موضوع صدمني بقووووه

السلام عليكم ورحمة الله وبركاته
كيفكم حبيباتي
يوم الخميس صار لي موضوع في البدايه احسب كان مزحه وتطور هذا الموضوع لدرجة صرت احلم فيه
بدخل في الموضوع على طول
انا مدرسه في مدرسه ابتدائيه وادرس سنه خامس وفيها ثلاثه فصول
المهم
يوم الخميس كنت عند اهلي واهلي ساكنين في مدينه ثانيه وزوجي يجلس معانا وقت مانكون صاحين واذا جا وقت النوم يروح غرفه اخوه مستاجرها هناك بحكم شغل اخوه هناك
المهم الظهر وانا جالسه جاتني رسالة واتس من رقم غريب تقول لي هلا رديت هلا فيك مين معايه؟
قالت انا فاعلة خير حبيت اخبرك ان زوجك خاينك
انا قلت لها جزاك الله خير وبدأت تحلف ان كلامها صدق ومن هذا القبيل طبعا انا في الوقت هذا قلت اكيد احد مسوي فيني مقلب وتذكرت واحده من المعلمات اخذت رقمي يوم الاربعاء قالت مو حافظه رقمها بس بتدق عليه وانا احفظ الرقم عندي
المهم هذا الرقم وهو يرسل طول الوقت وهو يقول اسمي بالكامل بعدين صار يسب ويتكلم كلام كبييير ماينقال
وبعدين قالت اقولك شي انا زوجة زوجك وراح اثبتلك وراح اجي اسكن معاك في نفس البيت
اخر شي قلت اكيد انتي فلانه قالت لا مو هي
وبعدين تطور الكلام لكلام اعذروني كلام كبيييير وكمان كلام وصخ
انا في اللحظه هذي انصدمت قلت حتى لو زميلتي لو تبغى تمزح ماتمزح كذا المفروض تكون محترمه في كلامها
سكت وصرت ماعاد ارد عليها
وبعد ساعه وقتها كلمني زوجي قلت له تعال الغداء جاهز وقال طيب انا في الطريق هي ارسلت لي هاه جاء زوجي عندك والا لسى
انا انصدمت قلت هذي واحده عارفه كل شي عني
بعدين صارت تقول ليش ماتردين
اخر شي قالت ابله انا فلانه ( اسم طالبه في سنه خامس ) ابله انا امزح لا تزعلين انا كانت صدمه لي
اولا انا مااعطيت رقمي احد من الطالبات ثانيا البنت هذي ممتااااازه جدا وفوقها مررررره محترمه
وما رديت عليها قالت دقي عليه اذا تبغين تتاكدين مادقيت طنشتها
ارسلت لي مقطع صوتي وهي تتبكبك بصوت عالي وتقول انا اسفه ومارديت عليها وارسلت واحد ثاني
تقول عساك مارضيت الحرب قامت بيني وبينك وورقة طلاقك راح توصلك قريب وكانت مغيره في صوتها واصلا مو صوت هذي البنت مرررره
ورجعت اخر مقطع ارسلته لي تقول زوجك واحد رومانسي وانتي مو فاضيه له وهذي الرومانسيه لقيها عندي انتي بس ولدي وولدي كأن مااحد جاب ولد غيرك (علما باني مااتكلم عند الطالبات في حياتي الخاصه مطلقا ) واخر شي قالت راح يطلقك لانه يحبني انا
وبعدها ارسلت صورة رجال في البحر وقالت هذي صورة ابوي اذا حبيتيه يكون احسن وصارت تناديني وانا ماارد
طبعا هذا كله وانا مصدومه وفي نفس الوقت اقول ليش انا بالذات مع ان طالبات خامس يحبوني حب مو طبيعي لدرجة المعلمات يقولون عني معشوقة خامس يعني مستحيل اشك فيهم ابدا
مررررره تشتت صرت بس افكر
قلت اكيد الرقم جاهم من واحده من المعلمات لان الفصول الثلاثه كل فصل فيه بنت معلمه واكيد اخذوه من جوال واحده منهم وهي ماتدري بس ارجع اقول ليش
والصوت في كل تسجيل يختلف عن الثاني
قلت ماعندي غير واحده من صديقاتي الثقه اقول لها واستشيرها
وطبعا قلت لها كان الخبر صدمه لها اول شي قالت مستحيل تكون اي واحده من طالباتك لانهم يحبونك ويموتون عليك لدرجة يقولون للمعلمات انهم يحبونك الا ان كانت تبغى توقع بينك وبين الطالبه اللي انذكر اسمها في الرسايل
المهم كلمت اختي المتزوجه وعلمتها بالسالفه وقالت مافيه حل الا نشوف شركة الاتصالات ونشوف باسم مين
وبحكم اني ماابغى احد يدري ولا ابغى السالفه توصل لزوجي اعطيتها الرقم وقلت انتي شوفيه
طبعا كلمت ابويه لان له معارف في الاتصالات قالت بس ابغى اعرف باسم مين طبعا قال السبت يكون عندك
طبعا داومت اليوم وكنت شايله هم الفصل هذا كيف بدخل له وكيف بشرح والبنت فيه مع اني مستبعدتها بس برضه اسمها انذكر في الموضوع دخلت الفصل البنت كانت على طبيعتها كل الفصل زي كل مررره مافيه احد غريب او متوتر او اي شي
وتكلمت مع صاحبتي قالت لا يكون واحده من برا تعرفك او حاقده عليك تبغى تخرب حياتك قلت لا مستحيل اش عرفها باسم الطالبه وبدينا نفكر وماوصلنا لحل ورجعنا نقول مين مايكون لييييش وانا اصلا واثقه في زوجي
بس برضه ليش وطبعا ماقلت لزوجي ولا ناويه اقول له
المهم رجعت البيت كلمتني اختي قالت ذحين ارسل لك اسم صاحب الشريحه اللي طلعناه من الاتصالاات وانا انتظر على احر من الجمر
تخيلوا مين طلعت
طلعت بنت المعلمه..................................
بنت صاحبتي...................................
طلع الرقم باسم ابوها
صدددددمه قوووووووووووووووويه
امها تقول لي في البيت مافيه غير طاريك بس تسولف لاخواتها الكبار عنك
الصباح تمشينا بدري عشانك
حتى يوم قررت امها تشتري لها جوال تقول البنت ماتبغى الا زي جوالك تقول انا عاجبني قلت لا جيبي لها ايفون افضل من جوالي قالت مافيه حل الا اقولها انك انتي اللي قلتي لي عشان تقتنع وفعلا مااقتنعت بالايفون لين ماقالت لها ابلتك هي اللي قالت لي
ياناس البنت اليوم خرجت وراااايه تقول مع السلامه ماارتاحت لين قلت لها مع السلامه
رجعت للمقاطع اللي ارسلتها فعلا نبرة صوتها
بس ارجع اقول لييييش

