السلام عليكم .......................امس صارلي موقف مع ابو الشباب انا وزني 69 وهو ماشاء الله 57 وانا قصيرة وهو طويل كنا طالعين برا والجو بررررررررررررد قالي البسي جاكيت انا مالبس منعا للاحراج لانا بدولة اوربية يعني الجاكيت فوق العباية يعني الدبة لاتلبس لامن تحت ولا من فوق لانها بتصير دب قطبي لبسنا قام قالي صكي السحاب قلت مابي كذا احسن قام يمي يبي يصكه غصب تخيلوا الشحوم واللحوم طلعت وعيا الجاكيت لا ينصك قالي نزليه واخذه والبسه وصكصكه وانا ابموت قهر قالي كذا احسن خففي عشان تصيرين احلى هئ هئ هئ ............ ولا بنتي المسيكينه 2سنة شافتني مرة وانا ادهن بخل التفاح قالت ماما كيكة واتأشر على بطني هئ هئ لكن وين القلب الي يحس

هههههههههههههههه... الله يسعدك يا سارة إنتي و أختك والله موتيني من الضحك...

وفعلا التشبيه مية مية... ههههههه

اسعدكم الله اخواتي باي مكان كنتوا وبأي زمان كل واحدة منا كان لها موقف زعجها ولربما بقي حرقة تلدع جوفها من الحسرة والآلم

هذا لايجعلنا نيأس ونحبط امالنا بل علينا ان نضع هدف نصل علينا بإرادة وقوة ونجعل من يلي حصل معنا سابقا حافزاً لكي نتقدم نحو

لايخلوه اي شي من الصحة اتمنى لكم ان تصلو بعزيمتكم وإرادتكم الى ماتسعون وانا معكم :39:

الي ياثر فيني اني كل مادخلت محل اسال ع طول فيه مقاسات كبيره ماالف ولا ادور عطول اروح للموظف واسال:(
الموقف الثاني لما اجي البس ملابس كانت تدخل فيني والقاها ماتتسكر ولمااشتري بلوزه مقاسها كبيره وعاجبتني ولما اروح البيت فرحانه فيها ولما البسها يكون شكلها بشعع علي وافسخها ع طول وتروح الايام وهي مركونه بالدولاب

ومن المواقف لما كنت ادرس تمهيدي طلبت روضه ورفضوا المهم كررت الطلب وابتسمت لي المديره وقالت باسلوب مزح بس عشان ماتجرحني انحفي اول ونحولك ......وكان الي مانعهم الوزن لازم تكون نحيله عشان تكون قريبه منهم
والي فعلا فعلا اثر لما كان فيه عزومه بالمدرسه وقام الكل من ع السفره وانا توني ماقمت طبعا كلهم انحف منييي مع اني مااكلت كثير بس اغلب جلوسي سوالف والادهى وانا جالسه ولما قاموا كان جنبي مرايه ع الجدار والتفتت وشفت شكلييييي وكاني اول مره اشوف نفسي بجد كرهت الدنيا ......والي يقهر ان سبب سمنتي هرمونات والناس تنظر لي بنظره اني اكوله حسبي الله ونعم الوكيل بس......
غير العقد الي كبرت معي من وانا صغيره لما يشوفني ولد بالشارع يلتفت علي ويقول دباا ولما اروح لمنتزه يتسلط علي واحد ويجلس يعاير غير العاب كنت انسحب منها لانها ماتصلح لي

وش اقول وش اخلي :(