كيفكم اخواتي العزيزات رح اقدملكم برياني طيب وحتاكلو اصابعكم ورا وان شاءالله يعجبكم
انا عملت كمية قليلة على قدنا بامكانك اتضاعفيها
بسم الله نبدأ
المقادير:
دجاج
كوب رز
بصلتين
3 حبات بندورة
ملئ فنجان قهوة لبن زبادي
ملعقتين كبار رب البندورة
فصين ثوم مهروسين
قطعة زنجبيل صغيرة
5حبات هيل
5حبات قرنفل
حبة لومي اسود
ملعقة صغيرة مليانه بهارات البرياني (SHAN
كمون
ملح
الطريقة
نقطع البصل شرائح ونقلبها حتى تذبل
ثم نضع البندورة المقطة كبير ونهرس الثوم مع الزنجبيل ونضعه على البندورة مع اللومي والهيل والقرنفل وبنقلبهم وبنخليهم على نار متوسطة قليلا
ثم نضع الدجاج واللبن ورب البندورة وابهارات البرياني وبنقلبهم شوي وبنهدي النار تحتها ونضع غطاية الطنجرة ونتركها مفتوحة قليلا
ونتركها مدة 45 الى 50 دقيقة مع التحريك كل شوي لما تنشف المي عنها وهيك بتصير
ثم نسلق الرز ونضع على ماء السلق ملح وانتبهي تسلقي اكثر من اللازم وصفي جيدا من الماء
ثم ضعيه في صينية وورشي على نصف الرز كركم وقلبي حتى يصير لونو اصفر
ثم ضعي الدجاج اسفل الطنجرة وضعي كمية من الرز الاصفر والابيض وضعي كمية قليلة من الخلطة وزعيها
ثم كمان طبقة رز ووزعي عليها من الخلطة وهكذا حتى يخلص الرز
ثم ضعي على الطنجرة طبقتين قصدير (ورق المنيوم) ولفي ايدين الطنجرة علشان ما يحترقو وحطيها بفرن حامي نصف ساعةعلى 190 (بعد ثلث ساعة خليها على 160 عشر دقائق)
طلعيها واقلبيها وقلبي الرز شوي واستمتعي بألذ برياني والف صحة هنا بامكانك تعملي جنبو فتوش مممممممممم
حيكون روعة
واي سؤال انا بالخدم ان شاءالله
اختكم ام محمد