موضوع في غاية الروعه لايفوتك ... ادخلي ما راح تخسري شي

... انا كنت جالسه اسولف مع زميلتي ... قالت لي شي بصراحه اعجبني .. وبدينا نطبقه ... والحمد لله بعده تحسين براحه نفسيه ..







طبعا كلنا نعرف انها ترفع الاعمال يوم الاثنين .. والخميس ..

واغلب العوائل يكون تجمع بناتهم واولادهم عندهم يوم الخميس ..

فقالت لي زميلتي ... انهم وخلال تجمعهم يوم الخميس عند الاهل .. كل وحده منهم تدفع ريال واحد ... واللي تبي تدفع اكثر مو مشكله .. يعني كلا يحط المبلغ اللي يبي ..


قلت لها ليه ؟؟

قالت نجمعها ونحطها في حصاله عند امي وكل خميس على ها الطريقه ...

واحيانا اذا كنا عند اهلي يوم الاثنين برضوا نجمع ..

قلت وبعدين ... شتسوون بها ؟؟

قالت نفتحها اذا حسينا اننا جمعنا فيها مبلغ كويس .. وندفعها في كفالة يتيم .. او صدقه جاريه .. او في بناء مسجد .. او في شراء براده للمسجد وهكذا ..

وقالت اذا جاء نهاية شهر شعبان .. نفتحها ونشترى تمر وماء ومناديل .. ونوديها للمسجد كافطار صائم ...

وبرضوا بيوم عرفه نفتحها ونتصدق با المبلغ الموجود ..

وكلها بوجه الخير ...

وانا حبيت اعطيكم ها الفكره لعلها تكون سبب لرضى الرحمن ولزيادة الرزق ..

طبعا معروف انه مانقص مال من صدقه بل يزيد .. وفوق هذا نحس براحه ...

ويشهد ربي اني ما كتبت لكم الموضوع ريا ... بل كتبته للفائده والدال على الخير كفاعله .. و من فتره وانا انوي كتابة الموضوع بس خفت من الردود الجارحه ...

ملاحظه ...

- اللي عندها رد جارح تحتفظ فيه لاني ماراح اسامحها

- الرجاء من المشرفات العزيزات عدم نقل الموضوع لان هذا اكثر قسم يرتاده الاعضاء و الزوار