اللهم إني أسألك علماً نافعاً وقلباً خاشعاً وعملاً متقبلا
أسعد الله مسائكم بكل خير
منتدانا الغالي ملئ بكل الوصفات المختلفة والمتنوعه وذلك لاختلاف الجنسيات
الا أنني لا أعترف بإختلاف الجنسيات بين الدول العربية
فكلنا كل العرب أخوة وان شاالله يجمعنا دائماً حب الخير تحت راية الاسلام
ندخل ف الموضوع::
انا حبيت اعمل ملف متنوع لكل واحدة محتارة تطبخ اية النهاردة
ذي ما انتوا عارفين دا السؤال اليومي
هانطبخ اية النهاردة؟
هانطبخ اية بكرة؟
وتبدأ الحيرة
عايزين نغير ف مطبخنا ونعتمد علي الاكل الصحي اكثر
والحمد لله انا ذوقي ف الاكل انتركونتنيتال يعني مش مقتصرة ع نوع معين
بحب الاكل الخليجي
وبموت ف المطبخ اللبناني والسوري
وبعشق المطبخ الايطالي
وبحب المخبوزات الفرنسية
يعني كل نعم ربنا ونحمد الله علي نعمه التي لاتعد ولاتحصي
فياريت يكون ده ملف شامل اللي يحب يطلع علية بشكل يومي
وبكده مش هانحتار
وطبعا من شروط الملف:
لا للوجبات السريعة
نعم للأكل الصحي
اللي بعتمد ع الخضروات
وطبعاً ماننساش وجبات خاصة للأطفال اللي بتعتمد علي تكوين بنيانهم بشكل صحي
يعني نحاول ندخل جميع انواع الخضروات ف اطباقنا
وخاصة التي تحتوي علي نسبة عالية من الحديد
مثال( السبانخ+ الملوخية+ الباذنجان)
وكذلك اللحوم الحمراء والبيضاء وكذلك وصفات الكبدة لاحتوائها علي نسبة عالية من الحديد
خلاص أطفالنا الاكل الجاهز اثر علي تكوينهم الجسمي والحركي
نظراً لاحتوائة علي مواد حافظة ومحسنات طعم وما الي ذلك
في انتظار مشاركتكم
وكل واحدة عندها وصفه ياريت تحطها هنا
ويكون مرجع لينا كلنا وتعم الفائدة بإذن الله تعالي
حبيت أخصص الجزء الاول لاصحاب الريجيم او بلاش نقول ريجيم هانطلق علية
( قسم الأطباق الصحية )
مكوناته لاتعتمد علي الدسم
لاتحتوي علي الماجي
وهذه اول مشاركة لي
خضروات مشكله مع الدجاج
المقادير:
دجاجه مغسوله ومقطعه علي ثماني قطع
4 حبة بطاطس مقطعة
حبة جزر مقطعة
كيس بازيلاء
4 حبة طماطم مقطعه
بصلة كبيرة مقطعه
فص ثوم
ولوعندك اي نوع خضار تاني ضيفية كمان الكوسة بتكون حلوة
بهارات + ملح+ رشة هيل
الطريقة:
نضيف كل مكونات الخضار مع بعض ونضع عليهم جزء من البهارات والملح
ودا شكلهم
ثم نضيف عليهم الدجاج وباقي البهارات ونقلبهم مع بعض كويس
ثم نضع كل المكونات في الكيس الحراري
ونفتح ف اعلاه ثقب لإخراج البخار وندخل الصينية الفرن
اخدت مني حوالي ساعة ف الفرن
والدجاج أخد لون حلو وكذلك اكتسبت حبات البطاطس لون الشواء
ودي النتيجه يم يم ع الريحة والطعم يجنن
الصراحة انا بحب النوع دة جدا له طعم تاني
شوفوا الدجاج متحمر وبدون زيوت ولادهون
تابعوا معي باقي الموضوع
رجاءً عدم الرد
الصراحه لما بحب اخفف من وزني او علي الاقل أحافظ عليه
بحب تشكيلة الخضار دي جداً وبحب اكلها بالمعلقة مع طبق سلطة خضراء
وساعات الشيطان يقولي يابت خدي لكي معلقتين رز مش هايحصل حاجة
فخصصت لنفسي الطبق الصغنون الحلو ده
يادوب بياخد 3:2 معالق رز
واتفضلوا معايا غدانا النهاردة
صحي وخفيف وبدون دسم
زووووم اكتر
يم يم واخد كل النكهات وكمان نكهة الفرن
رووووعه انصحكوا تجربوه
ودة طبق السلطة اللذيذ والمغذي
حبيبتي(يتيمة تائهة) الطبق ده هايفيدك جدا ف الريجيم
وأحبك الله الذي أحببتنا فيه والف شكر علي كلامك الحلو الصراحة اثر فيه كتيير
ربنا يبارك فيكي ويسعدك ف الدارين
أتمني غدانا النهاردة يكون عجبكوا
وانتظروني ف وصفة تانية بإذن الله ان كان ف العمر بقية
واتمني اكثر ان تشاركونا بوصفاتكوا اللذيذة بوضعها هنا ف هذا الملف
ان شاالله الكل يستفيد
يلا يابلبة شدي الهمة
وانتي ياحبيبتي دانا اخت بشار
وكمان حبيبة قلبي نور الفجر
والعنود المتميزة وفرح نجد ولحن الحياة
وطبعا حبيبتي إبداع تونه
والصراحة المتميزين كثر في هذا المنتدي ماشاء الله تبارك الله
ولاتتميز واحدة عن الأخري بل اشهد للجميع بالتمييز والإتقان
بارك الله فيكم جميعاً
وأعانكم علي طاعته
والحمد لله الذي أطعمنا وسقانا وكفانا فكم ممن لا كافي له ولامأوي