالات الاتوماتكيه ادخلي وشوفي ...

_نصائح عند الشراء :

1 ) "الدوران"
-أنصحك دوري أنتي بنفسك
إسالي صاحب المحل كم وقت الدورة الكاملة ، إذا كان 15
ثانية تراها ممتازة وتنظف ، وأي غسالة حتى لو ماهي تماتيك إذا دورتها
أقل من 15 ثانية تلاحظينها ماتنظف زين...
2) -مافى غساله تغسل وتنشف 100% لازم يكون التنشيف رطب واذا تبغى تنشيف كامل لازم تاخدى مجفف



3) -اللي مروحة بدون عمود مشكلتها إذا طولت تقطع بعض الملابس



وتعقدها مع بعض هذا اللي شفته من خلال تجاربي الشخصية





4) -خوذي ألي توقف عند فتح الباب علشان تفرينه مرة ثانية إذا كانت الملابس متسخة جدا ولايروح عليك الصابون

5) -بلد التجميع والتصنيع أنتبهي له ..

6) -الصيانة والضمان ... هذه أهم نقطه ..أنتبهي لهاا..

7) -الكهرباء ...القوه المناسبه لك .. والأفياش المكان اللي أنتي فيه ..

8) -التسليك ...للمجرى ...للماء "سواء كان ماء بارد وحار" تسليك المجفف ..والمكان المناسب له..

9) -الحوض نوعه بلاستيك
او ستيل ...

10 ) -أدراج وضع الملطف والصابون ..

11) -أنظمة الغسالة وبرامجها هل هي مناسبة ...الللغه ..توجد باللغه العربيه !!

أرشادات الأستعمال :
أهم شئ هو "قراءة الدليل "

1 ) مادة التنظيف غيركافية أو أستخدام نوع غير مناسب

2) درجة حرارة الماء منخفضة جدا

3) وضع الحمل الاكثر في الحوض

4) دورة الغسيل غير المناسبة

5) الفرز غير الصحيح

6)- أصفرار الملابس <<معالجة أسبابه صدأ الصنبور ..استعمال الكلور بكثره

7)- أشتري حجم مستقبلي لتطور العائلة ولغسيل البطانيات

) - وخلي دايمآ درجة الحرارة على 40 فى الصيف و50-60 فى الشتا لأن الماء البارد لا يساعد على التنظيف


9)- جميع الغسالات لازم تنظفين البقعه قبل الغسيل اوبخيها بفانش وحطيهابالغساله والغساله الاتوماتيك نوعين فيه نوع فتحته من قدام وهذا اللي يوفرماء وكهرب والثاني اللي من فوق مايوفربالماءوالكهرب اتمنى اكون افدتكم.



10 ) فيه غسيل للغساله ...كل شهر ...يا تفرينها بماء وصابون بس
وفيه بطريقة ثانية بخل .... "إذا وجدتها كتبتها "



أحجامها :
5 ك
6 ك
7 ك
7,5 ك
10 ك "البعض يقول آخر حد للنوع الأمريكي "

وهناك أحجام أخرى أستفسري عنها ....


أنواعها :
تنقسم لنوعين
1) أم عمود <<< الأسم الفني لها ههههه
عمود حلزوني ...........عمود مستقيم
بعض الماركات اللي توفرهااا هي
ميتاج , ويربول

بعض الأراء :-
- وزوج اختي اصرررعلى اختي بغسالة ام عمود والحين نادمنين عليها

- شوفي ياقلبي أنا خبرة 25سنة غسالات أم عمود مافيه مثلها حتى لو هو عمود قصير بس العمود الحلزوني ماجربته والكل يقول يعقد الملابس في بعض

وهذا أتوقع كلام صحيح خاصة إذا فيه هيلاهبات
مميزاتها :
النظافة
تقدرين تخلي الباب مفتوح وانتي تتحكمي
عيوبها :
الصرف للماء والصابون
حجمها أكبر
تقطيع الملابس العصا تخرب الملابس
الغسالة الي بدون عامود اتشيل ملابس اكثر من ام عمود

2) غسالة التعئبة الأمامية :

