السلام عليكم ورحمة الله وبركاته
بسم الله الرحمان الرحيم
هذا الموضوع جبته لكم من منتدى جدا جدا رائع استفيدوا منه مثل ما استفدت XXXX
الله يجزيها خير ويعطيها العافية ....
الجزء الاول:
((أول موضوع لي اطرحه بالمنتدى أتمنى إن الفائدة تعم للكل و أي استفسار أنا حاضرة من عيوني الثنتين ^^ و إذا كلامي مو واضح خبروني
الموضوع كلـــــه من مجهودي الشخصي و اللي طرحته من زماان في منتدى و استفادو منه واايد بنات و اتمنى يفيدكم انتو بعد
حبوووووبات اتمنى اني ما أكون ثقيلة على أحـد ^_^ و أكون اخت عزيزة و غالية عليكم
بطرح تجاربي و بضيف نقاط مهمة بعض البنات تغاضوا عنها و افتح عيونهم على اشيا كثيرة
و هالموضوع بيكون منوع ^_^ و متجدد
المهم
قبل لا أبدأ ,, شكلي بنطق من البربرة
مابي تاخذون كلامي كحديث رسمي أو ممل !
لأن اللي ما بتحط الموضوع بعين الاعتبار ما بتستفيد من شي
ببلش في شروط هالموضوع
ما أقبل أي بنت في قاموسها كلمة مستحيـــــل
و اللي هالكلمة في قاموسها و تتداولها في حياتها تمسحها الحيـن الحين الحين من قاموسها .. لا تقولي عقب !
أكره كلمة مستحيل !!!
مستحيل أتغير !
مستحيل أتعدل !
مستحيل أصير رشيقة !
و أمنيتي مستحيلة !
و خلاص أنا كبرت فالسن ! مستحيل أغير من نفسي في هالسن !
و مستحيل أصير رشيقة بعد ما وزني تعدا ال100 !
كلمة (مستحيل) تغلي دمـي و ترفع ضغطي و تجيبلي السكري !!
يا بنااات يا حبايبي يا أصحاب كلمة مستحيل !!
حطي في بالج نقطة وحدة مهمـــــــة ..
إن الفرق بين اللي حققو اللي يبونه و صار اللي يتمنونه و بين اللي يطالعونهم بحسرة و ما أنجزو ربع اللي يتمنونه
نقطــــــــة وحدة مهمـــــــــــــــــــة و حطوها في بالكم عـــــدل
اللي هو
كلاام ربج !
كلام اللي خلقج و كونج و رحمج !
لما قال الله بكل رحـمة ..
(( أنا عند ظن عبدي بي ))
حيااااااااتج يا حلوة تمشينها بظنج إنتي
إذا ظنيتي إن حياتج كلها هموم و مشاكل أو حتى كل ما كبرتي زاد وزنج و تغاضيتي أو تناسيتي إن لج رب رحيم يسمعج و إن أنعم عليج بنعم كثيرة! و القادر و مايصعب عليه شي .. أبشرج بحياااة النكد و الهم و الغم و العذااااااااااب
حبيباتي
يا جميلاتي
يا حلواتي
يا أموراتي
بعضكم يتساءلوون
ليش حياة فلانة حلوة و مرتاحة وووو رغم إنها ما تتحجب و حياتي أنا هم و نكد وووو !
يا حلواات
اهني ادري انج ما تقصدين انج تعارضين على مشيئة الله و أقدار الله !
بس مفهوم من كلامج جذيه !
و أبشرج بيزيد عليج الهم و الغم و عدم التوفيق من الله !
أنا مو قصدي أحول الموضوع كله ديني ! بس هاي حقيقة واايد بنات ما فتحو عيونهم على هالنقاط البسيطة اللي بتحول حيااتج لحياة سعيدة أو بتحوله لنكد و هم و غم و شقا !
و إذا تبين دليل على كلامي أو حتى مو مصدقة كلامي !
جوفي اللي تغيرت حياتهم
جوفي اللي بدو من الصفررررر ما عندهم مال و لا عندهم سكن و ياكلون من الزبالة أكرمج الله ! لين تحولو لي أشخاص معرووووفين و شخصيات مهمة !
و هالأمووور أنا ما يبتها من عندي
في كتب قريتها و قصص سمعتها من أشخاص نفسهم ..
إنتي مو أقل عن الناس اللي حققو اللي يبونه !
ما عندهم عقلين ولا شي أكثر عنج !
