اشترينا البارحة فقع وقلت مافي الا اسويه مجبوس للغدا
اول شي نقعته بالماي
غسلته ونظفته
حمرت البصل
وضفت فوقه الفقع وحركته
ضفت عليه الطماط المفروم والفلفل الاخضر الحار وحركته
ضفت عليه البهارات والملح وحركته
بعدين الماي وخليته يطبخ لمدة 45 دقيقة
يحتاج الفقع الى طبخ عدل
حطيت عليه العيش المغسول
اخر شي الكزبرة المفرومة وحركة
يوم بدا الماي ينشف وطيت النار
غطيته بالقصدير وخليته على نار هادية وحطيت حديدة تحت الجدر وخليته يكمل استوا على راحته
يوم استوى غرفناه وبالعافية
سويت طبق جانبي ( كاري الدجاج ) لان بنتي الله يحفظها ما تاكل فقع
الخبز للكاري مب للمجبوس:27:
بالعافية على قلوبكم
حقوق النقل لكل مسلمة ولا تنسونا من دعواتكم لنا بحسن الخاتمة