بعض الماركات التي توفرها ...ال جي ...سامسونج

مميزاتها :

انا انصحك مايكون فيها عمود من الوسط عشان تاخذ كمية ملابس اكثر
عيوبها : ثياب زوجي البيضا
ماتنظفها زين
ماتنظف البقع ,دورانها ثقيل

بالنسبة للغسالة الأوتوماتيك فيه نوعين اللي بابها على جنب و اللي بابها على فوق
وسمعت أن الأولى غسل وتجفيف 100% أما الثانية 75%


الرجاء عدم الــــــــــــــرد

* بعض الماركات اللي تم النقاش عليها :



1_انا عندي مجفف اريستون ايطالي الملابس اخذها على الدولاب او الكوي تطلع ساخنه وريحتني من هم نشر الغسيل وحوسته

وأسمع ناس يذمون الغسالة اللي معاها مجفف يعني غسالة ومجفف بجهاز واحد
والله يوفقك
2_ انا عندي غساله ونشافه من ارستون مره رووووووعه ومريحه تاخذ 5 كيلو
الأفضل أن يكونوا منفصلين

3_انا عندي اريستون غسالة ومجفف بس تطلع الملابس منه مكرمشة مرة طفشت منه ابغى اشتري واحد كبيرمجفف لحاله
4_انا جربت ارستون ابعدي عنها

5_غسالتي ارستون غساله ونشافه 100% تطلع لك الملابس حاارة وجافه كنها مكويه

بس اني اخذت الصغيرة 5 كيلو وعندهم طبعا الاكبر 7 كيلو

6_من الامام انا اشتريت ويستون تنشيف ميه بالميه بس تاخذ وقت طوييييييييييييييييييييييل وتطلع الملابس معفطه مره وصرت احط تنشيف 40 بالميه واللحمد لله تمام





7_احد الاخوات تقول ان الكهربائي قال ما فيه غساله ونشافه يجون سوا
هذي ارستون فيها 9 برامج غسيل بالاضافه الى التنشيف ، طبعا لما تخلصين غسيل انتي تبين تطلعين الملابس تنشف
برا بكيفك واذا تبينها تعمل كنشافه لازم من المؤشر اللي عندك تحطين على تنشيف
الابيض لحاله له 3 برامج تقدرين تختارينها
والملون 3 برامج و3 برامج الباقية شئ العادي ( اليومي ) وشئ للحرير والملابس الحساسه وبرنامج للملابس الصوفيه
طبعا كل برنامج له درجات حرارة معينه
طبعا فيه مؤشر خاص للحرارة انتي اللي تضبطينه على حسب البرنامج اللي اخترتيه
وفيه مؤشر ثاني خاص لعملية التنشيف تختارين منه انواع التنشيف والوقت وهل هو تنشيف كامل او تنشيف خاص للكوي
وفيه ازارير ثانيه للوظايف الزايده مثلا بياض اكثر او مثلا اقل تجاعيد .... الخ
وفيه مكان للصابون والمنعم و فتحتها من قدام
هذي تجربتي حبيت افيدكم

8- احنا عندنا غساله اتوماتيك اسمها ارستوا تغسل وتشطف وتنشف وبعدين على طول على الدولاب .. بقولك العيوب والمميزات .. العيوب الصوت مزعج .. لمن تحطين لا نور حق الريحه تطلع الملابس مافيها ريحه ولمن سالت قالوا لان التنشيف يكون بالهوا الحار وطبعا يخلي ريحه النور تروح .. وانا بصراحه اموت في ريحته ..فا سرت ما انشف الملابس يعني انشرها قبل الين تنشف ..مميزات انو ما تتعب مثل الغسلات العاديه وهي الي تعمل الشغل كله .. يا رب اكون افدك ..



الرجاء عدم الــــــــــــــرد

أكثــــــــــــــر غسالة صار عليها جدل !!!!!!!!!!!

