موضوع للي ماتحب كثر الطلبات والاوامر في ايام الدوره ..

مرحبا بنات وحريم :

بصراحة يابنات قريت مواضيع كثيره عن النظافه في الحيض وكيف المحافظه

على نفسك في هاذي الفتره واحس انها طلبات كثيره واكيييييييييد فيه حريم

وبنات مثلي كثييييييييييير عجازات في كثر الخرابيط بس انا بقول لكم على

طريقتي اللي انا معتاده عليها والاحظ ابو الشباب منبسط عليها بدون دوشة مخ

المهم :

اول ما اصحى من النوم اشرب كوب كمون مع شوي سكر علشان استسيغه على

الصبح .. وللي بتقول يوووووه هاذي تقوم الصبح بقول لها على الريق متى

ما قمتي اشربيه :D

وانا ولله ماني راعية فطور بس احاول اكل شي بسيط ولو بسكوت بعد الكمون

علشان ما اخلي بطني فاضي في هاذي الفتره وصدقوني تراني ادق في الاكل

في هاذي الفتره علشان اقوى واهم شي ادق فيه التمر ركزوووو على التمر

ومع الاكل احط فلفل اسود مطحون لأنه يابنات فائدته كبيره في شد الرحم

ولما اجي اقهوي زوجي اشرب قهوه عادي بس اكثر من اكل التمر ولما

اعطيه الشاهي اشرب بدالة الدارسين يعني ما اغصب نفسي على كوب ولا

كوبين لا اسوي بريق شاي وبريق دارسين ويالله هات يا دارسين , طبعا مع سكر

ولما اجي انام استعمل التحاميل الطبيعيه امي تسويها لي بس مكوناتها ماني

عارفتها زين , وولله يابنات انها وانتو بكرامه تسوي الهوايل لما تطلع اللي في

الرحم وانتو بكرامه .. وبالنسبة للنظافه وللي يتشكون من الترويش وما يستحملون

الوساخة .. احب اقول لكم ترى كلنا ما نستحمل الوساخة في اليوم العادي كيف

في فترة مثل هاذي ,, واستغني عن الترويش بأني اسوي نفس الوضوء حق

الصلاة بس استثني منه المنطقة الحساسة .. بأني اجيب قطن واغمسة في

ماء دافي ممكن تضيفو معه شوية مطهرات خاصه بهاذي المنطقة واللي ما

عندها تحط شوي ملح قلت شوووووي مو تكبون العلبة كلها .. واللي عجازه

حيييييل تكتفي بالماء الدافيء ,, وبالنسبة للأماكن الثانيه للي يكون فيها تعرق

امسح بقطن واحط مستحضرات عن الرائحه والعرق , ولله يابنات ان ابو

الشباااااااب بعد كل دوره

يجلس يفحط عندي ويقولي انتي اش تسوين :D

وفي الايام العادية احاول اني ما اخلي الاسبوع يمررررر بدون شرب كمون

او دارسين او حتى اني اضيف فلفل اسود في الاكل .. وتسلموووون على

المرور مقدماً :27: