موضوع شفته وجا على الجرح ادخلوا واسوني

السلام عليكم ورحمة الله وبركاته
كيفكم بنات وكيف حياتكم واموركم ...

انا اول مره اكتب في هالقسم
بس ماكتبت عشان تعطوني حل لمشكله عندي
كتبت عشان افضفض وعشان تواسوني
وتدعون لي بنفس الوقت..

قبل كم يوم شفت موضوع لوحده من الاخوات
ما اذكر اسمها كانت تتكلم فيه عن اذا جربتي فقد زوجك
او غيابه لسبب او حاجه زي كذا
ماني متاكده بالضبط
بس
موضوعها جا على الجررررررح
والله فقد الزوج شي مو سهل
انا يابنات
زوجي مسجون من 10 شهور بس والله الذي لا اله الا هو
كأنها 10 سنوات
اثقل وابطأ 10 شهور مرت علي نشفت دموعي
من كثر البكاء
حسيت نفسي صرت وحيده بالرغم من اني جالسه
في بيت اهلي معززه مكرمه امي وابوي شايليني
على راسهم من فوق حتى ولدي مايفرقون بينه
وبين اخواني في المعامله ويحبونه اكثر مني ومن اخواني بعد
بس
يظل فيني نقص فيني فقد وفوق هذا احساس
الوحده اللي مو راضي يفارقني
ساعات اجلس افكر واتذكر ايامنا الحلوه اللي راحت
وتدمع عيوني واتمنى ترجع ذيك الايام لو ساعه
ابيها ترجع بحلوها ومرها ابيها ترجع
لمجرد اني بس اشوف زوجي قدامي لمجرد اني بس احس بالامان معه
آآآآآآآآآآه يارب
والله اشتقت له واشتقت لبيتي اللي راح
اشتقت لكل لحظه حلوه معه
سنه ونص عشناها مع بعض كانت من اجمل ايامي
(يارب عوضني بالاجمل منها يارب وارزق زوجي بالفرج من حيث لانحتسب)
الهم والحزن والبكاء صاروا رفقائي
والحمد لله على كل حال
بس دايما احاول اصبر نفسي واقول
كلها ايام وراح تعدي و مثل ماربي كتب انه في يوم من الايام ينسجن
اكيد ان ربي كتب انه راح يطلع وراح نرجع لحياتنا زي ماكانت واحسن بعد
.....
عشان كذا بنات
استودعوا الله انفسكم وازواجكم واولادكم كل ليله..
وربي لايوريكم مكروه في ازواجكم واولادكم
يااااارب

لاتنسوني من دعواتكم