موضوع للتسلية والتغييير للحوامل

السلام عليكم ، كيفكم وكيف النونات ان شاء الله تماام ..
صبايا عندي موضوع خفيف نتسلى فيه خاصة للي ما باقي شيء وتولد 👶🏻👶🏻 الي هو ..
اكثر شيء اشتقتي له وانحرمتي منه وانتي حامل ..
والاشياء الي ناويه تسوينها لشكلك يعني تزبيطات دايت الخ بعد الولادة 😍




ببدء في نفسي انا وحمي شين شين شين تعذبت منه وللحين لازم غثيان الصباح 😢😢 والله اشتقت اصحى من النوم بدون ما احس بهذا الشعور اشتقت للمناسبات والزواجات والطلعات لاني بداية حملي ما كنت اقدر اطلع بسبب الوحم والحين احس شكلي ما يساععد سمرررت كثير وشكلي حوسة شعري نصة مصبوغ ونصه لا يعني احترم نفسي وما ارووح احسن وكمان اكمل تاثيث بيتي 😭😭 ما فيه الا غرف نوم من حملت معاد قدرت احط فيه شيء مالي مزاج ابد


طبعا بعد الولادة ىبعد ما اقوم بالسلامة بعون الله ناويه على اعادة تاهيل ،، اول شيء مساااااااج وحمام مغربي واكمل جلسات الليزر لاني وقفتها + الهرمونات لعبت فيني واحس الشعر صار اكثر من اول ، وبرضو تنظيف بشرة وارجع استخدم قوالب تبييض الاسنان


في الاخير بعد هالقرق عندي سؤال عن افضل مشد تستخدمونه بعد الولادة وهل تدهنين بطنك او بدون ؟
اتمنى الموضوع يعجبكم والله يقومنا وياكم بالسلامة ويرزق كل متمنية ياارب ❤❤