والله اني اتعالج اقول يمكن السبب انا

هلا حبيبتى ليالي العمر

حلو الحوار مفتوح لتعم ... الفائدة
بالنسبة للرجل المراءة هى الىتعرف اذا كان زوجها عازف عن اللقاء الزوجى
ويرجع لعدة اسباب .. السبب الاول اذا كانت مشكلة صحية حالت ضعف
والسبب الثانى ...... اذا كان لا تو جد لدية الرغبة
والسبب الاول والثانى .... تكون نتيجة ان الضعق عند المراءة ويشك من ها النا حية ان المشكلة من عندة ... وهى من الزوجة مو من الرجل
ويلتجى لا طرق كثيرة لستعادة رجولتة ..... بس بعض الاخوت يقولو عندنا ضعف بس اثنا اللقاء الزوجى نقوم بالتمثيل .... بس طر قية التمثيل ما تشبع عاطفت واحساس الرجل بشى
الحلقة المفقودة عدم النقاش بين الطر فين لحل المشكلة
يولد حياة زوجية غير مستقرة يمكن تكون نها يتها الطلاق
الو احدة تستبصر مشكلتها زين وتبحث عن الحل
واذ ا بقيتى انتى عشرة على عشرة يبقى الرجل مية على مية...
وتر تسم السعادة والنجاح على محياة .. ويكون سعيد و تنعكس السعادة على الاسرة ككل الزوج والزوجة والاولاد
ويارب حياة زوجية سعيدة لكم كلكم

وتحياتى
wisam

يبدو إن الموضوع يحتاج توضيح

وأنا أتكلم عن حالتي الشخصية ، وأتصور فيه بنات كثير زيي

الرجل ما عنده مشكلة صحية .. يعني مهو عاجز

لو كانت الظروف مهيئة ما عنده مشكلة على الإطلاق .. وممكن حتى يوصف بالنشاط .

وأنا أقول لك يعني أيش الظروف مهيئة :

الأولاد نايمين أو برى البيت

الوقت مناسب ، يعني مو مرة متأخر مثلا ( مع إنه إذا توفر الشرط الثالث تنازل عن الشرط الثاني )

إن المرأة تكون لابسة لبس فيه إغراء ومتعطرة والأنوار خافتة .... الخ

إذا توفرت الشروط ما صار فيه مشكلة

المشكلة إذا ما توفرت الشروط ، خاصة مسألة اللبس المغري ..

غالبا .... بروووووووووود

اللي أبغى أوصله لكم يا بنات ، إنه كيف تخليه - بالعربي - يبغاها من غير ما تغريه هي ؟!!

لأنه لمن هي تغريه ،، بالحقيقة هي اللي بادرت !

طيب

إذا هي زعلانة وإلا ماخذة على خاطرها منه معقولة تلبس له قميص نوم مشخلع وتطق الزيون ؟!!

لكن لمن يشتهيها - لو هي لابسة بجامة كم طويل - راح يراضيها ويتقرب منها !! لأنه الباعث من داخله ما هو تأثير خارجي ..

وهذا اللي نبغى نوصل له !!

لأنه إذا كان هذا وضعه راح يتجنب المشاكل وما راح يصبر على الزعل فترات طويلة .

المطلوب :
طرق عملية لجعل الرجل لا يستغني عن زوجته من دون إغراءات !

مثلا ( وهذا غير مجرب ) : في أوقات الرضا ، ولمن يكون بينهم كلام خاص جدا ، تعطيه إنطباع - بطريقة غير مباشرة - إنها تحس الرجال اللي يقعد ( وتحدد الفترة اللي تبي ) ما يقرب زوجته عنده مشكلة .. أو ناقص الرجولة .
فلما يجي وقت الزعل - الله لا يجيبه - يكون هالكلام ثابت في ذهنه ، فيضطر إنه يثبت كمال رجولته !!
والمرأة تحصل على اللي هي تبغى من الترضية والحنان والملاطفة ..... الخ

هاه ؟ وأنتم وش عندكم ؟

أم شوشو

ليش تتعالجين ؟! أو قصدك يمكن ما يجد معاك لذة ؟ أن رأيي تصارحينه ، يمكن هو ما له خلق وأنتي قاعدة تحوسين بعمرك !

وسام

كيف يعني المشكلة عندها ؟ يعني ما ترضيه ؟
هذا موضوع ثاني : كيف ترضين زوجك في غرفة النوم !!
طيب ليش بعض الرجال يعملون علاقات خاصة مع بنات ما يعرفون شي من هالنواحي بس عشان يطيح اللي براسه .
الرجال لمن يكون فعلا كامل الرجولة ، ما يحتاج الوحدة تتعب معاه على بال ما يصحى !

السلا م عليكم

بقولك مشكلتي القريبه من مشكلتك وشاكره لك طرح الموضوع
انا من بداية زواجي وهذي معاناتي
(من عشر سنوات متزوجه)
كنت احسب عدد مرات العلاقه الحميمه اللي بينا هي بحدود المعدل للاشخاص العاديين
وطبعا بعد دخول الانترنت عرفت ان هالكلام مهو صحيح
( لان زي ما قلتي هالموضوع حساس ما تقدرين تناقشينه او تستفسرين عنه من اي شخص مهما كانت درجه قربه منك)
فهذا اول عامل ممكن تفكرين فيه.. هل قله عدد المرات بينكم كانت من بدايه الزواج؟
ولا هي امر مستجد

اذا الاولى فاقولك ..عليه العوض ومنه العوض وان بغيتي شي ما لك الا تاخذينه بيدك
ولا تكثرين زعل وخلك كووووووووول لانك بتخسرين المصدر اللي رح يعفك عن الغلط والوقوع في الحرام لا سمح الله

اما اذا امر مستجد فاتصور ان السبب هو الملل يمكن
مهما الوحده كانت حلوة وجميله ومقبوله الا انا الرجال تعددين وسريعي الملل
يصير خلاص تعود على نفس جسم المرأة
(طبعا هالكلام مهو ضد المرأة لان فيه نساء يعانين من الملل من اجسام ازواجهم)
فمهما شافك قدامه ما تشكلين له اي مصدر اغراء لانه شافك في جميع حالاتك
خصوصا اذا كان ضعيف جنسيا او حتى متوسط

طبعا زي ما قلتي اللي ازواجهم اقوياااااء ماشاء الله انا اؤيدك ان مشاكلهم اقل
خصوصا لما تكون هي بعد محبه لهالشي وتستمتع فيه
طبعا هذي وجهه نظري الشخصيه كوني اعاني من شخص بارد
ويمكن زوجات الساخنين جنسيا افضل مني في تقدير وضعهم..

بخصوص اقتراحك انك توصفين الرجل اللي يبتعد عن زوجته فتره معينه انه قليل الرجوله
هذا يعتمد على طبيعه زوجك
اذا كان يهتم بنظرتك له ويقدرها ويتأثر فيها فممكن تستخدمين هالكلام
اما ان كان اذن من طين واذن من عجين ( وهو عارف ان كلامك عنه ما رح يتعدى باب غرفه نومكم وذلك لطبيعه مجتمعنا وان البنت ما تقدر تتكلم عن شكواها الجنسيه امام احد مخافه ان تفقد هيبتها وهيبه زوجها امام الاخرين ) فصدقيني ان أثرت مره ما رح تأثر بعدين

على العموم جربي منتيب خسرانه شي

اتمنى اني ما طولت عليك
وحاولت فعلا اختصر لك نصيحه ناتجه عن معاناة حقيقية
واتمنى لي ولك الاستقرار والسعادة في الدنيا والاخره