موضوع متجدد لإستفساراتكن والطبيبة الفاضلة /عـلا أحـــمد

السلام عليكم ورحمة الله وبركاته مبروك الملف الجديد ..

حابه يا دكتوره اسئل انا طفلي الحين شهرين ونصف .. هل كميه الحليب الي ياخذها وهو شهر ونصف نفس الآن ؟؟ او احاول اعطيه اكثر
لان له شهرالآن على نفس الكميه ..؟؟ 140 ملل كل 3 ساعات .. وجربت حطيت له اكثر ما شرب الا نفس الكميه المعتاده ؟؟

متى المفروض احاول اعطيه اكثر؟؟؟ وهل احاول اخليها كل اربع ساعات بدل 3؟ والاحظ انه يبكي كثير ولا يرضى يشرب الماء ؟ ومزاجي جدا...

والله عطيك الف الف عافيه

السلام عليكم ورحمه الله وبركاته
مرحبا دكتوره حابه اسأل عن الرضاعه الطبيعيه انا كنت ارضع ثلاث شهور وبعدين وقفت شهر ماقدرت لاني كنت مسافره اقدر ارجع الحين ارضع والا خطير لاني سمعت ان حليب الام ينشف بعد ثلاث اسابيع
وش الخطوات الي اعملها عشان ارجع ارضع طبيعي
ردي علي الله يسعدك ويكتب لك الاجر ياارب ضررروري محتاجه الرد

هلا دكتورة

انا عندي استفسار صغير

انا عندي توم وما رضعتهم من الشهر الثالث وجف الحليب عندي

بس اطفالي الحين في الشهر الثامن

مشكلتي جاتلي الدوره وتوني مخلصه منها اول امس واكشفت ان في حليب قاعد ينزل من صدري

ومشكلتي عندي خمول في الغده

وجزاكي الله كل خير

مرحبا دكتورة يعطيك العافيه

بنتي عمرها 5 شهور و نص

ارضعها طبيعي .. واعطيها وجبه وحده باليوم سيريلاك .. واحيانا خضار مسلوقه .. ورضعه صناعي وحده باليوم قبل النوم

وبعدها تنام 8 ساعات بدون رضاعه .. هل هذا يأثر عليها .. او يأثر على رضاعتي الطبيعيه مع العلم اني ارضعها طبيعي اثناء اليوم من 5 الى 6 مرات واحيانا اقل خمس دقائق او اكثر لكل ثدي .. ؟؟

* فيه سؤال عن الحليب الصناعي انا اعطيها سيميلاك ادفانس رقم 1 (غذاء للرضع).. وبعد كم يوم راح ابدأ بسيميلاك ادفانس رقم 2 ( حليب متابعه ) لعمر 6 شهور واكثر هل كذا صح او استمر على رقم 1 .؟؟
واذا امكن تعطيني نظام غذائي امشي عليه في تغذيتها ..


شاكره ومقدره لك جهودك .. وجزاك الله خير :)

السلام عليكم

دكتوره علا
سبق وكتبت لكي عن تطعيم بنتي لاربع شهور والتطعيم الاضافي

وسالتيني اذا طلع لبنتي حراره او طفح جلدي والحمدلله ما صارلها شئ وقتها

بس من يومين اشوف حبوبه صغييره ببطنها ورجلها وايدها كانها حراره وما اعرف هذي من التطعيم؟؟؟؟
مع ان التطعيم من قبل اسبوع تطعمت يوم 21-8-2008
واليوم 29-8

مع العلم شكل الحراره حبوب صغيره جدا ومتفرقه في اليدين بسيط مو كثير بس اكثر شئ البطن والظهر وشئ بسيط بالساق ولكن ليس بها احمرار مجرد حراره ولكن احمرارها بسيط واحس كان جلدها خشن شوي بالظهر والبطن واعلى الكتفين

هل هذا من التطعيم؟؟؟؟؟؟؟لو هو من التطعيم شو العمل؟؟ وهل ياثر عليها بشئ؟؟؟؟وماهو العلاج اللازم لاني على عجله ومسافره بعد يومين ومعقول يكون من التطعيم ومر عليه اكثر من اسبوع؟؟

هل السبب الحرر؟؟ لانها دايم تعرق واطلع بالحر لاني مضطره

هل السبب زيت جونسون للاطفال؟؟ يمكن اثر مع حرارة الجو

هل السبب اني ما حممتها؟؟ لاني بعد التطعيم اخاف احممها

هل هو تحسس من صفار البيض؟؟؟ لان قربتي اعطتها صفار بيضه لحستها شوي منها هي مسلوقه ولكن سلق خفيف يعني صفار بيضه ناعمه شوي وعجبها البنت هل منه؟؟؟

هل هو تحسس من الحليب؟؟

دكتوره افيديني انا في حال ما يعلم فيه الا الله وبس ابكي اخاف اكون تسببت بشئ لبنتي وانا على سفر وما اعرف اروح لمين

دكتوره انا حممتها و مسحت على جسمها بالكريم بيبناثين BEPANTHENاللي اشوفه للاطفال بالدعايات صرفه لها الدكتور زمان وهي صغيره لان كان عندها حراره بوجهها ومن انولدت كان دايم تطلعلها حراره بوجهها بس وقتها ما لاحظت جسمها

مع العلم هي الحين بدات تسنن ...عمرها خمس شهور بالظبط

اتتتتتتتتتتتتتتتمنى تفيديني
جزاكي الله كل خير
يارب اسمع منك كل خير فانا على اعصابي