سون ارسليلي رقم الحرمة واسمها على الخاص

رحيق الزهر ارسليلي رقم الحرمه لو سمحتي على الخاص
ودام زوجك يبي الناعم مو لازم تلفيه مثل اول
واعتقد انه يتلف حتى بعد ماينعم مع الرغوه

السلام عليكم ورحمه الله وبركاته

اسال الله العلي القدير ان يمن علينا جميعا بالصحه والعافيه وراحة البال

واستغفر الله لي ولكم ولآباءكم ووالدي وأزواجكم وزوجي وللمسلمين والمسلمات والمؤمنين والمؤمنات الاحياء منهم والاموات اللهم اغفر لي ولهم انك ولي ذلك والقادر عليه

طبعا بنات انا صار لي تقريبا اكثر من سنه مادخلت النت والحمدلله انا بفضل من الله بصحه وعافيه اسال الله ان يجمعني واياكم في دار كرامته ومستقر رحمه اللهم امين

قصتي مع اليوكو :11:

انا يا بنات اتكلم عن تجربه شخصيه بحته والكل عارف ان كل وحده شعرها يختلف عن غيرها بس حبيت افيدكم بالتجربه الي مريت فيها

سويت اليوكو قبل تقريبا سنه وثلاث شهور ولله الحمد كانت تجربتي ناجحه والحمدلله

اول اسبوع من سويت اليوكو كانت اطراف شعري مثل الابر وماكانت عاجبتني ابدا وكنت خايفه ان الوضع هذا يستمر على طول ولكن بعد عشر ايام فقط بدت اطراف الشعر تصير معقوله شويه وبعدها صار شكلها وايد حلو

في خلال اول خمس شهور كان صعب جدا علي اني الف شعري وللعلم بس انا ماهقيت من الله انه ينفرد :o وماكان لي اي نيه اني الفه خيرررر شررر :) عموما بعد الخمس شهور صار شعري شكله طبيعي جداااااااا جداا جدا ناعم ومفرود والاهم من كل شي بالدنيا اهو شنوووو ؟؟؟؟ مافي كشششششششششه يعني اصحا من النوم من غير ما اصيب زوجي بازمه قلبيه على الريج

الشي الوحيد يابنات الي فادني من اليوكو اهو اختفاء الاخت كشه من حياتي والى الابد
بعد مرور تسع شهور شفت ان شعري يحتاج اني ارجع اسوي له الجذور مره ثانيه ولما سويت الجذور سويتها حق النصف الامامي من الشعر فقط لا غير لان باقي الشعر ما كان يحتاج اني اسويه شكله كان في قمه التألق ولله الحمد حتى صاحبه الصالون قالت لي ماراح اسوي الشعر الي ورا بس القذله ومن فوق شويه

الحين انا صار لي اربع شهور من سويت الجذور واحتاج اني ارجع اسويها مره ثانيه خلال الايام الجايه باذن الله تعالي

كل الي احتاج له بعد الحمام اعزكم الله اهو اني احط سيرم على الشعر وانتبهو لاتحطون السيرم على الجذور لانه يسبب تساقط للشعر وبعد نسيت شغله انا استخدم بديل الزيت ( بانتين) بعد الشامبو وكان الله غفورا رحيما والى الان وانا اتمتع بشعر حرير لامع بفضل من الله سبحانه وتعالي

من تجربتي الشخصيه اقولكم

الي مسويه شعرها هاي لايت لاتسوي اليوكو لانه راح تخسر شعرها لازم تقصون الشعر الي عليه الصبغ
والي تبي تسوي اليوكو لازم تبتعد عن الحنه قبل ماتسوي اليوكو وطبعا بعد اليوكو مافي حنه نهاااااااائيا انسوها
قصي اطراف الشعر بين فتره وفتره علشان تحافظين على نظاره الشعر والقص يكون شي بسيييييييط جدااا تقريبا اثنين ملي بس واذا شفتو ان الشعر مايحتاج لانكم تقصون اطرافه لاتقصونه خلوه
انا كان شعري ما يطول قبل اليوكو بعد ماسويت اليوكو تبارك الرحمن صار يطول احسن من قبل

كل الي اقدر اقوله ان الي بتسوي شعرها يوكو لا تتردد والاستخاره واجبه طبعا وباذن الله بيصير الشعر وايد حلو

الشي الوحيد الي ماعجبني باليوكو اهو اني لما حبيت اصبغ شعري لون فاتح ماقدرت لان طبيعه شعري لونه اسووووود غامج جدا ومع اليوكو صار اصعب يعني الوان البني والاشقر ما تنفع مع شعري بسبب اليوكو ولا اقدر اصبغ شعري الا بدرجات الاحمر فقط

وفي شغله اقولها لكم للامانه

انا طبعا شعري كان مفرود من قبل بس الكشه كانت مشكلتي اقصد ان شعري كان ينفش بسرعه بسبب وبدون سبب لكن بعد اليوكو جذور الشعر الي تنبت من جديد تكون متعرجه حييييييل يعني شعري صار فيه ردات قويه من الجذور والشي هذا ماكان موجود من قبل واقدر اقول ان هذي حاله خاصه فيني انا بس لان صديقاتي الي سوو اليوكو معاي ما عندهم هذي المشكله مع العلم ان اهم الي شعرهم كان مجعد مو انا :06:

انا اسفه اني طولت عليكم بالكلام بس حبيت اعرض عليكم مشاركتي بعد طول غياب

عموما خواتي ترى مهم جدا الشخص الي يسوي اليوكو يكون عنده خبره ومثل مانتو عارفين نظام اليوكو جديد والممارسات لهذه الخدمه يحتاجون لخبره علشان يقدرون يعطونكم نتائج مرضيه فابحثو عن الي تعرف شلون تستخدم النظام صح وبدرايه علشان تستفيدون لان بعض العاملات الله يجازهم خير يتركون مواد التمليس مالت اليوكو على الاقل اكثر من اللازم او العكس اقل مما يجب علشان جذي مايضبط معاهم اليوكو

اسفه مره ثانيه على الاطاله واي سؤال انا بالخدمه

اختكم ام طيبه

ام طيبه الله يعطيكي العافيه على المعلومات

om 6yba 7bibty wen 9l7ty al yuko???wo km '7do 3ala sh3rak wo lma raj3ty t9l7y aljzor kam '7zo 3aleeha..,shokran 7bibty 3ala m3lomatk al wafya.:27: :26: