موضوع للنقاش... راتب الزوجة و الزوج

انا موظفة ومو متزوجة لكن اشوف ان الزوجة تساهم بالمصاريف وأول شي تشيل مصروف نفسها وتساعد بالبيت بشكل اقل من الرجال يعني ليش الوحدة متوظفة وتتحمل الكرف مو عشان ترفه عن نفسها وتعيش براحة اجل وش فايدة الفلوس

أختي انا معك تشيل مصروف نفسها وترفهه عن نفسها لكن لا اظن ان فيه شي يرغمها على انها تصرف على البيت من فواتير ومصرف طعام او اجار انا هذا قصدي

لا مايجبرها هو المسئول عنها وعن بيته وعياله

راتبها لها هي بس

أما يعتمد عليها كلياً بحجة المساعده

وكل راتبها يطير علشان حضرة جنابه وهو يجمع راتبه ويرفه نفسه بس

وزوجته تصرف على البيت مايصير

المرأة ليست مكلوفه بالنفقه على البيت والاولاد والقوامه للذكر وليست للأنثى ,, يعنى ان شاء الله تكون مليارديره وهو منتف ريشه مايحق لها تصرف ,, صحيح انها تشتغل وتتعب ويمشي لها راتب لكن هذي حريتها الشخصيه يعني تجمعه ولا تصرفه هذا شي راجع لها والزوج ماله دخل ولا يحق له التدخل في راتبها وقبل هذا كله تتخيل قبل تعطيه وش راح يسوي فيه المسأله ماهي لعب ,, مو تعطينه وفلوسك ماتدرين وين تطير وبالأخير تعضين أصابع الندم وتجرين أذيال الخيبه,, قالك محتاج فواتير مصاريف ووو مدري أيش قولي ربي ماضيق على أحد رح تسلف ,, وفلوسك يامزيونه أستانسي فيها أنتي وعيالك ابني لك مسجد وحطي لك وقف ولا مشروع خيري أحسن لك دين ودنيا وعيالك بعد لاتحرمينهم وتضيقين عليهم عطيهم واشتري لهم بس بحدووووووووووود لأن السي سيد موجود ومثل ماهم أولادك أولاده بعد ,, شغلي مخك وأحفظي واستثمري فلوسك بشيء ينفعك

لا مايحق له يرغمني اصرف من فلوسي الخاصه
من ناحيتي انا وزوجي هو يصرف علي انا ويصرف على عياله ويصرف على البيت 
اما راتبي ومصروف ابوي اجمعه لليوم الأسود
وبعدين الرجال الحقيقي مايرضا زوجته تصرف عليه زوجي يعصب لما يعرف اني ماخذه من فلوسي يقول خليها عندك انا قادر اصرف عليك وعلى عيالك و***** الله ماأقصر عليكم والدنيا مالها امان يمكن بعد عيني تحتاجين لها:(