لاشك أن أكثر الأمهات يزعجهم التسنين ويتعبهم
لذا حطيت موضوع متكامل عنه
وانا وحده منكم
أول شي لازم نعرف وشو التسنين :
التسنين هو بداية ظهور أسنان الطفل .
أعراض التسنين :
يكون مزاج الطفل دايم متعكر ويصيح ويعض بأسنانه أي شي قدامه
لأن أسنانه تحكه تريد تطلع
وكمان لعابه دايم يسيل وتجيه حرارة مفاجئة وتجيه حكة بالأذن
وأحياناً إسهال مفاجيء .
أشياء تساعد في التسنين :
فيه لهوم شعبي يهدي ألم التسنين ويساعد في ظهور الأسنان
مكوناته : مرة - محلب - كمون
تطحنينها مع بعض وتحطينها بعلبة صغيرة بالثلاجة
وتعطين الطفل مرة بالصبح أول مايصحي ومرة بالليل قبل ينام
تعطينهالمطحون باصبعك تدهنينها على لثته وممكن تخففينه بموية وتشربينه
طبعاً هذي الأصناف تحصلينها عند العطار
2- إعطاء الطفل أشياء يعضها تساعد على ظهور أسنانه :
البسكويت يساعد عضه في ظهور أسنان الطفل
فيه بسكويت خاص ينباع بالصيدليات بس مو شرط
أي نوع بسكويت يساعد في ظهور الأسنان
وفيه كمان عضاضة بلاستيك تنباع بالسوق تساعد في ظهور الأسنان
3-فيه يباع في الصيدليه جل الاسنان تحطينه على لثه الطفل يريحه
أشياء يمنع إستعمالها عند تسنين الطفل :
1- البخور بجميع أنواعه
شم البخور للطفل ممكن يسبب انتكاسه ويأخر ظهور التسنين
ويزيد من ألم الطفل وأحياناً يتورم مكان الأسنان
2- العطر بجميع أنواعه
العطر كمان نفس البخور
كيف تتعطرين اذا كان عندك مناسبة أو تبخرين البيت :
طبعاً أحياناً تضطرين لتبخير البيت وللتعطر اذا فيه مناسبة عندك
وبنفس الوقت خايفة على طفلك
أنا أقول لك الحل
تحطين جوى أنف الطفل قطران في الفتحتين
طبعاً تحطين شوي مو تكتمين نفس الطفل
القطران يمنع دخول الروائح لأنف الطفل
القطران : مادة سوداء ثقيلة الحركة ومتماسكة
وتجدينها عند العطار .
بس ما افكر اجربها ليش؟؟؟
لاني اشمم طفلي حلتيته منقوعه عند العطار حطي عليها مويه وشمميها طفلك
تريييييح
أدوية طبية تساعد في ظهور الأسنان :
فيه أدوية كثيرة
اخترت لكم منها فيتامين De 3 لأنه الأكثر توفراً
يعطى الطفل منه خمس نقط مرتين باليوم .
أرجوا ان الموضوع عجبكم واستفدتوا منه
واللي عندها إضافات لا تبخل علينا
