موضوع عن الشغالات

السلام عليكم
أخواتي ما ادري كيف ابدء بس الحقيقة يطول الحديث عن الشغالات وحاجتنا لها
للاسف ان هذا شي صار من شروط البنت في عقد الملاك يعني البنت خلاص ببيت اهلها متعودة احد يخدمها ما تبي تلمس اي شي بنظرها اهتم بنفسي وشكلي عشان اسعد زوجي
والحقيقة تضر نفسها بدون ما تدري
المشكلة الكبيرة الي شفتها منتشرة يحسبون الشغالة آلة ما تتعب هي تهتم بالبيت من تنظيف وترتيب وتغسل الملابس وتطبخ وترضع الطفل وتغير له لو انها تعرف تدرس العيال كان بعد خلوها تدرسهم ويقولون بعد هذي وينها هذي تعبانة ما تسمع الكلام ما تسوي الي اقول لها بسرعة والمدام حاطة رجل على رجل يا ريموت بيدها يا جوال وسواليف مع الأخوات والصديقات ويجي ابو الشباب يبي الغداء او العشاء تقول دقيقة فلانة عجلي جيب الاكل خلي الي بيدك
حقيقة صارت الشغالة طباخة مربية مدبرة منزل بعض الرجال ياخذ طلبات البيت بعد من الشغالة بجد شي مخجل
ونقول ليش تعاملهم كذا اذا وليتم فارحموا
معليش طولت عليكم اترك لكم الفرصة واتمنى كل وحدة بكل شفافية تقول رايها حتى ولو ما يعجب البعض