موضوع لتعم الفائدة للجميع نزول المهبل

حبيباتي حبيت انقل لكم تجربتي من البدايه الى النهايه عن نزول المهبل طبعا النزول ياني من ولدت ابني الثاني لان استوي عندي عسر وضغط على المهبل أثناء الولاده والدكتوره الي ولدتني الله يسامحها كانت السبب لانها اشرفت علي بطريقه غير صحيحه وبشهادة الجميع المهم عكب ولادتي وأنا بالنفاس حسيت بألم اسفل بطني وبمنطقه المهبل احساس ضغط شديد وكانه أبغى اولد لاكن ماهتميت بالموضوع لان ضنيت الموضوع عادي لاكن طلعت من النفاس وكنت ايلس بالحمام أكرمكم الله وبطالع شي يشبه البيضه او اللسان خارج عن المهبل أضافه الى الالم المستمر والضغط في منطقه المهبل والحوض والظهر اقسم بالله ما قدر أوقف لفتره ولاامشي لان بحس أحشائي بتطلع لبره الى ان رحت الى الدكتوره وفحصتني خبرتني ان عندي هبوط بالمهبل ليس بالبسيط واحتاج الى عمليه جراحية كانت صدمتي كبيره انا بخاف من العمليات خبرت زوجي نصحني بناخذ رأي دكتوراه ثانيه وفعلا أخذت رأي 3 دكتوراه وكلهم اجمعوا على العمليه لاعاده وتثبيت المهبل بمكانه طبعا لي قريبه لي نصحتني معاملها لان نتائجها غير مضمونه بالإضافة الى الآثار الجانبيه والالتصاقات مابعد العمليه الى ان يوم من الأيام. ربي هداني الى دكتوره قليل بحقها اكثر من رائعه اخبرتني بان اكثر من ثلثي النساء عندهم هبوط بالمهبل مابين درجه بسيطه الى شديده لاكن بعضهن لا يعرفن باصابتهن لذلك تعتبر ظاهره غير منتشرة ظاهريا فقط ونصتني الدكتوره بالتالي أعالج الإمساك فالامساك العدو اللدود لهبوط المهبل وان لاحمل أشياء ثقيله صعود ونزول الدرج أقلل منه من ابغي أنظف مثلا بامسح الغبار عن الاثاث باجلس على كرسي من أبغى اطبخ باجلس على كرسي وقدر الإمكان بنزل من وزني حتى لايستوي ضغط على البطن والحوض الشي مسافات طويله أيضاً غير جيد شغل البيت بقسمه ما بسوي دفعه وحده وخصوصا انا ما عندي شغاله وحوسه العيال وتعرفون واهم شي ممارسه تمارين كيجل بصراحه انا شفت فرق عليها لاكن قليل وخبرت الدكتوره قالت بسويلج جلسات علاج تمارين وعندي موعد معاها عكب اسبوعين وأي شي جديد بخبركم ان شاء الله خلاصه الكلام بغيت اوضحلكم الحل هو التكيف مع هبوًط المهبل صحيح كل وحده فينا عندها مسؤوليات وعيال وتنظيف ومانقدر نترك كل شي ونجلس لاكن ممكن نخفف الضغط على نفسنا اتمنى من كل وحده تدخل وتستفيد تدعو لي ولعيالي شاكره لكم