1) على غساله حصلت ال جي 15 كيلو 2300 ريال
2) بنات والله ال جي ممتاااااازة ومرييييييييييييحة انصح كل وحدة بتشتري غسااالة تشتريها
3) ابي ال جي قالي ما فية ابو عصا من الوسط بس بمروحة والمروحة في الاامريكي بس
4) لقيت ال جي بـ 1139 سعتها 7.5 كيلو

5) انا عنديLGوالحمدلله مرتاحة عليها

تنشف 70%

وفيها اختيارات وايد حلوة

تنظف القطن والصوف

وفيها اختيار للغسيل اليدوي ( يعني الأشياء الي نخاف عليه انغسلها باليد هذا الاختيار بيريحج ) انا جربت أغسل فيها الجلابيات الشيفون والقمصان الغالية والحمدلله نتيجتها جداً روعة

وفيها اختيار اذا كنتي مستعجلة وتبين بسرعة تغسلين بنص ساعة يغسلج بـ 30 دقيقة ويطلع روعة

يعني بصراحة مريحة جداً وصارلي سنة ولله الحمدلله أستخدمها وماشاء الله تمام وتنظيفها
ان جربت غسالتي تنشف90/100تطلعهم مكرفسين زياده وكويهم اصعب


6) انا غسالتي اتوماتيك LG



سعتها 13 كيلوا





مريحه جداً ....بس ماتنظف زي الغساله العاديه الا بعد النقع ....
7) انا غسالتيlg13kمرة مرتاحة عليها واغسل البطانيات فيها بعد وميزتها تقدرين تعيدين الغسل اكثر من مرة من غير ماتكب الموية
8) غسالتي ال جي مررررررررررره مريحه وتنظف الملابس وافكراشتري الحجما لكبير منها


9) اختي انا غسالتي LG

تنظف زين

احيان اعبيها للاخر وما شاء الله الملابس تكون نظيفه

وغير كذا ما تقطع الملابس

حتى الاقمصه والصوف
اغسلها فيها على الناعم

10 ) انا غسالتي ال جي ممتازة جدا ومريحتني على الاخر وصار اه 5 سنوات عندي وحجمها 6.5 كيلو وسعرها 90 ديناربحريني يعني عندكم 900 ريال








11) انا عندي ال جي بصراحة حلوة وعملية وما تكب الصابون الا بامر منك لو بعد 6دورات


12 ) امي عندها ( ال جي ) حلوه توووب تعتبر في المرتبه الاولى
13 ) لقيت ال جيبـ 1139 سعتها 7.5 كيلو


14 ) اشتريت ال جي الجديدة 7 كيلو تنشيفها 80بالمية او اكثر حسب القماش

وفيها 14 برنامج ومعقمه سعرها 1750 درهم

والغسالة اللي تقول عليها الاخت اللي فيها نشافة هذي ال جي الصحية وفيها دراي كلين

ب قريبا ب 4000

كنت ناويةا شتريها بس البايع ما نصحني لانها مو عملية الا للي عندها غسيل جاف دائما يعني موقطعة او قطعتين بالشهر مثلي

وأوديها لمحلات الدرايكلين







لان فيها خيارات من ناحيه الغسيل يعني كم تبين يغسل وكم مره يشطف وكم مره ينشف
15 ) انا عندي إل جي أكبر حجم ولا أنصحك فيها ،
ما تنظف الملابس إذا كانو كثار ، ولا تنظف الملابسالبيض
لأن دورانها ثانية يمين وثانية يسار


16 ) انا استعملت ال جي 7.5خمس سنوات او اكثر ما اذكر مره حلو ورائعه وتخدم والوظائف الموجوده فيها حلوه مره



17 ) أناعندي إل جي اللي من الأمام وحلوة مرة ومريحة ماشاءالله عليها .




18 ) انا غسالتي ال جي 5 كيلو

والله والله متعبتني كثير بازالة البقع مستحيل تنظفهم حتى لو دورتها عشرين مره







19 ) بس انصحك انك تاخذي النوع اللي ينفتح من الاعلى



انا شفت غسالة LGتنشف 70 بالمية لكن تنظيفها بسيط

بنات فيه وحده هنا بالمنتدى قالت انها شاريه قريب موديلlgالجديد وانهفيها 12برنامج غسيل وغسيل بالبخار كمان!!!وتنشف100%%%كييييييييييي يف؟؟؟

لاني اتذكر كهربائي قال لنا مايصلح تجي الغسالة والنشافة سوالازم يكون للنشافة موتور خاص بها غيرحق الغسالة..







