الاستقلالالالالالالالالاليه

من واقع تجربتي انا افضل ان الوحده يكون لها بيت مستقل انا عشت عند حمولتي ست سنوات طلعات ما فيه تمشيات ما فيه سفر مع زوجي ما فيه حريه ما فيه لاكن لما استقليت في بيت بصراحه حسيت بالحريه صرت اطلع مثل ما احب اسافر انا وزوجي

عشان كذا انصح الوحده من قبل الزواج تشرط بيت لراحتها وراحه راسها من المشاكل

أكييييييييييد الحريه والاستقلاليه طبعا احنا عايشين في بيت اهله مخصص لي مكان وشقه وصاله على قدي ومطبخ جنه مطبخ باباي وغرفتين يادوب تكفيني وتكفي عيالي ابي بشي زايد مثلا ماقدر مافي مكان بالشقه حتى الكبتات طفحححححت من الاغراض حتى ماقدر ازييد درج :( مع انه ماعندي إلا ولد واحد الله يعين اللي عندهم ا كثر

بس الحمدلله خالتي تهبببببببببل عسسسسسسسسل عمرها مادخلت بشقتي ولا بتربيتي ولا شنو شريتي وشنو حطيتي مالها شغل احد لانه يمكن كل عيالها قاعدين عندها فتعودت على جذي

والموووحلوووووووو حمواني وحريمهم جاراتي بالشقيق اللي يمي عسى ماتصرخيييييين الا وسمعوووووووج ودقوووووووا تلفون شفيكم شنو عندكم تصارخووون:27: شكوووووووووووووووووووووووووووو ماااادري احسسسسس ماكوووووووووو خصوصيه ماقدر حتى ارفع صوتي عن المستوى العادي واذا طبخت شي بمطبخي ثاني يوم يايين حمواني والله ذبحتنا ريحه الطباااخ مع العلم اني ماطبخ فوووق ولا ناكل فوق اكلنا كله تحت بسسسسسسس مرات ودج تسوين شي دام عندي مطبخ ومجهز بكل شي
ومره قعد ولدي الفير يبجي اسمعوووه فثاني يوم رايحه مرت حماي تقول لخالتي امس ولدهم يبجي واهما نايميين مايدرووووووون !!!!!!!!!!!!
وكل وحده تحششششش بالثانيه وكل وحده تشوووووف الثانيه شنو مسويه اذا ماقلدتهاااا راحت بتسوي احلا منها جان من ناحية الشقه ولا لبس عيالنا ولا لبسناااا

والله اذييييييييييييييييييه مافي على الاستقلاليه راحه مابعدها راحه اقووول حق زوجي خل نطلع يقوولي مستحيييل اطلع من بيت اهلي وصج ادري صعبه عليه لانه اهو مستانس مع اخوانه كلهم بببيت واحد :(
وهم انا اخلي الخدامه تيود ولدي وتقعد يم خالتي تحت عينها على الاقل اروووح الدواام وانا مطمنه على ولد تحت عين خالتي شنو توكله شنو تلبسه بس هاااااااذي الميزه اللي مخليتني اصبر

شوفي يا حبيبتي اذا فيه خيارات..بيت لحالي وها الشي اتوقع ما يختلف عليه ثنين..لانه بيكون بيتك انتي ملك لك ولزوجك بكل ما فيه ..البسي الي تبغين واكلي زي ما تحبين ووقت ما تشتهين النوم على كيفك انت وزوجك والطلعات في الليل والنهاروالوقت الي يعجبك ..وطول الوقت انت وزوجك لوحدكم:39: :39:

لكن في بيت اهله كل صفيره وكبيره لازم تحاسبين عليها ولا تغلطين يعني كانك في مسرحيه تمثلين فيها ولا تكونين على طبيعتك..فيه بعض البنات ما يهمهم ويقولون احنا نعيش على كيفنا في بيوت اهل ازوجناولا يهمونا ..بس تعالي شوفي المشاكل الي اعوذ بالله توصل في بعض الاحيان لطلاق...

يعني لازم تجاملين وتراعين وتحطين بالك انك منتي عايشه لحالك مع زوجك ..يعني لازم تتحملين المسؤليه في المطبخ في النظافه في العزايم في الجمعات العائليه..وزوجك ثلاث ارباع وقته تحت مع اهله...

أنا اتفق مع الأخت (رمايه)

أنا مالجه وعرسي عقب كم شهر ان شالله.. وريلي من أهلنا ووايد يحبوني من كنت صغيره ..الحمد لله..

نحن ما اشترطنا سكن خاص.. بس نعرف انه ولدهم مب ناوي يسكن وياهم..

بعد محاولاتهم لإقناعه اقتنع انه يسكن وياهم اول 8-9 شهور.. عقب يطلع سكن بروحه..

انا بصراحه زعلت وما اقتنعت بهالشي.. بس عقب كلمتني اختي العوده واقنعتني اسكن ويا هله في البدايه للأسباب التاليه:

1- عشان اتعلم منهم عاداتهم

2- وصعب اتحمل مسؤوليات بيت بروحي لاني مب متعوده على هالشي، خصوصا انه بيتهم دوم ناس وعزايم..

3- أمه وأبوه وايد طيبين ويحبوني.. ان شالله ما راح شوف منهم وما راح يشوفون مني إلا كل خير..

4- أمه حرمه عوده... وشي حساسيه شوي بينها وبين ولدها.. فراح أحاول في هالفتره إني ألطف الجو بين الأم وولدها عساس ماحد يضمن عمره يمكن تموت وهي شايله في قلبها عليه..

5- انا طبيعتي وايد خجوله وما اعرف اسولف وايد.. وهم وايد اجتماعيين فان شالله راح اتعلم منهم اكون جيه..

6- انا وايد خوافه.. وهو دوامه طويل ومرات يداوم في الليل.. ما اتخيل عمري في البيت بروحي بستخف.. يمكن يقوى قلبي يوم أعيش ويا هله..

وانا استخرت وايد في هالموضوع.. وكان هو مب موافق اهله انه يسكن وياهم.. عقب وافق.. ان شالله يكون في هالشي خير لي وله..

ولا تبخلون علي بنصايحكم..

اختي الرحيل مبرررررررررروك
وانشالله ربي يوفقج وانشالله بتشوفين كل خير :26: