السلام عليكم ورحمة الله وبركاته ...
الكل لاحظ بالفتره الاخيره كيف الكل يعاني ماديا .. وان الراتب يادوب يكفي للنص الشهر ..
وان كثير من الشباب و البنات تأخرو بالزواج بسبب قلة المادة و متطلبات الحياة ..
فا من خلال قرائتي لمواضيع الاخوات .. و سواليف البنات ..
لاحظت الاتى :-
المهر يكون مبلغ وقدره .. يعني من 30الف الى 100الف ..
الشبكة حوالي 40 الف .. الهدايا ..
حفلة الزواج (بمبااااالغ وقدرها ... )
وغير السفر بالقليل اسبوعين ...
ايجار شقة ...
مفروشات البيت ..
بالله واحد راتبه 4000 كييييف يجمع كل هذا ؟ و اذا جمع يروح هباء منثور خلال اسبوع ..
يابنات اصحو شوي .. بلا تبذير بشي على قل سنع ...
الحين لما تصرفين مهرك كاااامل على ملابس / جزم / شنطة : ...
انتي طالعه من بيت اهلك (عريانه ) ماعندك ملابس ؟
اشتري بس بالعقل يعني 5قطع .. لان السوق ماراح يتقفل ابببد .. والبضاعة تجدد وكثير ملابس تشترونها واخرها تنرمي وهي جديده (لان يا انك نحفتي / سمنتي ..)
والمكياج:
ليه كل هذه الكميات ؟ هل معقوله كل يوم بتصبغين وجهك فيهم ؟ اشتري المكياج اللي دايم تستعملينه ..و اذا كان حقك مخلص .. لان المكياج ترا له فتره صلاحية وبعدها يخرب فا حرام ..
العطورات :
تشترين كم قارورة عطر ليييه ؟ اشتري 3 واحد يومي و 1 او 2 للسهرات والحفلات ... لان العطور تتبخر وتخرب ريحتها .. لان لها طريقة خاصة للتخزين ...
يعني بدال ماتبذرين فلوس قبل الزواج كله وبعدين لما تسافرين تبين تلقين شي احلى تقولين له اشتر لي .. وفري واشتري بعدين ( اذا كان له داعي يعني ) ...
طيب نجي لحفلة الزواج :
ليييه كل التبذير هذا ؟ خلاص يكون مختصر او اذا جيتي من السفر يكون حفل استقبال مره وحده ..
لان مهما حطيتو ووسويتو بالحفل بيجي احد ينتقد .. وبتقولين الحفلة لي ؟ مين قال انتي بتجلسين ساعه ساعة ونص او ساعتين والباقي المعازيم .. محد كلفك وكلف زوجك تصرفين على الناس ..
تبين تستانسين لما ترجعين تسوين حفلة استقبال وبتكون لك لان بتجلسين من اول الحفلة للاخر ...
بدال التبذير هذا كله .. بكل مهرك و الشبكة ..الخ
احفظي فلوسك .. وجمعيه لبعدين مو بعد فترة تقولين لزوجك عطني فلوس ...
وش قواية الوجه اللي يعطيك حوالي 100الف وتصرفينهم على امور سخيفة وبعدين تبين زياده عشان الامور المهمه ..؟؟
بدال ماتصرفين كذا اجميعهم ( لاتحرمين نفسك من شي بس بالمعقول) وحطي لك ارض اكتبيها بأسمك ..
وتشاركي مع زوجك مع مكتب مقاولات بالاقساط ابنو لكم بيت ولعيالكم و اكتبوه بأسمك واسمه (يعني اذا مشاركه الفلوس ) << الحق حق ..
لو سمحتو بنات .. فكرو لمستقبلكم ... ترا الحياة كل مالها تصعب وتغلى ..
:biggrin:
السيدة نزيهة @alsyd_nzyh
عضوة جديدة
يلزم عليك تسجيل الدخول أولًا لكتابة تعليق.
ام شرف
•
الله يعين ويسعد كل عروووسين بحياتهم يارب :)
ياااااالله قلتي كل اللي بقلبي ربي يسعدك ويحمي المسلمين والمسلمات ويكثر ذريتنا يارب من غير شر
كلام عييين العقل وياليت كلامك يوصل للأهل تري مو إحنا يالبنات إلي نحدد المهور
يارب ترزقني إلي ببالي ولاتحرمني
يارب ترزقني إلي ببالي ولاتحرمني
يابنت الحلال خلي المعرس يجي ونتفق مايخالفيابنت الحلال خلي المعرس يجي ونتفق مايخالف
خخخخخخخخخخخ ياااقلبي الله يرزقك من جد موتيني ضحك الحين تقولين مايخالف وبكره تقولين
حررررره لو يموت
حررررره لو يموت
الصفحة الأخيرة