موضوع عجبني مره ولازم تشاركون بأرأكم

عور قلبي هالمقال:06:
فعلا الرجال عندنا يصادرون أبسط حقوق المرأة
والواحد فيهم يسمح لنفسه انه يستغلها بكافة الصور
الحين المرأة المتزوجة واللي ما عندها مشاكل مع زوجها
يعتبر اسمها حق من حقوقه
لمجرد انها مضافة بدفتر العائلة
ولا يشاورها اذا هي حابة تكتتب لنفسها
ولو طالبته باسمها يستغرب ويقول كلنا واحد والربح طبعا لواحد مو لاثنين
أجل كيف يكون الحال مع هالمسكينات المطلقات
واللي يصرفون على أطفالهم
والرجال ناسي ان عنده عيال وما يكلف نفسه يدفع ريال
واذا صار فيه اكتتاب
على طول يذكر انه له عيال بذمته راميهم على أمهم ولا يسأل فيهم
والأدهى والأمر لو يكون اسمها لازال في دفتر العائلة حق الطليق
كذا يكون استولى على اسم الام والاولاد وكوش على كل شي
مدري وش اسميه هذا ظلم ولا جهل ولا ايش
بعضهم ما يعرف حكم انه ياخذا اسم زوجته وهي مو راضية
ويعتبره حلال زلال الربح اللي يحصله
لأن في عقليته الاسم مو مهم اهم شي ان المبلغ من عنده وبكذا يحلل لنفسه
فيه فتاوى صادرة من مشايخ
تحرم على الزوج انه يكتتب باسم زوجته وهي مو راضية
لكن أكيد هذي الفتاوى ما تعنيهم ولا يحبون يسألون ولا يهمهم أصلا يعرفون
مو مثل زواج المسيار اللي ما فيه واحد منهم تجهله الفتوى
والله قهر والظاهر من القهر أنا بديت أخور:hahaha:

مشكورة خيتو على المقال
الله يعطيك العافية

مشكوره ام البراء على المداخله ...الله يحرم ايديك على النار كل كلمه كتبتيها ...صح 100%

بس الغريب ان الموضوع عدا على نسبه من النساء ....تحفظت بتعليقها ....


وش تتوقعين السبب ؟؟؟!!!!


هلى الموضوع مايعني لهم شي!!او مايمسهم من قريب او بعيد بشي ؟؟؟!!!!

غررررررررررررررررررررررريب !!!!!

حبيبتي اذا اكتتب الزوج واخذ اسم زوجتة، وفي نفس الأكتتاب هي ايضاً " الزوجة" قامت بالأكتتاب فأن الاسهم تخصص باسم الزوجة لأنها اكتتبت بحسابها الخاص واسمها، ولا يخصص للزوج اسهم لزوجتة بل يتم تخصيص الاسهم له وللأولاده فقط.
لهدرجة الرجال ماسكين اسماء زوجاتهم، بنظري أنها استقلال لانسان ضعيف، وانا استغرب كيف هالزوجات ساكتين عن حقوقهم واذا المرأة اتخاف ان الرجل يأخذ لعيال ماعندها سالفة، الحين الرجال اذا طلق يخلي عياله عند طليقته ويريح باله من مشاكلهم رجاجيل اخر زمن.

والحمد لله على حال

ايه والله صدق شي يقهر اعرف وحده مطلقه وتصرف على عيالها وعندها 8وكلها يكتتب فيها ابوهم وابوهم مو محتاج ريال يعني شبعاااااان والله شي يحر

العفو غاليتي
والله يسعدك على الدعوة الحلوة

أتوقع فيه حريم كثير ما تحب تدخل حالها في مشاكل مع الزوج والسبب الأسهم
تقول هذا شي أنا ما فهم فيه وشوله أقعد أناشبه
بس ترا هذي سلبية يعني حقك واسمك المفروض ما تتنازل عنه كذا كأنه حق طبيعي للزوج
أوكي في حال شاورها ووافقت تعطيه اسمها خلاص هي حرة تتنازل
بس انه ياخذ الاسم كأنه حق طبيعي له من مبدأ أنت ومالك لأبيك
هذا شي مرفوض طبعا
حتى الأولاد من حقهها تكتتب بأسماؤهم
مو هي أمهم ولها فيهم مثل ماله المفروض تتكتب هي بأسماء عيالها
أنا أعرف كذا معلمة يقولون ان عيالهم نصهم تكتتب هي باساميهم ونصهم هو يكتتب
وكذا حلو الاتفاق بس المسكينة المطلقة الي تصرف على عيالها
و تحتاج الاكتتاب يساعدها في المصاريف
وهو يجي يكتتب باساميهم بارد مبرد