20 )ال جي حلوه

لكن ازاريرهااتومتك

بعدين يابانيه

وتخرب بسرعه

21 )اما عن غسالةlgاهلي عندهم وغسلها مو مضبوط يعني ما تنضف مره الا اذا استخدمت صابون داك يعني احليو مو مره

22 )أنا اخذت ال جي عشرة ونصف







وما تغسل البطانيات لا نفر ولا نفرين




وتنشيفها 70 %




يعني لازم انشرها





23 ) انااللي عندLG...بس ماادري اذا فيه غسالات افضل منها والالا



انصحك فيها لانها مريحه مره وتريحك من التشطيف وغيره حطي الملابس وختاري نوع الغسيل وخليها لين توقف بعدين خذيهم وإنشريهم وإنتي مرتاحه أنا أستخدم إل جي مره حلوه



انا ودي بالمجفف الحراري ....

24 ) ما ابي ازود همك لكن و**** ال جي ما تسوي مررررررررة رديئة


25 )ال جي اللي تتعبأ من فوق جدا ممتازة لها عندي 7 سنوات وما قد خربت ماشاء الله لا قوة إلا بالله بس اكيد الماركات الامريكية بتكون اقوى الله يوفقك


26 )عندي غسالة ال جي المطوره والله العظيم رهيبه ونظيفه سعتها 13 كيلو تغسل حتى 90 دقيقه وفيها برنامج النقع للغسيل الصعب لكن الحمد لله ما استخدمت النقع وفيها الغسيل الهادىء وهو عباره عن زر يضغط ثم تقوم الغساله بالغسيل بدون صوت ابدا وفيها مميزات كثيره اشريته اب3700 ريال اما النشاف البخار انا عندي امريكي ماركة ويرلبول روعه وتطلع الغسيل مكوي على الدولاب على طول سعتها 10 كيلو اشتريتها ب2400 ريال



27 )غسالتي ال جي لها حوالي السنتين مقاس 13 كيلو وفيها كل المميزات غسل بنقع وغسيل يدوي وتكررين الغسلة اكثرمن مرة لين تنضف ولا تكب الموية والاهم انها مهب امريكية



28 )غسالتي lgسعرها 1500ريال من الاعلى ماشي حالها





انصحك بالي في وسطهاعامود وتفتح من اعلى اي كان نوعها



29 )انا غسالتي اتوماتيك LG



سعتها 13 كيلوا




وانا انصحك مايكون فيها عمود من الوسط عشان تاخذ كمية ملابس اكثر

وانا اغسلها فيها بطانية نفرين






والان لها سنةعندي




سعرها 2200




وماطورها نوعيته جديدة




وممكن لو بس تبغي تغسلي فيها تضغطي على غسيل بس بدون شطف وتنشيف




وفيها خاصية النقع ايضا



وهذه صورتها



30 ) حبيبي انا استخدم من الامام من LG ماشاء الله روعه وسهله
وفيها الكثير منالخيارات حجمها 7كيلو
احس ان الي من الاعلي تأخذ مكان وانا بيتي صغير


موجوده ونسبة التجفيف فيها 100% وأغلي

لكن مشكلة الملابس تكون مكرمشه لماتخرجيها وكويها أصعب

يعني خذي تجفيف أقل وجفيفيها بالشكل الي تبغيه





31 ) انا عندي غساله ال جي 7 كيلو شريتها من 10 شهور وممتاز لكن اهم شي خففو الاغسيل يابنات وخففوا المسحوق بتشوفوا النظافه الغسالات الاتوماتيك يبغالها تخففو الغسيلوالمسحوق فقط وتشتغل تمام
32 )انا عندي ال جي عشره كيلو ورووووووووووووووووووووووووعه حتى يديني معاد تشققت
ودايم اختار نوع الغسيل الجين والوقت 60 دقيقه وشطفتين وثلاث مرات تجفيف وبالعكس ماتطول والغسيل دايم نظيف


