موضوع كاامل عن المدرسة !!

السلام عليكم و رحمه الله و بركاته
اليوم حبيت اطرح لكم موضوع عن المدرسة و يشمل 4 اشياء
1- افكار عشان تدرسين احسن
2- روتين قبل و بعد المدرسة
3- الشهرة في المدرسة و التغلب على الخجل
4- اشياء مفيدة و مهمة تحطينها في الشنطه


نبتدي باول شي ............ 1- افكار لدراسة افضل :

- اول فكره هي اذا كان عندج نقاط مثل
1- نيوترونات
2- بروتونات
3- الكترونات
جمعي اول حروف من كل كلمة و بتصير لج (( نبأ )) ، هاي الشي وايد ساعدني خصوصاً في النهائي ( جربوهااا )


- ثاني شي انج تعلقين سبورة في غرفتج و تكتبين فيها التعاريف و القوانين او اي شي لازم تحفظينه عشان كل ما تجوفين السبورة تتذكرينه و هاي يسهل لج الحفظ


- تقدرين تقطعين اوراق على شكل بطاقات و تكتبين الملاحظات المهمة او الاشياء الي المعلمه تعيد شرحها و تحطينهم في الفايل عشان وقت الامتحان ترفين المعلمة ركزت على شنو بالحصة


- اقري بصوت مرتفع خلي اذنج تسمع هل شي يخليج تفهمين و تحفظين اسرع


- درسي بمكان هادئ مافيه اصوات تلفزيون وله شي











ثانيي شي هو روتين قبل و بعد المدرسة ...
أ: الصبح : اصحي من وقت و صلي الفجر و عقب لعبي رياضة حته لو 5 دقايق بس اهم شي جسمج يتحرك عشان الدورة الدموية تتحرك و تصيرين نشيطة :a_smil08: عقب اخذي شور و لبشي ملابسك و تجهزي و اكلي الريوق مثل ( توست ، فاكهة ، حليب ) او ( سندويش مارتديلا مكون من خس و جبن و ماينز و المرتديلا اكيد و شربي معاه عصير طازج او عصير مراعي ) .. توكلي على الله و روحي المدرسة ههع


ب: بعد المدرسة : اخذي شور و تغدي عقب ارتاحي شوي بس مو ترقدييييين ، عقب حضري دروسج و حلي الواجبات و سوي بحوثج اذا عندج و عققب بكون عندج وقت تسوين الي تبين يفضل انج تقرين و تثقفين روحج و نامي من وققت .





ثااااااالث شي وايد بنات يبونه و هو الشهرة في المدرسة :


الشهرة شي حلو و يخلي لج ذكريات وايد ... اكثر البنات يتمنون الشهرة لاكن يقولون مستحيل لاكن انا اقوول مافي شي مستحيل ( never say never ) .. انتي تقدرين بس ما تعرفين اشلون تبتدين ، ابتدي من صفج و من بنات صفج و معلماتج
- شاركي في الصف وايد حتة لو مو متأكده من اجابتج
- سالفي مع البنات و فتحي مواضيع و طرحي عليهم افكار جديدة و قولي رايج في كل شي و كوني صريحه .
- عقب كل هاي حاولي تكونين مجموعتج الخاصة من 4 او 3 بنات الي يكونون معاج دايماً ، سالفي وياهم قولي لهم ذكرياتج و اشياء تضحك و سالفي وياهم عن الشي الي يحبونه مو تسالفين معاهم عن شي ما يهتمون له .
- حطي عينج بعين الي يكلمج الان هاي الشي مهم



الحين بنات صفج حبووج بس ما يعرفونج الي بالصفوف الباقي !!! شي سهل !
- نبتدي بشكلج : خلج مرتبه و كل يوم تسريه غير و ريحتج حلوة و بشرتج صافيية و مشيتج هادئة .
لا تحطين مكياج في المدرسة بس مسكرة و مرطب .
- الحذاء لا تلبسين اللوان اوفر ترة مو حلو والله لبسي لون حلو و هاااااادئ ( بيج ، رصاصي ، ابيض ، اسود ، بني ، بطيخي فاتتتتتح )



عقب اذا كلموج بلاحظون اخلاقج : خلج طيبة و تاخذين و تعطين في الكلام و خلج مستمعه
لا تحاولين تتلصقين في البنات خلهم اهمة يتمنون صداقتج ! :)

شاركي في نشاطات مدرسية مثل ( الاذاعة ) و رشحي نفسج في المجلس الطلابي و شاركي في مسرحيات و بيني مواهبج مثلاً شاركي في فريق الجمباز ، السلة ، القدم ، اليد ، تنس اي شيييي

امشي في الساحة و انتي رافعة راسج خلج واثقة ما في احد احسن من الثاني وله في احد مستواه اعلة منج .

نظمي حفلات في البيت او برع و عزمي بنات وايد عقب في المدرسة كلهم بيتكلمون عن حفلتج ان كانت حلوة و جذي

اشتري هداية تذكارية لصديقاتح ال 3 او ال 4 عشان يستانسون و يحبونج اكثر


حاولي تعرفين اشياء عن بنات وايد عشان تقولين لصديقاتج اخر الاخبار عن البنات و شنو صار


فتحي لج blog عشان الي يبي يتعرف عليج اكثر يدش موقعج و يجوف اشياء عنج .








و بس هاي الي عندي





و آخر شي شنو تحطين في شنطتج غير الادوات المدرسية و الدفاتر و الكتب :-


- معقم يد : مهم جدددددداً الان في المدرسة تلمسين وايد اشياء ف يدج بصير فيها وايد جراثيم .
- كريم صغير : ساعات اذا وصلتي المدرسة و طلعتي في الشمس تلاحظين ان في مناطق نسيتي تحطين فيها كريم .
- اوراق ديتول للوجه
- كلينكس
- نقود احتياطية
- عطر
- ديودرنت
مرطب للفم
- دفتر نوت زيادة الان ساعات بنات يبون رقمج او التويتر مالج او اي شي ف يكون عندج نوت
- اقلام احتيااااط ساعات ننسة المغلمة في البيت و نتووهق ههههه




و بس كملت هاي الي ندي و الي عندها شي زيادة تقول و تفاعلو وياي الان تعبت و انا اكتتب الموضوع و افككككر ❤❤❤❤❤❤ ( ناطرتكككككككم ) ❤❤❤❤❤❤❤