موضوع محييير

السلام عليكم
ببدأ على طول



في موضوع يقرقع في صدري من سنوات وماعلمت فيه احد وبين كل فترة والثانية ياخذ تفكيري واصير ودي انهبل وانجنن وما اعرف كيف اتصرف واكثر الاوقات اصير اتحاشا التفكير فيه


مااطول عليكم
بعد زواجي بمدة قصيرة اذكر انس حلمت بزوجي وهو في نوضع مخل جدا مع اختي والعياذ بالله
واختي هذي استغفر الله لكنها يعني ميف اقول ومايطلع حقارة لكنها في الصدق نقدر نقول عنها وصخة يعني كانت تكلم شباب على جوالها وعبايتها ضيقة وتتعمد تبرز جسمها وكذا

اللي صار بعد الحلم اني خفت ولاني اعرف اختي وحركاتها فصرت زي الي اتحاشاها وشاي منها لكن في الاغلب استمرت العلاقة مع اختي عادية وباردة شوي

وخلال هذي السنوات وبحكن العلاقات العائلية كان زوجي يوصلنا انا واختي ويودينا ويجيبنا ونطلع حديقة يعني جلسة مع بعض وزوجي يسولف واحنا نستمع ونروح مولات وكلنا مع بعض انا واخواتي

ونحجز رحلات مع بعض يعني اهلي وانا وزوجي وعيالي ونسافر مع بعض ونتمشى وحتى قد مرة شافها بدون عباية بالغلط على قولتها هي زي ما اعترفت لي وقالت وقتها انها متفشلة ومدري وشو

وقد مرة فتحت على لابتوب زوجي وقعدت افرفر فيه من غير قصد اني ادور عليه شي
المهم ولقيت مجلد باسم غريب وفتحته الا والقى فيه صور عايلتنا كلها ومنها صور اختي والمعذرة على الوصف لكنها صور اغراء تعتبر لكن يعني مع ملابس " وهي من النوع اللي يتصور كذا دايما " يعين من نوع الصور اللي سلفي وهي متسدحة وكذا


المهم اني انقهرررت وفي نفس الوقت تحطمت وذاك الوقت كنت مكتئبة جدا واذكر اني قلت في نفسي يعني هي حلوة مرة وانا اقل منها بكثير ومن هذا الكلام يعني قعدت اجلد في نفسي
ولا سالت زوجي عن الصور لاني كاني اذكر احد من اهلي شبك الجوال علاللاب حقه ومدري شلون انتقلت الصور وكذا وغير كذا اني مستحيل اصارح زوجي لانه راح يتاكد من قلة صقتي واني اقارنها فني
ومرة وانا وزوجي قاعدين تجي بنتي وتوصف اختي بصفة فيها يعني تمدحها وتقول خالتي عندها كذا وانا على طول سكتتها ومشيت الموضوع

ومرت السنوات واحنا على هذا الحال
المهم اني قبل سنة او اكثر كاني وعيت على نفسي وقمت من غيبوبة وتحسن وضعي من ناحية الاكتئاب وتقدير الذات وكل هالاشياء اللي كانت ملازمتني لدرجة كنت احسها جزء مني
وصرت انتبه اكثر على طريقة التعامل بين زوجي وبينها يعني صرت الاحظ بشكل واضح ان زوجي لما هي تكون معنا في السيارة مثلا رايحين مشوار يبدا كانه يتميلح وصوته يتغير وحتى اني الاحظ ان جلسته تتعدل ويشفط كرشته اعوذ بالله
ومثلا اذا قلت لعيالي يلا تجهزوا جايتنا خالتكم فلانة يصير هو يتحمس ويساعد وحتى يروح يشتري من الحلويات وانا والله موطالبة منه
ولاحظت انه يسالني عن اخبارها ووش صار عليها في دراستها وكذا ويسال تحتاج مراجع مدري كتب كذا وكذا

ولاحظت مثلا اني لما كنت اشتكي من زوجي عند اخواتي هي ما تتفاعل ولاتتكلم بس تصير ساااكتة عكس يعني اخواتي الثانيات اللي يصيحون ويتفاعلون معي ودايم كنت استغرب هذا البرود


ولما مثلا تكلمه الوالدة ان سيارة اختي خربت مدري وش فيها وانها في طريق كذا طلع طيران من البيت على اسااس يساعدها ويوصلهم للبيت

وقبل شوي شفته كاتب في تطبيق من تطبيقات التواصل وهو يكلم واحد من اخوياه سالته اختي عن شي في تخصصهم - وهي نفس تخصصه- فرد وهو مستانس ويقول لخويه هي اكيد ماسالتك انت بس قصدها انك توصل الرسالة لي لانها تقصدني بس تخاف من زوجتي انها تكلمني انا مباشرة

واقسم بالله يوم قريت هذي الرسالة اني دمعت وقعدت اصيح وافكر في ترابط السوالف كل هالسنوات وشكي ازداد الا تاكدت اني مو موسوسة ولا نفسيا فيني شي بالعكس يمكن اني كنت كل هالسنوات مغفلة وعلى عماي او كنت مشغولة بحالتي النفسية وضغوطات درساتي وشغلي عن هالاشياء

علما ان زوجي راعي بلاوي وكم مرة كشفته يكلم بنات اخرها الليلة ويسولف ويطق الميانة معهم وسمايلات ونفسية زينة
واختي متزوجة

علموني الله يسعدكم وش تحليلكم؟ هل الوضح طبيعي ولا انا فيني شي ووش اسوي
لان لازال التوصيل للمشاوير موجود ومستمر والسفر في نفس الرحلة موجود والسوالف موجودة وبحكم وضعنا الاسري يعني ماعندنا ذكر متواجد دائما لا اب ولا اخ واذا تواجد فمشغول باشغاله وهكذا فيضطر زوجي يودي ويوصل ويجيب


الله يسعدكم لا تتجاهلون
نفسيتي جدا سيئة لو دعوة باصلاح الحال 💔😭😭