صراحة مريحة مرررة ومع التنشيف الحار أطلع الملابس وأدخلها الدولاب بدون كوي ماعدا الثياب الرجالي




33 ) واختي عندهاlg الفضيه اضاهر انها الجديده ما تمدحها ابدا لا تنضيفها وتقول كل اشوي واقفه علي واضطر اني اشغلها من جديد وهي تقدر المويه لاكن اختي ما يعجبها تقدير المويه تقول ما تغطي الملابس مضبوط



34 ) انا اللي عندي LGممتازة مريحة فيه منها نوعين اللون الابيض 10 كيلو والذهبية اممم الظاهر 13كيلو



انا اللي عندي البيضا

35 ) بالنسبه للغساله ال جي امي وحمواتي الثنتين




عندهم غسالات ال جي وكلهم يمدحونها وغسالة امي من




زمان وهي عندها صار لها الحين تقريبا 7 سنوات بسالحين




بدت تتعبها شوي لان البيت مايفضى ماشالله وشغاله 24 ساعه

ايه نسيت اقول لك انا اقصد الغساله الاتوماتيك اللي تتعبى من فوق




مو على جنب



36 ) انا عندي ال جي بصراحة حلوة وعملية وما تكب الصابون الا بامر منك لو بعد 6دورات



37 ) بصراااااحة انا استخدم LG
ومررررررررة ممتازة



38 ) انا عندي غسالة اتوماتيكLGلكن اش نوعها ما افتكر

حجمها 10 ك

قيمتها 1500 ريال قبل 8 سنوات

صرفه اللماء على حسب غسيلك





39 ) حبيبتي نصيحه لاتاخذين اتوماتك من غير عامود,,,,انا توني شاريهLG 7كيلو ونص والله انها تجيب المرض ولاتنضف بعد وياخسارة الفلوس فيها ,,,,اهم شي بعمود,,,,وبالتوفيق ,,
الــــــــــــرجاء عدم الرد

1) انا عسالتي ((اميتاج)) امريكيه مممممممممممممممممممممممتــــــ ـــــــــــاززززززه جدآ مشاءالله انصحكبها


2) عندي ميتاج 11كيلوامريكيه ممتازه وثقه والنشافه مالتها بعد

3) عندي ميتاج الامريكية 10 كيلو وماشاء الله تبارك الله تنظف الملابس

والحمدلله الصابون ماعمري شفته بالعكس تذوب الصابون بس خلي الموية

على warm warm عشان يذوب بسرعة ,,

وهي لها عصا كبيرة وبالعكس الغسالات الي لها عصا هي الي تنظف
والي مالهاعصا تنظيفها مو مرة ,, تنشيفها 70% يعني لازم اعلقها تنشف
وماعندي المجفف الساخن لأنه غالي وماعندي مكان له بالبيت ,,
4) انا من راي البنات ميتاج احسن شي تغسل صح مو اي كلام
وانا اشوف الي بابها من الامام حلوه ماتستهلك مويهوصابون كثير

ويقولون في منها على بخار كمان





5) حبيبتي انا عندي مبتاج عشرة كيلو ممتازة .......... وبالنسبة للتنشيف انا اخذه المجفف لوحده رااائع يطلع لك الملابس حارة و بدون كرمشة


6) شوفي حبيبتي


ويشهد الله على ما اقول شهيد



عند امي لها اكثر من عشر سنوات وعندي وعند اخواتي



وكلناااااااااااا نستخدم ميتاج وما تكب المويه وبابها مفتوح يعني تقدري تنقعي فيها




انتبهي تاخدي الاتوماتيك اللي مو دون عمود عندي سامسونج من دون عامود ماتنظف ابدا




7) غسالتي ميتاج ما تخرب الملابس ولا تصرف مويه
اختاري البرنامج المناسب للملابس وكمية الملابس المناسبه
وهي تتكفل بكل شي
بصراحه راحه مابعدها راحه مابعدها راحه
انصحك بيها ومهعا المجفف الحراري بعد


8) ميتاج منتاااازة بعامود


والماء مافيه إسراف ابد



وترا المويه ماتكبه إلا لاسكرت يالغطاء ولو كان مفتوح تقدرين تطلعين الغسيل وتحطين دفعه ثانية



واللي يقول ماتنظف الملابس البيضاء غلطان والله تخليهن يلقن .



