موضوع عن مكالمات البنات للشباب/ للنقاش

السلام عليكم ورحمة الله وبركاته
لاحظت بالفتره الاخيره اكثر من وحده كتبت موضوع عن اختها انها تكلم شباب وكيف تتصرف معاها تعلم عليها اهلها ولا ايش تسوي؟
الموضوع هذا للنقاش فقط ونتناقش في حلول ممكن تصلح حال البنات وتبعدهم عن درب الحرام
انا رأيي كالتالي
مقتنعه تماماً ان البنت اللي عاجبها الحرام ماراح توقف لو ابوها واخوانها جلدوها ومارحموها بالعكس بتزيد عناد
والله يابنات اني ايام الجامعه اعرف بنات مقفل عليهم كأنهم بقفصص وابوها ينزلها ويستناها برا وعارف جدولها ومحاضراتها البنت تنزل من سيارة ابوها وتطلع من البوابه الثانيه لسيارة صاحبها والعياذ بالله
ووحده من قرايبي امها كشفتها تكلم وضربتها ضرب العالمين ما رحمتها والله يا بنات مع انها بالمتوسط الا انها هي وصاحباتها جمعو مبلغ جوال وشريحه واشترولها وخبته عشان تكلم اللي يقول انه يحبها
وتأكدت ان الضرب والمراقبه والتشديد ماتجيب فايده
لازم البنت الوازع الديني عندها يكون عااالي ومخافة الله بين عيونها
طيب اللي تكشف اختها تكلم شباب كيف ممكن توعيها ان هذا الدرب حرام كيف ترجعها للطريق الصح وتصحيها من غفلتها؟؟
هل النقاش والتهديد بالاهل كافي؟؟
هل في اسلوب ممكن يفيد ولا مافي حل الا اللجوء للضرب والحرمان من الجوال وتنحبس بالبيت؟
الله يحمي بناتنا وشبابنا من الفتن ويثبتهم ويثبتنا على الطاعه يااارب
الموضوع اولاً واخيراً للنقاش والبحث عن حل واقعي ومفيد اتمنى الرقي في الردود