موضوع محيرني ساعدوني

يمكن الحرمه مشغوله

انا لو مكانك ما اتصل ثاني مره يكفي اني كرمتها بالتفلون

احس لو باتصل كاني اطر منها الزياره

ما ادري يمكن انا حساسه مرررره من الامو اللي كذا

هلا حبيبتي بصراحه انا حساسه واجد و لما قريت موضوعك تعاطفت معك كثير و انا متنرفزة و انا اكتب ردي لاني ما احب احد يجرح حد و لا احب الظلم :(

اختي اول شي اذا فيه عندكم خدمة في الموبايل ما اعرف بس فيه خدمه اذا كان التلفون مقفل و فتحتيه بيبن اذا عندك مكالمات و انتي مقفله فاذا عندكم ها الخدمه اكيد شافت اتصالك لها ثاني شي ما كان مفروض تتصلي عليها المرة الثانيه على البيت لان اكيد ولدها خبرها :) من الاتيكيت ان لما تتصلي لشخص و مو موجود لازم تنتظري اتصاله هذا الي تعودت عليه يعني هي المفروض ادج لج ثالث شي لو كانت مقرره اطلع اولادها قبل اتصالك ما كان قالت لك تعالي و بعديت تتصل تقول مو فاظيه :( رابع شي لو نفرض انها كانت مقررة قبل بس ما حبت تاخرك و بعدين العيال اذوها و اصرو يروحون كانت اجلت الالعاب ساعه :( حبيبتي اانتي سويتي الي عليك و اتصلتي و لو كنت مكانك ما كنت بزورها خلاص :(

مجرد وجهة نظر

تسلمون حبيباتي على الردود وانا بس كنت بجاملها عشان خاطر زوجي بس الصراحه هذول خوات الزوج الواحد مايعرفلهم وانا مسكينه شارتلها هديه غاليه وكنت بوديها لها

شوفي حبيبتي انا انصحك تكبر عقلك واذ حصلتي فرصه تروحي لها روحي
لانها ما سوت شي غلط قالت لك عندها ظرف
حتى لو كان الظرف في نظرك تافه يمكن عندها مهم ومواعده عيالها من زمان
وغير كذا هذه من ارحامك ومايسير تقطعينها بسبب تافه زي كذاواذكر حديث للرسول عليه الصلاة والسلام معنى الحديث( اذ روحت عند احد تطرق الباب ثلاث مرات فاذا قال لك ارجع فارجع )
الله يوفقك

انا مع كلا ماختي تراب
الواحد ما يكون حساس لهذي الدرجه
الحياة لسى قدامك وبتشوفين مواقف اكبر من كذا المفروض انك تلتمسين لهذا اكثر من عذر
كما قال الرسول صلى الله عليه وسلم التمس لاخيك سبعين عذر
يعني مو على طول خلاص ماني زارتها
صدقيني هذا كل من الشيطان يحاول يفرق بين الارحام وتذكري هذي بتكون عمة عيالك ان شاء الله
ودائما اي عمل تسوينه اخلصيه لوجه الله بيكون احساسك جدا رائع مهما كان فيه بعض الصعوبة
والله يوفقك ويوفقنا جميعا لما يحبه ويرضاه