9) بالنسبه ل التنشيف فيه من ميتاج نشاف حلووووووه تطلع الملابس كأانها مكويه ..وفيهب عض الملابس تحتاج لكوي بسيط مثل الشماغ علشان المرزام والثياب الرجاليه ...

والحمدلله ما لاحظنا عليها اي خراب للملابس ...
10 ) غسالة ميتاج هي الافضل ويفضل ان تكون من الداخل ستنلس ستيل كلمة رهيبة قليلة عليها بالنسبة لي انا عندي الحجم الكبير اي 10 كيلو بتقدري تغسلي فيها بطانية او حتى غطاءالسرير الكبير .


11 ) انا عندي ميتاج صراحة مرة ممتازة و مريحة واستعمالها سهل



12 ) أنا عندي ميتاج

رائعه

امريكيه وخرابها قليل بأذن الله






13 ) أنا جربت غسالة ميتاج أمريكية...وكيلها ابراهيم شاكر نفس وكيل أل جي وعليها ضمان خمس سنوات شامل جميع قطع الغيار

حجمها 10 كيلو كبيرة تتسع حتى لمفرش نفرين وهذا جربته بنفسي...وغسيلها مايحتاج غاية في النظافة...صراحة ياخسارة عمري اللي راح مع الغسالات العادية...أنصحك فيها عن تجربة...سعرها 2200 ريال سعودي.

و أي استفسار أنا في الخدمة أختي.






14 ) عندنا ميتاج جديده بس اظاهر ماعرفنا لها
الاحظ املابس ماتنظف عدل ويبقىبقايا صابون
15 ) يمدحون ميتاج

16 ) انا غسالتي مفصوله عن النشاف وكل واحد ( الغساله / النشاف ) سعته 11 ونص
الغساله بـ 2000 والنشاف بـ 1500 ( ميتاج ) امريكيه ..



17 ) الغسالة اسمها ميتاج موديل 344

18 ) ميتاج عندي مرةحلوه




19 ) ميتاج مرة حلوة

وفيها نظام الغسيل اليدوي

ونظام الشطف اختياري مرة اومرتين





20 ) امس اسال خوات زوجي عن هالماركة قالت وحده منهن انها عندها حلوة بس تحبب الملابس

واي غسالة فيها عامود تحبب
21 ) انا افكر اشتري غسالة ونشاف
وسويت بحث هنا بحواء
لقيت ميتاج ويربول مرة يمدحوها
22) انا انصحك بغسالة ميتاج ممتازة وعن تجربه ولها عمود وهي الي تنظف زين


الــــــــــــرجاء عدم الرد

)ولقيت سامسونج بـ 889الظاهر وسعتها 5 كيلو


2) بس احس سامسونج احلى شفتها عندحماتي


3) غسالتي سامسونج القديمة تنشيفها كويس مرة


أما الجديدة من سامسونج فيها نظام جديد


اسمه اير تربو >>الهواء النفاث

تنشيفه رووعة 95%


وبعض الأقمشة ينشفها 100 %



حبيبتي عندك ادميرالممتاازه

اسالي لوفيه تنشيف كامل لانه اللي عندي تنشيفها 80 %




4) انا عندي سامسونج بصراحه روعه ماشالله تبارك الرجمن

وغطاها بلاستك شفاف تشوفي الغسيل وهو يدور




الغسله الوحده معالتنشيف والشطف تجلس حوالي ساعه و10 دقائق


5) عندي سامسنج عاجبتنىبس خوذي اكبر حجم علشان تشيل المفارش والبطانيات


6) غسالة سامسونج حلوة مرّة

تقدرين تحددين مدة غسيل الملابس وشطفه وتنشيفه على الوقت اللي حابه

أنا عندي 13 كيلو والحمد لله مرّة مرتاحه عليها لاني اغسل فيهاحتى المفارش النفرين

وعلى فكرة سامسونج بدون عامود من جوا 0((يعني ناعمة على الملابس ما تقطعهم ))



