تكون حرارته طبيعيه واي احد يشيله يقول ولدك مسخن بس اكثر شي رجلينه ويدينه حتى ما اغطيه وهو نايم والجو يكون بارد

السلام غليكم دكتوره
شريت الفيتامين اللي وصيتي عليه لكن كم اعطيها ؟؟
وبستمر بحليبها الى تكمل ال12 شهر
بسالك دكتوره بنتي عندها حساسيه من صفار البيض
وناويه احاول لها على بداية السنه باذن الله لعل وعسى
لكن وش اعطيها فطور يوميا ؟؟ بعض الاحيان اعطيها نص علبة زبادي مع 3 تمرات رطب واخلطها بنص ملعقه صغيره سمسم واحط قطعه صغيره خبز << وش رايك زين وش اضيف عليه ؟ <ودي تاكل علبه كامله من الزبادي لكنها ترفض ما تكملها شهيتها قليله حتى لو انتظرت فتره بعد ما تصحى
وبالنسبه للفواكه اعطيها اياه اكل ما اعطيها عصير
العدس والفول متى ابدا لها فيه ؟
وعادي اعطيها حبوب زي الكورن فليكس مع حليبها الخاص او لبن ؟؟

بس دكتورة اضل تبكي الا تنام الضهر

وبالنسبة للوزن وزنها 9 وعمرها سنة وثلاثة اشهر هل هو طبيعي وماتحب الحليب

بنتي عمرها ثمان شهور و نصف
عندها بلغم وكحه
عندي ريناثول وبسلوفون نقاط
وش اعطيها وكم الجرعه

السلام عليكم
يا دكتورة انا طفلي عمره سنة واربعة اشهر وزنه ضعيف الآن 8 كيلو مشي على سنة وثلاثة اشهر والحمد لله يفهم ويلعب واحسه طبيعي بس معاناتي مع الوزن واحس مناعته شوي ضيعفة واظافيره تتكسر بسرعة رغم اني اقصها باستمرار
عند الولادة كان وزنه 2,700 ورضاعته طبيعي ما اعطيته حليب والحمد لله تحسن وزنه بس كان يعاني من انتفاخ استمر معاه تقريبا الى الشهر الخامس وكان وزنه حلو طبيعي للي في عمره اعطاه الدكتور الجرعة الاولى من الروتا وصار معاه اسهال لمدة شهر وبعدين صارت ترتفع درجة حرارته ويفضل يبكي طول الليل لمدة اسبوع بعدين وصف له طبيب آخر جزاه الله خير مطهر للامعاء هو اميرزول والحمد لله وقف الاسهال وكان عمره ستة اشهر وبعدها جلس لمدة شهر لايتبرز الا مرة واحدة في الاسبوع بعدين شوي شوي صار طبيعي مع العلم ان كنت ارضعه طبيعي فقط مع اضافة بعض الوجبات الخفيفة مثل بلفيت بلس والمهلبية وحاولت اعطيه حليب بس ما رضي يأخذة رغم محاولتي لفترة طويلة وبمختلف الطرق وكان وزنه عند سبعة اشهر 7,800 بعدين لاحظت وزنه ينزل وحسيته ضعف وديته للدكتور ولقيت وزنه 7,200 وكان عمره تسعة اشهر وعمل له الدكتور تحاليل عشان يتأكد وقال عنده نقص في الحديد واملاح في البول وتخمر في البراز وكتب له كالسيوم وفيتامينات وزدت انا في طعامه وكنت اراجع الدكتور عشان يتابعه لمدة ثلاثة اشهر ولكن ما تحسن وزنه ما زاد عن 7,400 وينزل ويطلع شوية وطلب من الدكتور تحليل للغدة الدرقية وطلع عنده ارتفاع قليل في الهرمون (FT3 =7.66 والطبيعي = 7.10 )
وقال الدكتور يمكن هذا بنيان جسمه الارتفاع طفيف وما يحتاج علاج وطبيب آخر قال نعيد له التحليل بعد شهر لنتأكد وان كانت نفس النتيجة نعالجه وقال انه عشان كذا مايستفيد من غذائه ويحترق بسرعة فمايسمن ونحن الآن لم نعد له التحليل وخايفين عليه بصراحة ويكون الآمر اكثر من حكاية نقصان للوزن فماذا تنصحيننا مع العلم انه الان يأكل معانا واطعمه وجبات خاصة فيه وأسنانه ايضا متعبته فزادت الطين بله ووزنه من عشرة اشهر يتراوح مابين 7,200 و8,200
والآن انا اعطيه فيتامينات (هايبول اوميغا 3) من اسبوع تقريبا
وهل تعتقدين ان السبب من الروتا مع العلم ان اعطيناه الجرعة الاولى فقط وبصراحة ندمنا عليها
وآسفة جدا على الاطالة