موضوع ضيق حياتي علي

أخواتي بنات حواء ضايقة فيني الدنيا يابنات بقولكم شي عن نفسي وشي انا اعرفه عن نفسي وانا ابخص بنفسي من غيري هالكلام اللي بقوله لكم لانكم ماتعرفوني اعذروني عن مدح نفسي قدامكم لانكم مو بواقعي وعشان تفهمون مشكلتي انا ياخواتي انسانة طيبة واذا صار عند احد مناسبة حلوة مثل زواج او وظيفة افرح له من قلبي حتى عدواتي اللي يكرهوني وانا ادري انهم يكرهوني اذا صار لهم شي حلو افرح لهم صح انا حظي مرتدي لازواج ولاوظيفة رغم اني كبيرة واوضاعي بشكل عام مو حلوة بس يابنات مااحسد احد وابي الناس تستانس واسعد اذا شفت الناس سعداء صح انا أتمنى اني يكون عندي وعندي وعندي بس أتمنى تزول نعمة غيري ؟؟لا
المهم بلاني ربي بقريبة نشبة بحلقي هي قريبة مني حيييييييل حييييييييل هالقريبة دايم تتهمني اني اعطيها عين لدرجة مرة أمها هجمت علي بدون مقدمات وقامت تسب كل ماستلمت بنتي راتبها مرضت لين تصرفه كله ثم راح مرضها صح مسوية نفسها ماتهاوشني بس كانت تطالعني وترفع صوتها علي وانا بذيك الفترة والله يابنات والله العظيم اني مدري بأي يوم بالشهر تستلم راتبها لأني ماعمري استلمت راتب فمدري الناس تستلم رواتبها بأي يوم؟ ولاعمري سألت قسم بالله حتى لو اهلي عطوني فلوس بيوم الرواتب بس مادقق التاريخ كم ولا اركز بهالاشياء والله مدري راتبها كم المهم تحملت الغصة والقهر بقلبي وسكت وعرفت ان أمها تقصد اني معطيتها عين من نظراتها لي ورفع صوتها علي بالمجلس اللي كان فيه قريبة لنا غيري وغيرها
هالقريبة ماتركتني بحالي لدرجة اذا اخطوبها ناس ورواحوا شكت فيني اني انا معطيتها عين رغم انها هي اللي تجي وتعلمني انها مخطوبة وانا ماسالتها أصلا !!ولاتهمني حياتها ولاتفاصيلها ولا ودي اعرف عنها شي عقب مواقفها معي
يابنات وصلت فيها المواصيل تتهمني بادق الاشيا اللي معطيتها عين فيها وبعض هالاشياء مدري اني عنها الا لما تلمح لي اني عطيتها عين فيها هي طبعا ماتبي ادري انها شاكة فيني بس من اسلوبها يبين ويكون واضح وضوح الشمس مواااااااااقف كثيير من ضمنها مرة تنادني اسوي لها قهوة واجي على نيتي طايرة من الفرررح لاني بتقهوى معها واسوي لها قهوة واتقهوى معها طلعت تبي تأخذ من اثاري يابنات هالحركة حسستني بالاهانة عادي عندي تأخذ من اثاري بدون ادري بس تطلب اسوي القهوة؟؟قهرتني قهرتني
وصارت تخبي الأشياء عني وتنكر بعض الاشيا وانا ماسالتها وحركاتها بوضوح (بعض المواقف مقدر اقولها لكم لاني مابي احد يعرفني) بس مواقف واضحة
اااه يابنات مقهورة حشرني ربي فيها وقربها مني وخلاها تتهمني بكل شي يصير لها لو بيدي بعدت عنها وانا بنفسي ماعرفت اخبارها مايحتاج تخبيها عني انا نفسي مابي اعرفها بسبب حركاتها سبحان الله عندها قناعة اني انا اللي اعطيها عين واقطع ارزاقها وكل ماصارت لها مشكلة او تعطل لها امر يكون هالامر بسبب عيني صارت تهاب عيني بشكل غريب وواضح ويلاحظونه اللي حولها رغم اني اعرفها عرفي لنفسي هي اللي قلبها اسود لدرجة تغار ولا تقدر تخبي غيرتها كم مرة تجيني تنقد تصرف حرمة من الحريم وانا اعرف ان نقدها هذا غيررة والا فيه انسانة صاحية تنقد وحدة لانها تسأل عن زوجها ؟؟؟؟؟؟؟؟؟؟؟؟؟؟؟!!!
مثل ماقلت لكم يابنات هي قريبة مني حيييييل مدري شلون اتصرف لو انها تأخذ من اثاري بسكات بدون هالرعب اللي يبين عليها مني وبدون تصرفاتها الواضحة بلعت السالفة وسكت ولا انقهرت قولولي هذي شلون اتصرف معها؟؟؟!!!