موضوع كتير حلو ومفيد اتفضلوا

السلام عليكم ورحمة الله و بركاته :



هلا حبيباتي كيفكن بخير انشاءالله ؟
انا قبل فترة كتبت موضوع عن العسل وكيف كان السبب بعلاج معدتي و شعري كمان و في اخوات سألوني عن طريقة علاج المعدة و الشعر مشان هيك أنا حبيت أكتب هاد الموضوع الشامل لكل شي ساويته و حسيت بتحسن كبير بكل جسمي :

كيف اتعالجت بالزبط لمعدتي بس حياتي خللي ببالك انه المعدة مستحيل اتطيب نهائي وهدا حكي الدكتور لأنه ممكن مع أي انفعال ترجع تتعب بس مع يللي رح اكتبلك يا رح تتحسن كتير و رح يخف وجعها كتيييييييييييييييييييييييييييييييير و تصير يعني كل فترة شهرين أوتلاتة لما تحسي بتعب و هاد أمر عادي لاتخافي منه .
وأهم شي انك دايما اتحاولي اتخللي أعصابك هادية والله هدوء الأعصاب بسبب راحة للجسم و خلوه من أي مرض بما فيها تساقط الشعر لأنه الحالة النفسية بتأثر عالشعر كمان , اتفضلي معي :

1- أهم شي لازم تتبعي حمية غذائية لفترة شهر تقريبا لأنه الحمية الها دور كبير بعلاج المعدة والحمية بتكون عبارة عن خضار مسلوقة خالية من الزيوت و البهارات باستثناء الملح و خالية من الحوامض بما فيها اللبن لأنه حامض و متعب للمعدة , و تحتوي كمان على فواكه بس ممنوع الفاكهة الحامضة أوكي , و ممنوع أكل الحلو أو أي شي في دسم وزيوت وقطر كلها أشياء مضرة بالمعدة حتى الجبن و اللبنة ممنوعين كمان شوفي هي حتكون فترة متعبة شوي بس لازم تستحملي مشان معدتك اتفقنا . وبعد شهر ممكن ترجعي تاكلي كل شي عادي هاد بس لالتهاب المعدة .

2- هاد الفطور و أنا صرت امشي عليه دايما حتى بعد الحمية و هو عبارة عن :
أول ماتصحي من النوم اشربي بين 3-4 كاسات ماي دافية عالريق و تضلي ساعة لاتاكلي و لاتشربي أي شي بعدها .
بعد ساعة تاكلي 3 حبات تمر و تساوي صحن كورن فليكس أو يللي أحسن منه كعك حلو وسواء أي واحد فيهن حطي معه حليب خالي الدسم وملعقة كبيرة عسل السدر الأصلي و ملعقة كبيرة حبة البركة أو يمكن في ناس يسموها الحبة السوداء , وبعدها تاكلي حبة تفاح أي نوع المهم تفاح .

3- لازم اتداومي على شرب الماي مو شرط دافي المهم يكون دافي عالريق بس , وشرب الأعشاب متل اليانسون أو البابونج أو أي شي من هادي الأعشاب بس شاي أسود أوقهوة أو نسكافيه ممنوع لأنها منبهات بدون فايدة كمان , وبالنسبة لشرب الشاي الأخضر مسموح لكن مو بعد الأكل مباشرة لأنه بيمنع امتصاص الحديد من الأكل بعد الأكل حاولي تاكلي حبة برتقال لأنها بتمتص كل الفيتامينات من الأكل و بتحفظها بالجسم .

4- الاكتار طبعا من الفواكه والخضار ونحاول نبعد عن النشويات و الدهون .

5- ناكل عدد وجبات كتيرة بكميات قليلة يعني ممكن تاكلي بين 7-8 لوجبات يوميا بس كميات كتير هي الطريقة بتساعد على تخفيف الوزن + الاستفادة الكاملة من كل وجبة و بتريح المعدة و بتساعدها عالهضم .

6- عمل تمارين استرخاء يوميا كتير مريحين وبتساعد على هدوء الأعصاب .

هاد بالنسبة للغذاء .

أما الشعر :
ازا كان جاف :
بنخلط كوب زيت من كل من ( خروع + لوز حلو + محلب ) تخلط المكونات و توضع بزجاجة عند الاستخدام يؤخذ قدر الحاجة ويخلط مع العسل ويوضع عالشعر لمدة ساعة بس .

أما لوكان دهني و خفيف :
نضع 3 ملاعق ورق شجر سدر مطحون ويذوب بالماء الى أن يصبح رغوة ويترك لينقع نص ساعة ثم يغسل به الشعر مع التدليك مدة 10 دقايق ثم يغسل الشعر بالشامبو .
وفي مراحل الشطف الأخير للشعر نذوب في كاس ماء بارد عصير نص ليمونة + ملعقة عسل أصلي كبيرة ويشطف به الشعر و نعيما .
وطبعا ماء بارد للشطف لأنه يساعد على تخفيف الدهون من الشعر .

وسلامتك و أي خدمة تانية أنا حاضرة . ويللي بدها أي شي تراسلني عالخاص .

والله هي الطريقة خف وزني و اتحسن شعري و لون بشرتي و جسمي كله و انشاءالله الكل يستفيد , و العسل كمان هو سيد الماسكات أنا بخلطه مع ليمون و بدهن فيه جسمي نضف بشرتي من الحبوب وصار لونها ممتاز , وهو كمان ازا انخلط مع الزيت أو الأثمد ساعد على علاج العين و تطويل وتكثيف الرموش .
:)