,,,, كنت أتسوق بالمنتديات وأشوف لكم الزين واجيبة وطاااحت رجليني من الدوران وماخاب تعبي لقيت لكم موضوع يهبل وغريب وياااااااااااااليت نتحمس مثلهم صراااااااااااحة موضوعهم وفكرتهم تهوووس ’’’’
-*
حيّاكم الله
شهر مبارك علينا وعليكم يارب
و الله يقبل منا ومنكم صالح الأعمـال
^
المقدمة التقليدية في كل مواضيع رمضان
طيب
غمضوا عينكم و تخيلوا معنا
امممـ
غمضوا عين و فتحوا عين عشان تقرون الي نبيكم تتخيلونه
يوم رمضاني ، الساعة 12 الظهـر
المطبخ فلّ الفلّ لا حوسـه ولا صحن من هنا ولا سكين من هناك
يمشي الوقت شوي
تصير الساعة 2
تصير 4
تصير 5
* و الإعصار يزيد شوي شوي
لحد ما يتحول المكان المرتب الأنيق البريء
لـ مسرح جريمة ، و شيء متحوش ما يمكن أننا نوصفه إلا بحالة وحدة فقط
" نجيب الكام ونعمل كلك تشك بك "
ونصور هالكرنفال الي صاير بالمطبخ في الدقايق الأخيرة قبل صلاة المغـرب
أو بعد الفطور زي ماتبون
المهم نبي صورة لحوسة مطبخكم و الفيضان الي حصل يوم بيوم
السنعين يصورون لنا لقطة أخيرة لحالة المطبخ قبل ما يقلطون ع الفطور
و الي مالهم بالسنع ، يأكلون تمرة و يشربون فنجال قهوة
ويروحون يطلون ع المطبخ يصورون التشويه الي صار
*
هنا بيكون شيء ما شفتـوه ، من حوسة الحوائيات
هنا بيكون تسجيل للصورة الأخيرة لمطبخ الفطور كل يوم
يوم بيوم ، قبل الفطور بدقيقة صوروا لنا حالة مطبخكم المزرية
لا تسوون ذربين و مرتبين و تصورونه بعد التنظيف
لا لا لا
تطمنوا ترا وضع المطبخ وكونه حوسه طبيعي طوال شهر رمضان
لكن الفرق أن فيه ناس مطبخهم بعد الفطور يصير كنه جمس قالب
وفيه ناس حوستهم ذربة شوي ، يعني 15 إلى 20 صحن فوق بعض
* ننتظركم هنا كل يوم
مع شيء ما شفناه
