موضوع قريته وجافاني النوم تعالو اسمعو مني

صباح الخير

بدخل بالموضوع على طول
البارح وانا اتصفح الانترنت دخلت على منتدى علاج للشواذ
ماتوقعتهم يعانون مثلنا
كنت اكرههم وانقرف منهم واعتبرهم هم السبب باللي هم فيه لكن وربي اني لما قرات كلامهم حزنت عليهم وعرفت انهم باكبر ابتلاء بالحياة وانهم مظلومين ومالهم ذنب باللي صار لهم الا انه طاحو بيد ناس ماتخاف من الله
انا هنا ماقصد الشاذ المغتصب
انا اقصد الضحيه
معظمهم قصصهم اطفال وبريئين زي اطفالي واطفالكم
واغتصبوهم ابن الجيران ولا الخال ولا العم والا عيالهم
صحيح وقتها مايحس بشيء لكن لما كبر بان تاثيرها عليه واصبح مثلي ولايتخيل نفسه الا مع واحد زي الوحش المغتصب ولا يميل للنساء ولا يقدر يتحكم بنفسه وافكاره
معظمهم يحاولون العلاج لكن اللي فهمته من كلامهم انه اللي احد يغتصبه مايقدر يعيش طبيعي ويمارس حياته كرجل
تاثر عليه من الناحيه النفسيه تدمره وتجعله نصف رجل حتى لو امتنع عن الممارسه ومايسمح لاحد يغتصبه
لكن الافكار والخيالات المثليه ماتفارقه
ولا يقدر يشوف نفسه مع النساء مهما حاول
هذا اللي قريته من قصصهم البارح وكانو معظمهم يتمنون الموت فقط ليرتاحو من هذه الحياه

لاتفهموني غلط اني ادافع عنهم
انا ادافع هنا عن الضحيه فقط اللي يغتصب من ذكر ظالم متوحش ومايخاف الله بالطفل
لانه الوحش يقدر يعيش طبيعي ويقدر يتزوج لكن المغتصب المسكين لاء حياته تتوقف

عشان كذا اطفالكن امانه باعناقكم تسالون عنهم امام الله وامام انفسكم واكيد مافي ام او اب يبغون يصير كذا باولادهم

اولادك خليك قريبه منهم اتركي التعنيف والضرب والتحقير وخليك على قلب واحد معاهم عشان ماينجرفون وينحرفون
والله القصص اللي قراتها فيه منهم يرمي اللوم عالاب وعالام وبعدهم عنهم وهم اطفال وخلوهم فريسه سهله للوحوش البشريه
والله ياحريم جافاني النوم وتعبانه نفسيتي بشكل لايوصف
لاني وقفت على قصة قريب لي مو من محارمي زي كذا
انحرف لما كبر وسمح لوحش بشري يمارس فيه برضاه
وبالاخير طلع فيه احد مغتصبه وهو صغير
يعني الاساس من الصغر
اطفالكن امانه باعنقاكم
لاتسمحين له يلعب مع خاله ولا مع عمه بمفرده
ولا يروح مشاوير بقاله واي مكان مع اي احد غير والدينه
يمكن تشوفوني متشدده لكن والله الزمن هذا لاتعطين ثقتك فيه لاحد
والحذر لاينجي من القدر
لكن اعملي اللي عليك واستودعيهم الله دايم وانتبهي لهم وقومي بواجبك كامل