عندهم هــــــــمة حبيبتي
عندهم إراااااااااااااادة
عندهم طموووووووووووووح
يعرفون شو يبوون !
و ما حطو طموحهم بحدود قدرتهم هم !
لو الانسان يجوف عجزه ! عمره ما بيحقق شي تمناه !
بيظل مثل ماهووو لين يمووت !
يمكن بتشوفون إن هالموضوع ماله علاقة بالجمااال بس بالعكس حبيبتي له علاقة وثيقة بالجمال بتعرفونه في طرحي القادم
كلكم شليتو كلمة مستحيل من قاموسكم ؟؟
يعني أبلش في نقاط الجماال و غيرها ؟
ولا خلااااااااص أطلب من المشرفات يحذفون الموضوع ؟
و سلامتكم و بث
هيه صح و اذا ما عجبكم خبروني عشان ما أتعب عمري و أكتب الباجي ولا أكون ثقيلة عليكم
.
يمكن اسلوبي ما يعجبكم بس شو أسوي تحمست يعني
>> خلصيينا انزييييييييييييين و بثثثثثث ههههههههههههه)) وهذا هو الجزء الاول خلص..
بعد قليل الجزء الثاني ان شاء الله
فرفرة99 @frfr99
عضوة فعالة
يلزم عليك تسجيل الدخول أولًا لكتابة تعليق.
الصفحة الأخيرة
بسم الله :
((أولا: ببدأ بطرح موضوع مهم لجمال الفتاة
و كل بنت تحب تزيد ثقتها بنفسـها و تبرز جمالها
أباكم تربطون بين نقطتين مهمين وااااايد حبيباتي
&علاقة الثقة بالنفس في موضوع الجمااااال&
و قبل لا أبلش بعطيكم مثال و أكييد صادفكم وااايد في حياتكم عشان تفهمون قصدي عدل
أباكم تركزون معاي و اللي بايدها الثانية البلاك بيري تحطه عالطاولة الحين
أحياانا كنت أصادف بنات في حياتي و بالذات في الكلية
من أول نظرة أشوفها ما يجذبني جمالها
أو بالأصح جمالها عااادي جدا و بسيط
و تمر الأيام و تصير بينا مواقف
طلعت البنت تدرس في كلاسي
مرحة بشكل مو طبيعي
بشوشة
تجاااوب و تتناقش مع السير بكل ثقة
و نظراتها حللوة
و كله مبتسمة و تشع من الحيوية ,,حلوو للحين ؟؟ تمام
خلونا نكمل ..
لما نتناقش في موضوع معين
من ثقتها بنفسها تخلي البنات كلهم يأيدون رايها
و اذا في معارضات على رايها تقوي رايها بأدلة و ما تهز ثقتها بنفسها حتى لو كل البنات عارضوها
لين صااار الراي رايها و كسبت ثقة البنات باسلوبها
و لما نخلص الامتحان و اللي مكشرة و اللي معصبة و اللي شوي و بتصيح
اهية كانت تضحك و الحياة حلوة
يسألونها لهالدرجة كان الامتحان سهل !
كان جوابها : الحياة مستمرة سويت اللي علي و ذاكرت و الباجي على ربج اللي كاتبنه بيصير
الثقة العااااااااالية اللي فيها
خلتنا نشوفها حلللللللللللللللللوة
و الروح الحلوة اللي فيها هم خلتنا نشوفها حللللللللللللوة و جذابة
لدرجة يا بناات نشوف ملامحها حلللللوة !
فيها شي مو طبيعي يجذب !
تمااام وصلتلكم الفكرة ؟؟؟
أباكم تفكرووون الحيـــــــــن يا حلوااات
*في مرررة جفتي بنت حسيتيها جذابة بشكل مو طبيعي !
و لو ان ملامحها حيل عادية ؟؟
*و في مرة صادفتج بنت رغم انهااا حلللوة و كانت تعجبج بس بعد ما تعرفتي عليها و صارت رفيجتج حسيتيها مب واايد حلوة ؟ أو انها عادية ؟؟
لو ما صادفج عيل اقري باجي الطرح ^^
أولا : كثير من البنات ينصدمون كيف الريال عشق وحدة و اعطاها قلبه و روحه رغم ان جمااالها عاااااااااادي .. و واايد عادي !
و الشي الثاني : وحدة فيها جماال موو طبيعي و تهببل .. رغم هذا كأن الناس ما يشوفون جمالها !
