موضوع للنقاش ،، تغيير الشخصية عبر النت

والله كلامج صح

بس الحين وبعد انتشار البلوتوث وكثرت الفضايح عليه

البنات قاموا يخافون

مو مثل اول

بس في بنات للحين ما يعرفون الصح من الغلط

تدرين ان في بنت مرسله صورتها حق اخوي بالماسنجر علشان يشوفها
وقايلته عن كل شي عنها وين تدرس ووين بيتهم وجم عمرها
وكل شي

وفي بنات الله لا يراويكم بس

صديق اخوي مصور اهو مع خالته في مجله
ورايحه بنت وناشره هالصوره ومعاها كذا صوره مع انها ما تعرفهم ولا يعرفونها بس كذا حب تسليه
وخالة الولد ماقامت تطلع من البيت بسبب هالسالفه
والولد وصل للبنت اللي انشرت الصوره وصارت بينهم مخافر وقضايا

يعني مو كل بنت مظلومه

في بنات الله يستر عليهم اهم اللي يجيبون المشاكل لانفسهم

هلااااااااا اختي عشق 23 ،،

تسلمين على مشاركتك في الموضوع ..

هذا اللي المفروض يصير انه يخافون ويصير الواحد حذر لا يندم طول عمره .. وفعلا

بناااااااااااااااات كثير للحين ما يعرفون الصح من الغلط .. وهذا لقلة الوعي ..

مثل هالبنت اللي ارسلت لخوك صورها وقالت له كل شي عنها .. كثير مثل هالبنت اتبعوا

نفس الطريقه وما نتج عنها غير الفضايح اعوذ بالله ..

ومثل ما قلتي البنات بعد ما يقصرون يتسلون باعراض الناس وما دروا انه ( كما تدين تدان )

الدنيا دواره يا اختي ..

الله يستر على الجميع من هالنت .. لازم الواحد يكون حذر حتى لا الندم ياكل فيه اكل ..:(






يالله اخواتي ننتظر مشاركتكم في ابداء رايكم او تجاربكم او تجارب غيركم ..:time:

فعلا موضوع مهم..

اختي حتى شخصيات الناس بالمنتديات غير عن الواقع..انا مااعمم

لكن كثير انا اشوفهم بالمنتديات وناخذ مسنجرات بعض..

واذا كلمتهم بالمسنجر اكتشف ان شخصية البنت غيييييييير عن المنتدى

استغرب فعلا..ماادري ليش..

يمكن كل واحد يحب يكون له عالمه الخاص في النت بعيد عن الواقع..

بس مهما حاول الناس التصنع لابد وتطلع الشخصيه الحقيقيه بكلمه او تصرف..

على العموم الله يكفينا شر النت

تسلمين ياقلبي لاعدمناك..

هلااااااااا اختي ^^مشاعل السعوديه^^ ..

مشكوررررره على مشاركتك في الموضوع ..

في اختلاف في الشخصيه بين النت والواقع .. بس ممكن يكون اختلاف بسيط وهذا يرجع

لانه الكتابه تعطيك الفرصه في التفكير والرد بشكل صحيح غير الصوت لانه يكون مباشر

وهذا شي طبيعي اذا كان الاختلاف في الاسلوب فقط ..

لكن

اللي اقصده انه في منهم يقول انا من عائله فلان انا جميل ووسيم انا وانا وانا وانا بالاخر

يطلع ولا شي يعنى عكس بكل كل شي .. هذا اللي ما هو طبيعي ابدا ولا يتعذر له ابدا ابدا ..

والمشكله النت يسهل جدا الخداع واختلاق الشخصيه المرغوب فيها او اللي بيحلم فيها ..

ليش الواحد ما يكون صريح اذا كانت فعلا النيه سليمه من البدايه .. بس هذا طبعا يرجع

لــ نقص وقلة ثقه وخياااااااااااااااااااااااااااااال واسع ..


الله يهدي الجميع ..

:27:

معليش اختي بنت ادم..

رجعت لموضوعك لأني تذكرت موقف حصل لي في النت..

تمنيت ان الارض تنشق وتبلعني..

شوفوا قصتي للعظه والعبره..

كنت مشتركه بأحد المنتديات..(مو عالم حواء والله)..

المهم كان فيه مجموعة طيبه من البنات وتعرفنا على بعض..

بعض العضوات تبادلوا المسنجر..

واحده منهم ارسلت لي رساله خاصه وكتبت ايميلها وطلبت اني اضيفها..

انا اضفتها..وكانت بنت جدا هادئه في المنتدى..

المهم سولفنا مع بعض واستمرينا نسولف بالمسنجر حوالي 6 او 7شهور..

وكلها سواليف عاديه..سواليف بنات..

يوم من الأيام قالت لي الاخت..مشاعل عندك أحد؟؟

قلت لا ليش؟ قالت بس ابي اشغل الكاميرا..

قلت لها لايابنت الحلال لاتشغلينها..ليش تشترينها من الاساس؟؟

واقعد اسوي موعظه..قالت لي الا ابشغلها واصرت..بس بشرط مااحد يشوفها الا انا..

قلت لها اكيد..انا بنت واخاف على نفسي فأكيد ابخاف على بنت الناس..

المهم شغلت الكام..تدرون وش اول شي شفته؟؟!!!

شي احمر....!!!!!!!!!!! تخيلوا وشوووووو؟؟؟؟؟

شمااااااااااااااااااغ...!!!!!!!!!!!!:29: :06:

شوي شوي بدأت تبين الملامح..وجه رجااااااااااااااال...:06:

انا والله تمنيت الارض تنشق وتبلعني..سكت ماعاد رديت ماقدرت اقول شي..

قلت الحين انتِ ولد؟؟؟؟

قالت ايه والله..بس ترا مو قصدي العب عليك..

انا سكرت النت وانقهرت وعصبت والله بغيت اعتزل النت بسبب هالموضوع..

ضاااااااااااق صدري..وقعدت الوم نفسي واقول انا غبيه شلون ماانتبهت؟؟!!!

..بس بعدين تذكرت الحمدلله انا مااعطيته اي معلومات شخصيه..

بس والله والله والله انه كان ضابط الدور كأنه بنت حتى الطبخ يتكلم فيه..

المهم حذفته لابارك الله فيه..وحررررررررررمت ماعاد اعطي احد مسنجري الا اهلي..