موضوع لنقاش لكل اللي حلمت تسافر برى وسافرت 0000بس بعد ايش

لابغينا نسافر نكون قبلها مسويين جمعية نخليها حق التذاكر والمصاريف
والسكن غالبا ندفعه عن طريق الفيزا
وطبعا عيالي معايا مع انه عندي اهلي واهله لكن لا أنا ولا ابوهم نرضى نخليهم ونروح
انا ابغى اسافر وبالي مرتاح لاخليتهم من وين اجيب الراحة وانا طول الوقت أفكر فيهم
صحيح يتعبوا شوية لكن والله لما تشوفيهم مبسوطين بالسفر وكيف يقعدوا يحكوا عن سفراتهم تنسي التعب

مشكورة حبيبتي على المشاركة
انا اقول العيال لان عيالي صغار كلهم اكبرهم في ثاني واصغرهم في الطريق وكلهم 4

تاخذين اللي بالشهر علشان تحطين عيالك؟؟؟؟؟؟؟؟ ليه مالهم حق ينبسطون بهالسفر
تأكدي ان عيالك لو وين حطيتيهم ماراح يرتاحون مثل مايرتاحون معكم وقمة الانانيه اني اسافر وانبسط وعيالي ينحرمون علشان زيادة مصاريف

شوفي حبيبتي
اول شي حددي الدولة اللي تناسبج انتي واعيالج وتقدرين على مصاريفها

وحددي ميزانيتها من كله

وبعدها جمعي


من اليوم
يا تدشين جمعية واهي انسب طريقة


وانا من رايي على طول وفري تعودي على التوفير وتجميع الفلوس وكل ما بخاطرج سفرة طيري

الله يوفقكم جميعا على نصايحكم
وام فيصل الديون اللي عليه احسها ظروريه اول شي ديون الزواج ويوم خلصنا بدينا بديون البيت شرينا بيت اقساط وقسط سيارة علشان يدفع دفعه اولى للبنك اللي بيشتري البيت تجمعت الديون ولا انا ما اخليه يتدين على اشياء فاضيه

ومن ناحية انو الواحد ما يسافر الا وهو خالص ديونه هذي نظريتي من زمان بس كأني غيرتها من كم يوم
لان زوجي قاعد يخطط اذا بعد 10 سنوات خلصنا من ديون البيت بشتري ارض بالتقسيط وعرفت ان السالفة خربانه خربانه ابغى اسافر ولو مره عن شفقتي على السفر


وانو فيه امكانية ناخذ من الراتب حاليا ما اعتقد لان عطلتنا مدري وش تحس به تعرفين الاجازة ومصاريفها والزواجات خلصنا جاء مقاضي رمضان وبعدها مقاضي العيد وبعدها المدارس تفتح وبعدها بولد مافيه امكانية الا بجمعية ممكن

ومن ناحية الصرف والبعزأة على قولتك انا اكبر المعارضين على اللي يروح يسافر يوسع صدرة ومايخلون شي في السفرة ما يشترونه الفلوس اللي بتشترين فيها ملابس وخرابيط مالها لزوم علشان تقولين شريت من المكان الفلاني خليها تمددون فيها السفر اسبوع او اثنين
يعني موفره من الناحية هذي

ومن ناحية عيالي فهم اشقياء اولا هذا اللي يخليني افكر ما اخذهم معي ولا انا ودي بهم لاني اذا راحو يومين عند اهلي فقدتهم وجلست ابكي على فراقهم فوشلون لو رحت اسبوع او اثنين ومعهم رضيع بعد
والشي الثاني المصاريف لاني مثل ماقلت لكم اني بروح عن شفقتي لسفرة بس لو اسبوع وارجع
بس كأنكم حسفتوني على اني ما افكر اخذ عيالي معي