حطووها بين قوسيــــن ((الثقة بنفسج و بجمالج و بأن فيج شي مميز)) له تأثير كبييير أتعب و أنا أقول كبير ..
النظرات يا حبوبات
طريقة المشية
طريقة الحديث
يوضح للناس إذا الانسان واثق من نفسه أو لااا
و اللي مب واثقة من نفسها تعطي المجال لغيرها ينتقدونها و يتكلمون عنها و يضحكون عليها
و جوفي اللي تمشي بثقة !
تسكت البنات قبل لا يتحجون أو بالأصح حتى لو تحجو ما يهمها رايهم
و الدليــــــــــــــــــل يا حلواااات
قعدي مع وحدة روحها مرحة و وااثقة من نفسها بتحسين كأنها أصغر من سنها !
و اقعدي مع وحدة كل سوالفها هم و نكد و بس تتكلم عن مشاكلها و ما فيها ثقة بنفسها بتحسينها كأنها تخطت الأربعين ! و شي طبيعي فعلاااا شكلها جذيه بيكوون
شلون ما تفكر بالنعم اللي الله انعمها و تتشكى من مشاكل !
بنات بالعقل يعني
#تخيلي انتي طول عمرج تسوين خيير للناس و خلينا نقول لبنتج انتي
و مرة طلبت تشتري شي معين و انتي عارفة ان هالشي بيضرها ف طبعا رفضتي
تمت تتشكا عند الناس
شو موقفج بيكون !!!
ف ما بالج رب العالمين ! اللي خلقج و كونج ووووو ما بخلص وانا اذكر نعم الله علينا تتوقعين حياتها بتتغير للأحسن ؟
(( إن الله لا يغير مافي قوم حتى يغير ما في أنفسهم ))
نصيحة مني يا بنوتااات
بطلووو عيونكم عدل
إذا وحدة من رفيجاتج نكدية حاولي تغيرينها
و إذا ما قدرتي بدوون تفكير ابتعدي عنهاااااااااااااااا
لأن بشكل غير مباشر بتصيرين نفسهااااا نكدية بدون لا اتحسين
و كل هذا عن تجربة يا حلوااااات
#اختاري رفيجاتج بعناية !
قبل لا تبلشين في خلطااات أو أي شي
الشي الأهم اللي يباله تغيير
داخلج
قلبج
نيتج
قبل لا تبلشين في خلطات
كوني متيقنة دام إن الله اللي خلقج فطبعا صورج في أحسن صورة
خلج واااثقة من نفسج
و عقبه بلشي بالخلطات
و اهتمي كثررر ما تقدرين بنفسج ما عندج غير جسم واااحد ليش التهااون و التقصير ؟
حطي في بالج إنج قبل لا تتعدلين لزوجج أو للناس (( إنتي تتعدلين لنفسج ))
لأنج تستحقين العناااية تستحقين الدلع تستحقين الاهتمام من قبل نفسج
قدري نفسج و ثمنيها
دلعي نفسج و حبي نفسج بس مو لدرجة الأنانية
و جوفي كيف تعامل الناس أو حتى زوجج بيتغير
و النقطة الأخيـــــــــــرة يا بعد قلبي
#الابتســــــــــــامـــــــــة
مهما كانت ظروفج
الابتسامة ثم الابتسامة ثم الابتسامة !
خلي نيتج القدوة بحبيبنا الرسول ( صلى الله عليه وسلم)
خلج بشوشة
ثقي بربج قبل الثقة بنفسج
كل شي يصير لج بالدنيا خيـــــــــــــــر
و نحن ما نعرف الحكمة من كل هذا
بس ربج عليم بكل شي
#الله يحبج أكثر من محبة أمج لج !
فطبعا ما بيصير لج إلا كل خيــــــــــــــــــر
الثقة يا بنات
ثم الثقة
ثم الثقة
و كل ما ثبت في قلبج اليقين بالله و إن كل شي يصيبج من الله فيه خير لج
بترتاحين نفسيا و بتزيد ثقتج
و بترسمين الابتسامة بسهولة على ويهج الحلووو ^.^
أنا أبا أبدا معاكم من الصفر
من التغيير داخليا
و هالأشيا مسااااعدة لكسب الثقة بالنفس
و الخلطات و العناية بالنفس مكملااات لموضوع الجمااال
و سلامتكم حبوباااااااااااااااات ))
وبس خلص الجزء الثاني والجزء الثالث في الطريق ان شاء الله