حتى يوم قلت لصديقتي الثانيه انصدمت
قالت هذي البنت تموووت فيك
البنت ماتتكلم غير فيك وهي في الموهوبات تقول تسولف مع زميلاتها اقول اش فيه تكون تتكلم عنك
ماادري
لييييييييه
والصدمه الثانيه ان البنت اللي ذكرت اسمها صاحبتها الروح بالروح للدرجة يدقون على بعض يطقمون شكل شعرهم
ماادري اش اتصرف
انا زي اللي بالعه موس
لا اقدر اتكلم وااقول لامها لاني اعز امهاا كثيييير وامها انسانه محترمه
ولا اقدر اسكت لان الموضوع كبير والكلام اللي قالته كبيييير واستغرب من واحده امها مربيتها على كل شي كويس تتكلم بالكلام هذا
ياناس انا تشتت خلااااااص
ابغى اعرف كل شي بس كيف
دلوني
انا قلت مالي غير الله اولا ثم انتم فكروا معايه
لان حتى صاحبتي تقول من قوة الصدمه ماعاد اعرف افكر لان البنت ممتازه ومحترمه وامها محترمه وفوقها تحبني
ياجماعه ممكن تكون البنت فيها مرض نفسي
لان البنت صغيره وكيف جا على بالها وكانت مصممه والله العظيم لغير تجيكي ورقة طلاقك قريب
اش اسوي فكروا معايه
وهل فيه مرض نفسي من كثر مااحب الواحد ممكن يتحول الحب الى اذيه
ساعدوني الله يخليكم
واللي تعرف رقم اخصائيه نفسيه للاطفال تقول لي
لان البنت طفله لسى عمرها 10 سنين
معليش طولت عليكم بس محتاجه احد يفكر معايه وفي نفس الوقت ابغى اقول لكم انتبهوا لبناتكم لاتخلون الاجهزه هذي في يدهم ماتعرفون ايش يسوون
استنى ردودكم لاني مو عارفه انام ولا افكر ولا حتى ااكل
في حفظ الرحمن


اللي سالت كيف عرفت ان زوجي جاي في هذا الوقت انا كمان كنت مستغربه بس كل المعلمات كانو عارفين اني مسافره لاهلي بس مايعرفون ان زوجي ينام في غرف اخوه المستاجره لان مو كل شي اقوله بس يمكن البنت خمنت عشان كان وقتها الصلاه دوبها مخلصه خمنت انه دوبه راجع من المسجد