موضوع ف المنتدى أثر فيني

يسعد مساكم .. أتمنى تكونوا بخير جميعاً
ك العادة لازم أشيك ع أقسام المنتدى ولفت انتباهي ف ملتقى عالم حوا ب المجلس العام وحدة تسأل عن عضوة متوفية الله يرحمها .. المهم بحثت ونبشت وطحت ع موضوع العضوات المتوفيات في عالم حوا
ناس ب حادث وناس فجأة وناس مرض ( تعددت الأسباب والموت واحد )
الله يرحمهم ويغفر لهم جميعاً
يابنات وربي الدنيا صغرت ف عيني أكثر مما هي صغيرة الموضوع مو مسألة نكد وهم لا والله بس لما الواحد يعرف وش كثر الدنيا م تسوى عند الله جناح بعوضة وقد ايش هي قصيييرة كان م لقينا حقد وبغض وعداوات وقطيعة رحم
الرسول صلوات الله عليه وسلامه قال : ( ما لي وللدنيا ، ما أنا في الدنيا إلا كراكب استظل تحت شجرة ثم راح وتركها )
اذا الحديث خطأ صححوا لي .. وكل م أفكر ف الناس اللي تظلم وتأذي غيرها أشفق عليهم معقولة م فكروا ف يوم الحساب ! ولا ع بالهم الدنيا دااايمة لهم ، الذنب اللي بينك وبين ربك الله كفيل ب محاسبتك إن شاء عذبك وإن شاء غفر لك .. بس اللي بينه وبين الخلق مظلمة ياترى كيف عايش ! وكفى بالموت واعظاً موت شخص م أعرفه يهزني ويخليني أعيد حساباتي فما بالك ب وفاة شخص قريب ..
الخلاصة لا تعطوا الأمور أكبر من حجمها تصالحوا مع أنفسكم قبل غيركم ، لا تدققوا عشان المركب تمشي وتذكروا هي دنيا وليست جنة .. مو معناته يتنازل كل ذي حق عن حقه لا أبداً بس فيه أمور محتاجين نغض الطرف عنها ونعيد حساباتنا ونراجع أنفسنا كلنا مقصرين ..ونسأل الله العفو والعافية والرحمة لموتانا وموتى المسلمين ويغفر لنا اذا صرنا إلى ماصاروا إليه
آسفة ع الإطالة ربي يسعدكم جميعاً
صحيح بعد م لبست الفستان الأخضر أحس بدا يطلع مني حكم وحسيت ب المسؤولية 😁