موضوع قديم تام ف قلبي وودي اقوله بس الله

السلام عليكم ورحمة الله وبركاته ..

ودي افتح قلبي واقول سالفة قديمه صار لها كثير ، المهم ي بنات انا كنت ادرس ف الجامعه و ماتزوجت ف انتظرت ل اخر سنه كنت انخطب والله بس ما اوثق فحد ف كنت بصراحه حاطه عيني علا انسان بسيط جداً ومايستاهل كل هالعنوه المهم هو ولد خالي بس هو مايبيني ولا مفتكر فيني وادري الزواج والنصيب عند الله وكل انسان ونصيبه ف الدنيا ولو هو نصيبي كان خذته من زمان

المهم لما وصلت لاخر سنه سمعت انه يبغي يتزوج ماعرفت انا اصلن كيف تصرفت بهالطريقه ف رحت وقلت لامي لا ارادي هذا الفلان انا ودي اخذه وابغي اكون قريب منج يمه لانهم ساكنين عند بيتنا

المهم اخته قالت لامي انه يبغي يتزوج وحده الله يستر عليها ، وانا من طيشي تضايقت و رحت اتصلت له علا طول

وقبلها اخته خبرته انه تبي تخطبني له بس هو مايبغيني ويكلم هالانسانه ويبغي ياخذها

بعد ما اتصلت طبعن فحياتي ماسويتها واتصلت علا واحد من اهلي ف النهايه و دقيت له و ماعرفت اصلن شقول ف تميت ساكته وهو يصارخ الوووووه الوووووووووووه

مادري كيف عرفني ! يمكن دخل الرقم ف الريل كولر او شي

المهم رديت بعد اتصلت وقالي نعم شوتبغين امري ويصرخ
قتله اتكلم ب اسلوب ارقى شوي قالي ماقدر اكلمج زوجتي تغار للعلم هو بعده ماخذها بس مايبغي يطولها معاي ف قالي لوسمحتي لاتحرجيني اكثر ومابغي مشاكل وانا علا طول سكرت واستحيت علا ويهي وحسيت ودي اموت بهاللحظه والله دارت فيني الدنيا


الموضوع مب انه تزوج ماهمني لانه مابغاني وانا بعد مابغي حد مايبغيني بس جرحني كلامه ولين اموت مابنسى كلامه


توني صليت الفجر وقلت حسبي الله عليه وعلا كلامه والله العظيم انا بنت خاله كان يقدر يقولها باسلوب ارقى عن هالاسلوب الخايس

دعيت عليه ثاني اسبوع انكسرت ريله لانه كسر بخاطري عافانالله ماتشمت بس لما كلمني كلمني ب ارف وانا كرهت نفسي والله تمنيت ايدي انقصت ولا سويت هالشي

قلت ولد خالي مب غريب بس للاسف طلع كلب !


تقبلو مروري...