بالعكس اللي مافيها عامود ماتنظف مضبوط





7) بالنسبة لي غسالتي سامسونج

مرتاحهة علييه

الملابس اللي ماتنظف اختار لها غسيل بس
وكل ماوقفت حطيت الخيار على نفس قياس الماء اللي قبل عشان ماتزيد ماء ولا تكبه
وتقريباا لدقايق اختارلها 30
وبعدين احط كل الخيارات
غسيل شطف تجفيف
واذا بغيت آير تاور ينفض الملابسة
بس طبعا ماتنشف 100%

واعتقد ان اغلب الغسالات كذ1بالنسبه للخيارات


8) أنا عندي سامسنج أبومروحتين تدور عكس بعض 11كيلو
والماء بارد وساخن إقتصادي كهربا ومويه وفيها 8درجات للماء من منخفض جداً إلى أقصى
وفيها كمان زر تنقيع وزر لملابس الاطفال وزر غسيل بطانيه وزر صوف وزر غسيل سريع 18 دقيقه وتوقف أذا فتحتي الباب وفيها جرس إنذار عند أي مشكله تواجه الغسيل




9) عندي سامسونج وتقدري تزودي عدد الدورات وماتكب المويه الا بعد ماتنتهي الدورات اللي حطيتيها والحمد لله ماشيه لها عندي 3 شهور


10 ) بالنسبه ليا انصحك بغساله اماميه.................تستهلك مويه اقل وتنظيفهااحسن من العلويه

واللي عندي سامسونج بس لسه جديده وشهادتي في تحملها مجروحه

بس مميزاتها خييييييييييااااااااااال

تغسل بنظام جديد اسمه "ايونات الفضه"

وتغسل بالبخار

وتنشف تنشيف حراري

واخذتها من الوكيل وكان سعرها 3060

وغير انه شكلها حلو





11) غسالتي ماركتها سامسونج وتتعبى من الامام وفيهانظام غسيل بالفضة وهذاالنظام جديد في الغسالات


وكمان تغسل بالبخار ولها اربعة عشر نظام غير كذا


واحلى مافيها انة لها زر توقيف واضافة اي قطعة اثناء الغسيل وبعدين تكمل غسيل من عند ما وقفت

هذي الطريقةاستخدمها لنقع الملابس البيضا وتطلع تجنن يعني زي زر المسجل

وكمان اقدر احدد سرعة الدوران

ومن ناحية الكي لما اشتريتها سال زوجي البياع هل الغسالة تكوي؟

قال بصراحة ينقصها الكوي

رغم انة فيها زر مكتوب علية "كي اقل" بعدين عرفت انة هذا الزر يسهل عليكي الكي يعني ماتطلع مكرمشة مرة

ولما جربتةاتفاجأت طلعت الملابس ساااااااااخنة وشبة مكوية يعني الملابس القطنية مجرد مااخرجها اطبقها واحطها في الدولاب

وهذا غير نظام التنشيف اللي لما جربتة قعدت اضحك واقول لزوجي شكلة البياع غلطان طلعت منة بنطلون جينز وازاريرة من سخونتها لسعتني وزي ما قرات عن النشاف انة الملابس تكش فية مرة وهذا اللي حصلمعايا



اه ونسيت اهم شي هيا7.5 كيلو واخذتها ب3060 وكان عليها عرض بعدماكانت ب3100










12 ) حبيبتي اذا بتشرين لاتشرين الاسامسنج او الاجي اشريهم وانتي مغمضه انا عني سامسنج لها سبع سنين ماشاءالله ماتغيرت

