هالو يادون
جوزى جاب سبانخ بالغلط كان فاكرها ملوخية ومقراش اللى عليها
الهم لا انا ولا هو بنحب السبانخ المطبوخة
فكرت اعملها على النار ببصل وسماق واحشيها فى السمبوسة بس هتبقى كتير قوى كده
عايزة فكرة كمان استعملها فيها غير السمبوسة والجلاش عشان اقسم كمية الكيس عليها ومتبقاش كتيرة فى صنف واحد

نقعد بقى نكتبلكو اللى فاكرينه من الاكلات اللى اتعلمناها
فى اكلة بسيطة بيسموها محموس ( طبعا متعلقوش كتير على الاسامى وكلو وانتو ساكتين)
بتقطعى 3 بصلا صغيرين وتحمريهم فى زيت فى حلة الرز لغاية ما يتحمرو خالص ويبقو زى البصل بتاع الكشرى او اغمق كمان بس طبعا تقلبيه على طول عشان ميسودش قوى ويتحرق
وبعدين شيلى البصل من الحلة وتكونى مجهزة فرخة كاملة متنضفة كويس ومنقوعة فى مية وخل عشان الزفارة تروح منها خالص
طبعا هترمى الزيت اللى عملتى فيه البصل وحطى زيت جديد نضيف فى نفس الحلة بس مش زيت كتير يعنى للتشويح بس وحمرى فيها الفرخة شويه وبعدين حطيلها مية عشان تتسلق فيها وحطى البصل اللى حمرتيه معاها ومعاه واحده لومى لو فى وقرفة وقرنفل وسيبيها تتسلق3/4 الوقت اللى بتتسلق فيه فى العادى
وفى نص مدة السلق تقلبيها على الناحية التانية عشان كلها تاخد لون وزبطى ملحها
هتلاقيها خدت لون بنى شبه لون الفراخ المشوية اللى بنشتريها جاهزة او افتح شويه
المهم بعد ما تسلقيها ¾ سوا شيليها من المية وصفى المية من البصل والفرنقل بالمصفى السلك الكبيرة وخلى المية على جنب
هاتى كمية الرز اللى هتطبخية ويستحسن يكون بسمتى لان اصلا الاكلة دى بالرز البسمتى وبعد ما تغسليه حطيه فى الحلة وعايريله ميته من المية البنى اللى اتسلق فيها الفرخة وحطى معاه زبيب وزبطى ملحه وحكى فى نصه الفرخه وغطيه وسيبيه يستوى سواه العادى خالص
وهو على النار تكونى محمصة شويه سودانى ولوز للوش وتقدميه بعد ما يستوى على طبق طويل والمكسرات على وشه وعليها الفرخة
بيتعمل معاها سلطة زبادى وسلطة خضرا وشوربة ودمتم

ازيك يا دينا.. الف شكر يا روزا بس ليه ننقع الفرخه فى ماء وخل الاحسن نغسلها بالدقيق وممكن شويه خل فى الشطفه الاخيره بس من غير نقع علشان الفيتامينات بتاعتها مش تروح

دندون صباح الفل

ده الخطوات اللى عملتها فى الكرواسون

https://d2s63a22uzwg40.cloudfront.net/PE/2007/01/19/10/indexphpimageDSYlLkpOncD9wR-1.php?image=dsyllkponcd9wr




https://d2s63a22uzwg40.cloudfront.net/PE/2007/01/19/10/indexphpimagegv1hHgMmKhJETQ-1.php?image=gv1hhgmmkhjetq

تسلم ايديك يا ايمان شكله يجنن

دينا انا عملت بقى كاااااارثه بكل المقاييس

بالاضافه للانها شيئ غبى للغايه

فى هايبر لقيتهم حاطين كرنبات كبيره جدا اشتريت لى واحده

لما جيت اسلقها يا دينا فوجئت انها ملفلفه على بعضها ومكرمشه وبشعه

هى كده مش كرنبه حشو صح؟
طب اعرف منين كرنبه الحشو من الكرنبه الى مش حشو؟