مهم للجميع
كلامي لكم من القلب للقلب
نبي ننحف نبي نلبس مخصر وبرموده قدام ازوجنا نبي ندلع بخصر نحيل مثل غصن البان
نبي الناس اصبعهم تأشر علينا بأعجاب مو بسخريه واستهزا
نبي طبقات الشحوم تروح والله يوم نلبس قصير اوبرموده قدام ازوجنا طالعه رجولنا سيخ شاورمه
بس بنات خلونا نسكت الناس الي يضحكون على سمنتنا والله شي يقهر لمن تشوفين ملابس روعه ونفسك فيها
ما تدخل بجسمك واذى دخل بعد كم دقيقه انفرط السحاب او انشد الخياط وينشق
بنات احنا بيدينا نقدر نحل مشكلتنا لايش اليأس ليش التخبص في الاكل يكفي تخبص السنوات الي راحة
والنتيجه كروش تحت الركبه شحم مدلدل بيدينا الظهر مقسوم نصين والسر طالع عندنا بئر
والله يكفي والله أني اكلامكم لاني محترقه على حلنا وين وصلنا
مين فيكم تقدر تأخذ سكينه بيدها وتجرح نفسها؟؟؟
احنا جلسين نجرح انفسنا بيدينا ايه بيدينا ونسبب لاأنفسنا جروح
ماتروح الابيدينا
جروحنا نفسيه وجسديه
الجروح النفسيه
نظرة الناس ان الدبه غبيه وانها مجوعه زوجها وتأكل ولا أنها تأكل ومخليها عيالها
لمن نروح أسوق شوفو نظرة الناس لك لمن تطلبين مقاس كبير والله كاني بعير منحاش من شبك
والي يقهرك زود لمن يقولك الهندي ماما مافي مقاس كبير كلو مقاس صغير..
هذا أقل شي يصدفنا في الحياة
نظرة زوجك لك ....؟ كل وحده عارفه وتقوس على زوجها
نظرة جمعتكم لك يوووو كثيره منها
مسكينه من السمنه ما تقدر تمشي=يووووو شوفي بطنها متصل مع خصرها وظهرها=ولمن نرقص بزواج شوفي الحش الي على اصوله يووووو بتهد المنصه وقبل ماتدخلين المنصه نص الي يبون يرقصون يهجون حفاظاًعلى اروحهم
لايصير استخرج نفط...
لمن تركبين السيارة شوفي السياره أكثر ميلان من وين؟؟
عاد أسمع التعليق من الي جلسين وراك==يووووو أم فلان السيارة مايله من الاجنب الي انتي فيها
لمن تطلعون تتمشون براء في منتزة او على كورنيش او في السوق ..
تمشين مع زوجك ولا أختك ولاأبوك هب الهواء من وراء او من قدام شوفي الصدمات مايحتاج كلانا عرفين انفسنا!!
ويكفيك نظرة الناس لك وأقل تعليق بتسمعينه =يوووووو شوفو مجزرة لحم تتحرك
لمن تجلسين جمعه مع صديقاتك او بنات جمعتكم او أخوتك!!
ولبسه ملابس على حسب جسمك شوفي المطبات الي في بطنك وأقل تعليق بتلقينه=يوووووفلانه طلع بطنك مطبات صناعيه
واذى ضحكتي =يوووووو فلانه والله بطنك كأنه اصنصير متحرك
نروح للبيت
وفي أخر شي نحرق في اعمرنا لمن نرجع للبيت ونشتكي فلانه تعيرني لاني سمين
والله معاد اروح جلسين يضحكون ويترقون على لاني سمينه
والله انقهرت فلانه كانت سمينه وجالسه تعيرني وتقولي يوووو أنتي باقي سمينه وماقدرت ارد عليها لاني سمينه
واليل كلها تشتكي علشان هي سمينه
تعدد السبب والموت واحد=== افسرها لكم
تعدد السبب تريقت الناس عليها وحشهم فيه ونظرتهم فينا!
الموت واحد===لاني سمينه
كل وحده لهاحرية الاختيار بيدها
يا تعين نفسها
يا تدمرهااااااااا
وكل الي قلتها لكم والله قليل
للكل وحده سبب دفعها انها تحط قرار لنحافه >الي هو الرشاقه<
نصيحه
قبل ماتأكلين تذكري السبب الي خالك تتخذين القرار السليم لنحافه
حطي في بالك انك تسدين الجوع بس موتملين القربه
أختاري الشي الي يساعدك على تخفيف الوزن
ابتعدي عن الي يراكم الشحوم والي سبب في سمنتك
وتذكري أن السمين أكثر عرضه لالاأمرض.
السكروالضغط والجلاطه وضعف التنفس وخشونة الركبه وتصلب الشريين...و...و....
وهذا والله قليل
واعرف إن كل شي بيد الله
بس ابذلو الأسباب
أختكم الدبدوبه ورشيقة المستقبل بأذن الله
بتوفيق للجميع
تسلمين ياام عدولي
والله اني ادعي لك لي يومين
ادبتيني صح صرت ماشيه مضبوط مثل العسل
والله كلامك صحيح 100%
فعلا اكثر شئ يضايقني كلام الهنود واصحاب المحلات
قمه الاحراج حتى وجه زوجك يطلع علبه الوان
لاقالوا لامدام هذا كله صغير مفيه كبير
كله كووووووووم واذا مريت من جنب نعومي
واجي بدخله يقوول زوجي متلقين مقاسك
لا وانا ووجهي اصر وادخله واشتري بعد
وابشركم يجي قدي بس ماله حلا ضائع بين الشحوم
تسلم يدينك على رفع المعنويات
والله ان كلامك عين العقل ومجهود رائع تشكرين عليه
يمدي الشله مقهوره على اول من رد عليك انا