وحطي بالك ترى الامريكيه ماتغسلهم عن الصابون زين00000





13 ) ( سامسونج ) هذي حقتي حلوه ماعليها وتعتبر في المرتبه الثانيه
14 ) أحسن شي سامسونج سعتها 8 كيلو حتى 9
وممكن تحطي نصفالكمية إذا ما عندك غسيل كتيير
إضافة للتجفيف 100 ب100
و برامجها شرحلناعليها صاحب المحل كانت برامجها حلوة
و كانت سعرها بألفين و شي
15 ) انا انصحك بسامسونج
اكبر حجم من جد عمليه ورائع لاتفوتينها
حتى مافيه ازارير التشغيل كثيره واضحه لك ورائعه
16 )وعندي وحدة في بيتي الجديد سامسونج فل أتوماتيك 6 كيلووفيه منها حتى 7كيلو ونص

غسيلها حلو مرة وأنا أفضلها على lg بكثير وعن تجربة وخبرة

وفيها نظام جديد اسمه اير تربو >>الهواء النفاث

تنشيفه رووعة 95%

وكل من نصحته بالسمسونج اشتراها ودعالي
بس لازم تقرأين كتلوج الانظمة حتى ترتاحين في الغسيل

ويكفي انها توزن الملابس وتحدد مننفسها كمية الماء

يعني عملية لمن لديها خادمة لا تقدر أهمية الماء


17 ) انا غسالتي سامسونق .. وجابت لي المرض

18 ) اولا سامسونج تعبانة موذيك النظافة الي يقولون عنها انا مجربتها
ولما رحت عند صديقتي لقيت عندها غساله ونشافه بنفس الوقت وفيهاازارير عربي على ما أعتقد تضغط على البرنامج مكون من خطوات وتقريبا ساعه وتطلعا لملابس مغسوله وحااااااااااااااره ناشفه زييييييييين والصابون هي تحطه وصراحه أعجبتني بس ما أدري كم سعرها جتهم هديه تبون الصراحه تحسفت أني شريت النشافه لوشاريه غسالع مع نشافه مره وحده مو أحسسسسسسسسسن بدل غسالتي
غسالة خويتك مثل غسالة أهل زوجي هي ماركة سامسونغ
كل التعليمات عليها بالعربي وتختارين مدةالغسيل ونوع الخامة ومستوى الغسيل
والله روعة وشفت مثلها بس بالإنجليزي ماركة دورا
19 ) يمدحون سامسونج
اللي مطليه فضه
وسعرها فوق ال4000ريال

20 ) والله انا عندي غساله سامسونج امامية وفيها نظام تنشيف حراري

وتنظيفها روعة حتى مع الابيض يطلع نااااااااااااصع مرة

وما ادري ليش تقولون انهاسيئة

قارنتها بويرلبول وتفوقت عنها باللللللللللللللللف مرة




21 ) وسامسونج كمان حلوه عنداختى واسعاره ثمانميه ريال




22 ) والله انا جربت LGعند امي بس ما ارتحت لها
وجربت السامسونج عندي قمةالراحه
23 ) انا غسالتي ماركت سامسونج بالمره حلوه وتنظف
الحقي عمرك واشتريها ترا ما هي غالية اللي عندي سامسونج ب1200ريال حلوووووووووة

24 ) من تجربتي غسالة سامسونج فل اتوماتيك رائعة انا عندي اللي تشيل ستة كيلو

سهلةالاستعمال حتى طفلة تقدر تشغلها وةمستويات تنظيف مختلفة على طلبك

فيها غسيل باليد والله كأنه باليد فعلا الخرز ما يخرب ولا الملابس الشفافة والشيفون والدانتيل

وفيها غسيل سريع وفيها شطف لوحده وفيها تجفيف لوحده

وبرنامج خاص بالبيبي

وغسيل بالفضة تحسيه يتضارب مع الوسخ الين يطلعهههههههههه



25 ) مشتريه غسالة السامسونج


روووعه وبصرااحه وما ادري كيف كنت عايشه قبل بدونها

حتى صاحب المحل مدحها ليا وقال لي انها افضل من ال جي
اخذتها بالف وتسع ميه 1900ريال

وتراها كبيره انا اخذه 11 كيلو تكفي حتى بطانيه


26 ) غسالة سامسونج اوتماتيك من اكسترا----------كبيره ومريحه-------تتعبى من فوق

صراحة روعه






الــــــــــــرجاء عدم الرد