موضوع غير

مدري وش الهدف من موضوعي
بس اشوي تغير عن مواضيع القسم
مدري أنتو مثلي بهالشعور

سكنا بيت واثثت لبنتي أحلى غرفه من اوضه وفرش وكل شئ
ويمكن أحلى من غرفتي ومازالت فتره طويله تزاحمنا
وتنام بيننا أنا وأبوها وتترك غرفتها
عمرها خمس سنوات
بس هالحين تغيرت وصارت لحالها تروح غرفتها وتنام
أحيانا يجيني شعور أو شوق ترجع تفرض نفسها بينا وتنام معنا وبينا

ولدي بعد كانت له حركات ما يفهم وطفولي بزياده
وأحين تراه بعده صغير عمره سنتين وشهر
وفي بعض الأشياء صار يفهمها
احن انه يرجع غبي وطفولي أكثر
حتى لما فطمته من صدري كان بس انه خلاص لازم يتعود على الصناعي
رغم انه اشتاق يرضع مني وبعد لما ولدته حنيت لحركته في بطني رغم انه خلاص
ضاق البطن وصرت بالتاسع
سبحان الله حتى لكبرو نفرح فيهم لكن نعشق طفولتهم

مره قال أخوي لنا لا احد يتضجر من العيال ومن حليبهم
وحتى مشترى حفايظهم إلا يجي يوم ونحن لهم صغار

رغم أن عيالي بعدهم أصغار لكن احن لكل شئ مر علي معهم
ومعهم بعد عجزت أنسى حملتي الأخيرة وطفلي الي اجهضته
الله يعوضني ويعوض كل وحده فقدت طفل لها