طق طق مين ؟
أنا أمك هلا يمه خير في شيء لابس بغيت اتكلم معك شوي قولي وأنا أسمعك ياميمتي
زين اتركي عنك هذا
يمه انا والابتوب مانفترق لو فرق الموت خلان هع أقول أرفقي و خلي عنك الطفاقه
اقول فلانه سمي يمه طبعا أنت ماشاء الله عليتس كبرتي واللي مثلك صاروا عندهم عيال وانت مو ناقصك شيء جمال ودلال
ايه والله صادزه بس وينه المملوح ؟
قريب أن شاء الله وش قصدك <حركات المسسلات) هذا واحد تقدم لك ويبي يخطبك وماتسمعون الا طاخ طيخ ..صوت اللاب توب
موافق موافق اركدي يابنت وراك انهبلت من سمعتيبسالفة العرس اعرفي بالاول منهو وبعدين ردي منا يعني ذا الاسبوع أخذ الرد منك ؟
وتروح ميمتي وأصك الباب واطالع في خشتي في المرايه المهم واحط ذيك الحمره اللي تشوفونها من على بعد كيلو <<ام الفقش
المهم وطبعا بعد سوعال اهل الحي كله عن الشاب المتقدم <<<هذا وبعد ماصارشيء
تمت الوافقه
المهم وجاء اليوم اللي أخذ امي على جنب واقول لها ؟؟؟؟؟ خير وش تبون كلام بيني وبين أمي هع
يعني وش بقول اكيد موافقه
يلبى قلبي مستحيه خخخالمهم بغت امي تشقق من الوناسه بس مو أكثر مني << صدق لا قالوا (هم البنات الى الممات) هع
ادري ماله دخل بس من كثر الحياء تخبصت<<<تكفين
قالت لي امي مادام انك موافقه خليني اكلم اخوك يرد عليهم ويحددون وقت يجي يشوفك و تشوفينه المهم أنا صارت عيوني كذا
المهم مالكم بالطويله صار كلام بين الكبار وتحدد اليوم وقالي أخوي يوم الأربعاء ان شاء الله بيجي بعد المغرب ويشوفك وانا كل المشاعر متلخبطه عندي فرح حزن خوف مرض ,,,,
وذيك الليله ماجآني نوم من كثر ماهوجس يآربي كيف شكله طويل قصير ابيض اسمر سمين فيه شحم هع ..حشى ذبيحه مو آدمي
المهم وتشرق شمس معلنه عن بدء يوم جديد<< هذا من السهر تالي الليالي خخخخخخخ
المهم قبل مايجي قمت أتجهز واحط ذيك الحمره <<< أمزح
عاد لبست تنوره مشجره طويله وبلوزه ساده مع خاتم ناعم واستشورت شعري وحطيت بلاشر وقلوس بس
عاد اسمع اخوي يقول هاه جاهزه وانا قلبي دوق دوق دوق < ترى مو اسم فلم رعب لا هذا صوت قلبي خخخخخ حتى قلبي مثلي مطفوق هع
واقوم و أدخل مع اخوي القى ا لمعرس<< اسفه على الخطا المطبعي توى الناس ماصار العرس
المهم والقاه واقف في نص المجلس
تهقون بغى يهون يروح <<<
وعاد أنا ماعاد تشوفوني من الخجل <<<أحلفي والله
وقال أخوي هذا فلان ويشتغل كذا وو.....
ونفس الكلام بعد له هذي فلانه باقي تدرس ووووو هذا انتم شفتم بعض
وعاد رد مني بأي وقت واستغل الفرصه وتملق فيه <<<هههه
وعلى طول عند أمي الصاله وتسالني ها وش صار ومن هالكلام .......
عاد مارديت الا ؟
يآيمه ● حبيته قلبي تعلق فيه .. زفوني ل بيته ●
عاد صار النصيب وتقوزنا وعشنا حياتنا مثل اي زوجين
قبل كل شي
- اذا تقدم لك قريب لك او ايا كان لاتوافقين الا بقناعه ولاتخلين أحد يضغط عليك هذي عشرة عمر مو يوم ولا يومين
بعض الاهالي يضغطون على البنت يقولون انتي كبرتي وماعاد أحد بيتقدم لك وينسون انها انسانه ومن حقها تختار الشخص المناسب
ولاننسى ان الرؤيه الشريعيه من سنه النبي محمد صلى الله عليه وسلم :
عن المغيرة بن شعبة قال : خطبت امرأة ، فقال رسول الله صلى الله عليه وسلم : ( أنظرت إليها ؟ ) قلت : لا ، قال : ( فانظر إليها فأنه أحرى أن يؤدم بينكما ) . وفي رواية : قال : ففعل ذلك . قال : فتزوجها فذكر من موافقتها . رواه الدارقطني 3/252 (31،32)
بعض العائلات ترفض رفضا باتا رؤية الخطيب لخطيبة وهذا غلط يعني تعرفون أنتم أكثر من الدين اقول اتركوا العادات والتقاليد عنكم في هذي المسأله ..ز
هذا كل اللي عندي عاد بعد كذا دوروكم نبغى مواقفكم وطرائفكم في هالحظات الحلوه سواء في الخطبه او الشوفه
يلا نبغى تفاعل ,,,,,,,,