مسيكم بالخير
يالله نبدا
هذي داوود باشا وطريقته
لحم مفروم يتبل ببهارات وملح ويكور..
يحمس بصل ثم يضاف له صلصه وبهارات وملح ثم نخلط بلخلاط طماطم وثوم ونصبه فوق الحمسة البصل ثم نصف الكور بالقدر ونتركها على نار هادئه
تقدم مع رز ابيض..
شيش طاووق
طريقته:
صدور دجاج مقطعه ومتبله ب: علبة زبادي + صويا صوص + ثوم + ملح وفلفل اسود وبهارات.
** تترك اقل شي ساعتين بالثلاجه.
ثم تدخل الفرن تنشوي وتقلب لين تنضج..
تدخن بالفحم والزيت عشان يعطي طعم الشوي..
تقدم مع الرز الابيض
وهنا لما كنت ادخنها
هذا كوب كيك التفااح مسويته صديقتي لما شافت موضوعي السابق ارسلت لي صورة الحلى هذا تقول خل يشوفون اني سنعه
الكب كيك مسويته عضوه بالمنتدى بس نسيت اسمها
هذي سمبوسة البف تووني مطلعتها من الزيت
طريقة العجينه:
2 كاس طحين + بيالة زيت + بيضه+ رشة فلفل اسود وملح + ماي
** تعجن ونبدا بحشيها ثم تقلى بالزيت
الحشوه جبن مثلثات وخلطة دجاج
* خلطة الدجاج سلقت صدور دجاج وفتتها ثم حمست بصل مع فلفل بارد وجزر ثم حطيت صلصه وبهارات ثم الدجاج وقلبتها وحشيت البف.
كيكة اللبن
طريقتها:
بلخلاط : كاس لبن وكاس سكر وكاس زيت و3 بيضات وفانيلا
بعد ماتنخلط تضاف كاس ونص طحين وكاس جوز هند وملعقتين صغار بكنج بودر
** تصب في صينية الكيك وتدخل الفرن ولما تنضج تخلط 6 حبات جبن كيري وعلبة نستله محلى وتصب فوق الكيكه وتدخل الفرن لين تتماسك الطبقه وماتشقر
انا هنا قبل لادخلها صبيت هيرشي شوكولاته
وبشوكه شخبطي يمكن يطلع شكل زين انا جبت العيد خخخخ
كاسات ايسكريم الفليك
الطريقه:
الطبقه الاولى بسكويت شاي مكسر
الطبقه الثانيه بالخلاط: كاس ماي حار مذوب فيه ظرف جيلاتين
2 ظرف دريم ويب
ظرف كراميل
1 قيمر
6 حبات جبن كيري
3 ملاعق كبار نستله محلى
** تخلط وتصب فوق طبقة البسكويت
الطبقه الاخيره:
3 ملاعق كبار نوتيلا+ علبة قشطه
** تذوب بالمايكروييف وتصب على الطبقه الثانيه بالكاسات
وتزين بالفليك..
كيكة التفااح
المقادير:
كاس طحين+ 2 بيضه + علبة قشطه + بيالة زيت + ثلاث ارباع كاس سكر + ملعقه صغيره بكنج بودر
لخلطة الوجه:
تقاحتين مقشره ومبشوره + ملعقه صغيره قرفه
مكسرات: فستق وجوز ولوز مبشوره وجوز هند
حليب محلى
الطريقه:
تخلط مقادير الكيكه السائله بالخلاط ثم تصب على المقادير الجافه وتخلط
تخلط التفاح والقرفه ويوضع بحذر على وجه الكيكه ثم ترش بمكسرات وتدخل الفرن حتى تنضج وتتحمر
عند خروجها يصب المحلى على الكيكه وهي ساخنه
** ملاحظه : كيكة التفاح من كتاب ام شهد
هذا وصلى الله على نبينا محمد
تسلم يداتك