موضوع كاثر هاليومين

السلام
لاحظت يابنات كاثره مواضيع
التسخط على الشكل والله اليوم
شفت هنا موضوعين
اللي تقول انا شينه
واللي تقول زوجي مايحبني مع بنات الليل
حقت الحرام ويقول عني ناقه ومنهبل وراء جمالهم
واللي تقول شكلي غير عن خواتي
ماحد متزوجني او اذا تزوجت زوجي
ماراح ينجذب لي كثير كثير مواضيع
صايره كذا
اول شي احمدي الله انك بصحتك
لك بصر لك سمع لك يدين ورجلين
غيرك معاق غيرك مشوهه
ثاني شي اقسم بالله العظيم ان
الحب والزواج وخطف قلب الرجل
عممممممممره ماكان بالجمال فلنفرض ان
الجمال هو سبب التوفيق
ليه اغلب المطلقات جميلات
فلنفرض ان الجمال مهم
ليه انخانت الاميره ديانا
من زوجها مع كاميليا اللي استغفر الله
وجهها ماينطالع فيه وصرح زوجها
ان قلبه ماخطفه الا كاميليا اما ديانا ماقدر يحبها
اتمنى من كل قلبي كل وحده تروح تفتح قوقل
وتكتب ديانا وكاميليا وتشوف الفرق
ماخفتي ربي يبلاك بمرض باعاقه لما
تتسخطي ع شكلك عشان ترضين رجل او عشان يجيك خطاب
طيب بقولكم مثال انا الحين عايشه فيه
امي جدا جدا عاديه
خالتي ملكة جمال كانها تركيه
كلهم اعمارهم بالخمسينات
امي بنفسها تقول يوم كنا بالعشرينات
تعرضت لمضايقات وكلام ودق انها شينه
وخالتي ملكة جمال وان شكل خالتي فرق عن امي
جت بدويه من الباديه لبيت جدتي الله يرحمها
هالكلام قبل ٣٠ سنه
وضربت الودع لهم قالت بس بشوف
فقالت وحده من بناتك لها حظ عظيم
والثانيه بتتغربل من زوجها واحتقاره
الكل وكل الجالسين اجمعو ان امي صاحبه
الحظ الشين
وخالتي الجميله هي اللي حظها عظيم
طلع العكس يابنات
صح خالتي اخذت شخص تاجر لاكن طلقها مرتين
طلع عيونها الى اليوم
حتى الزر مايشتريه لهم يقول انتي موظفه اشتري
لك ولعيالك من فلوسك
قلبه وحياته مع البنات وحق سفر
امي اخذت ابوي صحيح مو واو تجاره
لاكن لو تبي او نبي عيونه عيونه ماقال لا
كل شهر محدد لامي مصرف ٢٠٠٠
امي قليل تطبخ عمره ماحاسبها
انا وخواتي قبل نتزوج طول وقتنا اكل مطاعم
كافيهات على حساب ابوي
سفر مايقصر علينا مره جته ترقيه وكسب
منها ٤٠٠ الف عطى امي ١٠٠ الف بحسابها ماشاء الله
كم مره نسمع من ناس ان ابوي طاير بامي
حتى وهي عجوز وحاطته خاتم
كم مره نسمع ان دايم الشينات لهم حظ لاكن
مطنشين مطنشين
اللي بوصله لكم يابنات ياللي تتسخطون
صح الحلوه يمكن يكون لها حظ
مانقول مالها حظ
لاكن مو لانك عاديه خلاص!!
تحسين ماحط يببك ماحد شايفك
ولو تزوجتي زوجك مايبيك
للعلم ترا الزوج يلتفت للشكل اول شهرين
لاكن والله والله من بعدها يبداء ينجذب للاسلوب
الكلام الحلو الاهتمام
واعرف وحده جدا عاديه وسمراء
وشعرها خشن كانه شعر افريقيه
وغير كذا مالها الا بنت وعجزت وهي تعالج ووصل
عمرها اربعين
مع كل هذا زوجها مايناااااظر غيرها
حريم الدنيا بكفه وهي بكفه
مجتمعنا صح فيه حلوين لاكن الاغلبيه
ناس عادين وعاديات حسب الوراثه وحسب البيئه
بعض الناس محسسيني اننا بروسيا جمال وشقار
وعيون ملونه ترا وربي اغلب اللي اشوفهم انا وغيري
من اقارب من صديقات من جمعات وزوجات
جمالهم متقارب لان عواملنا بيئتنا كذا
مثل ماالاجانب لهم عوامل وبيئه عيون زرق وشعور شقر وجمالهم متقارب حنا كذا بعد
انتي اهتمي بجسمك وزنك
حاولي تعرفين للمكياج اللي يناسبك
شعرك خشن سوي كيراتين
ماتبين كيراتين سوي كيرلي جدليه وفكيه
بيطلع رهيب اما احتقار شكلك وشعري فيه وفيه
ابد مو حل ترا